iPad Air 有冇得炒，相信是很多投機玩家的關心議題，昨夜來自先達的觀點已看到似乎沒有空間。我們剛剛走訪了資深 Apple 炒家 Tommy，一探他的看法，初步都是一致看淡。雖然該名炒家表示，現時的收機價只屬「Hea 價」，要到今日下午 3、4 時才有真盤。雖然現時有幾十蚊水位，不過他都絕對看淡 iPad Air 炒機市場。
香港被 Hold 貨
打從幾代 iPhone 開始炒賣的香港市場，一路都被指影響整個供貨生態，所以之前幾次都有出現 Apple 特登「Hold 貨」的情況。而今次 iPad Air 亦有相同情況，截稿時已停止網上訂購。Tommy 亦續道，大陸onine store 現時維持 24 小時出貨，其實供貨十分穩定，加埋香港唔夠貨，其實炒賣市場沒有太大空間發展。不過他重伸，「冇肉食」的只是散戶，每人限買兩部，又每部執幾十，已經變得唔好玩。始終大批大批走，懷疑由連鎖店流出，俗稱「後門貨」量夠的話依然有觀的匯率差價。
賺左 iPhone 唔做傻仔
今早 IFC 出現大批網上買家取機情況，Tommy 話「放飛機」的大部分一定唔係用家，都是經驗炒家。 Tommy 續指原因好簡單，經驗炒家之前 iPhone 5S 已經搵左一舊錢，見而家 iPad Air 個頭開得咁衰隨時輸返，梗係唔做傻仔賠返 iPhone 執到舊錢出去啦！
iPad Mini 見真章！
雖然 iPad Air 看淡，但 Tommy 對同樣是 iPad 系列的新 iPad Mini 依然抱有炒賣期待。他指出，上一代 iPad Mini 用舊 Spec 之餘屏幕解像度又唔夠吸引，所以需求不高是正常，他自己亦不會買。反而今代 Mini，不但擁有 iPad Air 相同的機能，屏幕又係 Retina，細吋幾但平 $800，一定相當歡迎，到時才會入市。
