鍾意用「大芒」相信都唔會對 Samsung 去年的 Galaxy MEGA 陌生，最近它們公佈了後繼 Galaxy MEGA2，特色除了繼續「大芒」，這次還備有最齊中港 3G/4G 網絡及雙卡雙待，想知這部唔洗 $3,000 的「大芒」好唔好用就等小編 同大家試一試！（以下有更多資料）
個樣成部 Note 3 咁！
用過 MEGA 都知它是一部很巨型的膠機，但來到 MEGA2 小編 就覺得佢「靚仔」好多，主要原因是它設計很像 Note 3，機身比較方形，配備窄身銀邊框，機背還有仿皮革底殼，難怪拿回 office 有同事會以為是 Note 4。除了設計，這次 MEGA2 屏幕亦會縮至 6 吋，小編 認為視覺影響不大，但肯定比之前容易放入褲袋。最後 6 吋屏幕大家都唔好期望可以單手操作，而單手拿住感覺就比上代輕少少。
▲ 雖然屏幕改細至 6 吋，但單手操作仍是不太可能！
▲ MEGA2 改用較方形機身及銀邊，驟眼睇真的有幾分似 Note 3。
▲ 雖然 MEGA2 配備 6 吋屏幕，但機身只是比 iPhone 6 Plus (5.5 吋) 大少少而已。
用新處理器 電池夠用 10 小時？
MEGA2 繼續定位為中價機，但配置未有原地踏步，其中它用了最新 64-bit 的 Qualcomm Snapdragon 410 處理器，RAM 由亦上代 1.5GB 增至 2GB。不過機內仍是 Android 4.4 關係，64-bit 暫時只是綽頭，但性能上於 Antutu 錄得約 20241 分，性能比 Snapdragon 400 稍高一點。此外，配合可換式 2,800mAh 電池，小編 開了省電模式用了一日，連住 4G 及有打機情況用了 10 小時多還剩約 25%，個人認為續航力相當不錯。
▲ 搭載 Qualcomm Snapdragon 410 處理器及 2GB RAM ，配合 2,800mAh 續航力都相當不錯。
▲ 大屏幕最大優點是可使用 Multi-Windows。
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 市調：全球智能手機用戶穩定增長 iPhone 預期 2027 年全球最多用戶
屏幕靚過上代 稍偏藍
這次 MEGA2 會改用 6 吋屏幕，解像度維持 720p 不變，但驟眼看感覺已經比上代好好多，重點是屏幕冇之前咁「粒粒」，可視角度亦較闊，而顏色就稍為偏藍。
▲ 6 吋 720p 屏幕睇網頁時文字比例很大，但桌面版睇細字就會發現唔夠細緻。
▲ 雖然屏幕不是 IPS，但打側收看仍可清楚看到內容。
▲ 屏幕顏色有少少偏藍，睇片時會較易察覺到。
雙卡兼用盡中港 3G /4G
除了規格，小編 覺得 MEGA2 抵玩重點是網絡支援。首先，此機支持 FDD 及 TDD 兩款 4G LTE 制式，而且還少有兼容中國移動 TD-SCDMA 3G 制式，合共 5 模 17 頻，這意味 MEGA2 中港兩地均暢通無阻。此外，機內還採用雙卡雙待設計（4G + 2G），可插入兩張 Micro-SIM，而且還有 「Dual Sim Always On」功能，試問除了內地品牌，大廠會有幾多部機有如此規格。
▲ 機背可插入兩張 Micr0 SIM，頂部是 4G，左邊是 2G。而頂部還可插入 MicroSD。
▲ 兩張 SIM 除了可獨立分配用途，還設 「Dual Sim Always On」通話時還可接另一張 SIM 的來電。
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 市調：全球智能手機用戶穩定增長 iPhone 預期 2027 年全球最多用戶
1,300 萬像素 質素過得去
一般情況小編 都唔會多試中價手機的相機，但這次 MEGA2 竟然升級了 1,300 萬像素鏡頭（上代 800 萬），感覺完全是 Samsung「賣大包」。試拍方面，相機對焦唔算特別快，但驚喜的是相片質素比預期好，重點是日夜暗位雜訊都不太明顯，但細節成像普通，而且夜間較易手震。
▲ 相機拍攝介面跟其他 Samsung 機差不多，可調較 ISO 及測光模式等等。
小編 ：唔用 K Zoom 我就用呢部！
「大芒」中價機向來感覺有點「Cheap」，但 MEGA2 就完全冇這種感覺。規格跟上代差不遠，重點都是升級 2GB RAM，而且還備「5 模 17 頻」雙卡雙待，唔洗 $3,000 小編 個人認為非常抵用。如非工作需要用 K Zoom，我自己都會考慮 MEGA2，始終出 Trip 真係夠方便。
[divider]
Samsung Galaxy MEGA2 重點規格一覽：
作業系統：Android 4.4
通訊：GSM、WCDMA、TD-SCDMA、LTE (FDD/TD) （雙卡 4G + 2G）
熒幕：6 吋 1,280 x 720 pixels
處理器：Qualcomm Snapdragon 410
記憶體：2GB RAM
主鏡頭：1,300 萬像素 CMOS
前置相機：500 萬像素 CMOS
儲存空簡： 8GB + microSD
電池：2,800mAh
售價：$2,998
查詢：Samsung (3698 4698)
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 市調：全球智能手機用戶穩定增長 iPhone 預期 2027 年全球最多用戶
分享到 :
最新影片
