Lenovo 之前發佈 Yoga Tablet 2 之外，其實同場亦推出全新 Yoga 3 Pro 旗艦 Notebook，這次賣點除了超高清屏幕，更重要是搭載 Intel 下一代 Core-M 處理器，想知性能會係點就等小編 幫大家試試。（以下有更多資料。）
比 Macbook 更新的 CPU
自從 Macbook 轉用 Intel 平台後，近年 Notebook 規格總是覺得較 Macbook 落後。不過，小編 今次試玩的 Yoga 3 Pro 就搭載 Intel 最新一代 Core-M 5Y70 處理器，賣點是耗電量比「第四代 Core」低約一半（4.5w vs 11.5~15w），並設更強 HD 5300 內建顯示，簡單說即係更強更省電。小編 簡單試過試過 PCMark 7 錄得 4470 分，成績跟 MacBook Pro Retina 13 (Core i5-4258) 很接近，而且嘗試玩 LOL 以 1080p 低畫質都有平均 30-40 fps（開盡 3,200 x 1,800 會跌至 2x fps），性能都算過得去。
▲ 搭載 Intel 下一代 Core-M 5Y70 處理器。
▲ 小編 嘗試用來玩「英雄聯盟」在 1080p 低畫質勉強都維持到 30-40fps，效果僅僅順暢。
▲ 配備 3,200 x ,1,800 解像度 IPS 屏幕，顏色比 MacBook 微微偏暖，但觀看文字感覺更銳利。
輕過 Air 13！但個樣麻麻
Yoga 3 Pro 作為「變身」旗艦機，雖然未有像 Yoga Tablet 2 加入掛牆設計，但今次機身比上代 Yoga 2 Pro 更輕更薄，或許不至於薄過 MacBook Air 13，但重量明顯更輕，小編 拿起好似拿住一台 11.6 吋 Notebook。為配合「變身」更耐用，此機特別用了 Watchband 關節設計，賣點是關節增至 6 個可動部份，比傳統僅左右 2 個更結實耐用，而且帶來更強金屬感。不過，小編 認為新關節很易令人誤會屏幕及主機可分開，外表晏而上代較靚。
▲ Yoga 特性是可反轉變成座檯 Tablet 使用。
▲ 雖然重量降至 1.19kg，反要單手舉起 Tablet 狀況的 Yoga 3 Pro 都有點吃力。
▲ 全新 Watchband 關節可以更耐用，但小編 就覺得樣子唔太討好。
相關文章:
【評測】Lenovo ThinkPad X9 開箱評測 商務外觀更有型 + 依舊輕薄高效能 + 使用體驗依然出色 【評測】Lenovo Legion Go S 深入評測 白機設計漂亮 + 表現四平八穩 四大中國手機品牌聯手統一快充標準 冀促進不同裝置之間充電相容性
一站式控制台 唔洗左搵右搵！
Windows 8.1 好多人都覺得難用，原因是本機設定很多都收得很隱蔽，但 Yoga 3 Pro 就提供自家程式把選項組合起來，現在想設定 WiFi、藍牙、光暗、甚至 HotSpot 都很方便，而且為配合用戶閱讀電子書，但亦內建「Paper Display」選項，令屏幕色溫變暖睇書都無咁刺眼。
▲ 內建 Lenovo Setting 用戶可在這裡設定本機大部分選項。
▲ 特別提供 Paper Display 模式令屏幕色溫改變適宜閱讀。
▲ 小編 嘗試過執行 BatteryMark 但唔成功，而在設定 Power Saver 模式下 Windows 顯示可用時間達 16 小時。
小編 ：夠晒輕 配置過盛
Yoga 3 Pro 設計夠晒輕薄，而且搭載 Core-M 處理器及超高清 (3,200 x 1,800) 屏幕，雖然外表麻麻，但便攜性一定係數一數二。不過，小編 認為配置太強令定價看似好貴，如果對比 Macbook Pro Retina 13 同樣配備 512GB SSD 其實僅貴 $100，而問題是很多人買機都只會選擇 256GB 或以下容量，如果日後推出更便宜的 256GB 版本（美國有售）相信吸引力會比 512GB 版本較大。
售價：$13,998（with 512GB SSD）
售價：Lenovo（2516 3898）
相關文章:
【評測】Lenovo ThinkPad X9 開箱評測 商務外觀更有型 + 依舊輕薄高效能 + 使用體驗依然出色 【評測】Lenovo Legion Go S 深入評測 白機設計漂亮 + 表現四平八穩 四大中國手機品牌聯手統一快充標準 冀促進不同裝置之間充電相容性
分享到 :
最新影片
