相信各位 unwire 讀者都知道 iPhone6 早前已經正式推出，而其實只要配合中國移動香港的「中國內地 4G 數據漫遊服務」便可以隨時隨地在內地極速上網，任意使用常用的 Apps 及各項功能，今次小記就帶同最新的 iPhone6 到內地華強北路的電腦商場行下搵料，順便和各位讀者分享一下實際漫遊表現！
4G Pro 服務計劃 一個月費 兩地數據！
以前要返內地工作上網十分麻煩，又要換手機、換 SIM 卡、又或者買儲值卡飛線，每次都花費不少精神和時間。不過中國移動香港推出的「4G Pro」服務計劃，只需一個月費就可以中港數據共用(首 5GB 本地數據用量)，配合「中國內地 4G 數據通行證」，大家不論在香港或者內地都可以體驗極速的 4G網絡快感。而且「4G Pro」服務計劃提供 1GB至10GB數據用量選擇，當數據用量達至一定水平，系統會自動發出升級短訊提示，客戶能隨時升級至更高用量計劃，全面照顧不同客戶需要，服務貼心周到。
中國移動香港為了讓現有的 4G 用客率先體驗中國內地 4G 上網，由即日至 2014 年 12 月 31 日優惠期內均可獲豁免原價 $50 之「中國內地 4G 數據通行證」日費，無需申請即可使用。
iPhone6 / 6 Plus 中港兩地互通
大家苦候多時的 iPhone6 / 6 Plus 最近已經正式在香港開賣，而且大家更加可以在中國移動香港門市以低至$0機價出機！除左效能更強，外形更靚之外，新一代 iPhone6 當然亦可以兼容 TDD / FDD 雙模 LTE 制式， 只要配合中國移動香港 SIM 卡便可以打通中國內地 TD-LTE 4G 及 TD-SCDMA 3G 服務，在香港和國內同樣可使用高速 4G/3G 網絡，要往返內地工作又想出 iPhone6 的朋友就要留意下啦！
▲全新登場的 iPhone 6 現已在中國移動香港以低至 $0 機價發售！
▲在香港和中國內地都可以同樣使用高速 4G LTE/3G 網絡，無需擔心回到內地工作、旅行時上網速度大跌影響上網體驗呢！
一站式 1cm 手機應用程式/網站及 2cm 交易平台
唔想打電話上客戶服務熱線或者在門市慢慢排隊？中國移動香港特別推出「1cm」手機應用程式/網站，隨時可以翻查賬單、月費計劃、數據用量等記錄，而且內置的 App Manager 更可以聽歌、睇戲、睇書，功能玩法更實用！此外，獨家「2cm 交易平台」更可讓用戶隨時向其他中國移動香港用戶買賣數據，若果各位中國移動香港用戶用剩或者 Data 唔夠用，都可以透過「1cm 手機程式」登陸「2cm 交易平台」和其他用戶自由買賣流動數據，要管理 Data 就更可快捷方便了。
▲各位中國移動香港用戶不妨可以利用 1cm 平台 App 翻查賬單、以及使用「2cm」交易平台來買賣流動數據，相當靈活又具彈性。
iPhone6 深圳 4G 實地測試！
除了經羅湖口岸過關之外，相信唔少港人都喜歡搭直通巴士到皇崗口岸過關。小記由旺角出發經皇崗海關，期間一直可以收到 4G LTE 訊號，僅僅是通過香港海關後再上巴士前曾經出現十數秒時間搜尋網絡，之後便成功由香港的「China Mobile HK」LTE 網絡切換到中國內地的「中國移動」LTE 網絡，基本上大家在過關期間已經自動完成網絡訊號切換。小記過關後上天橋及乘坐的士至華強北路一帶其間手上的 iPhone6 大部份時間都可以收到 4G LTE 訊號，只是在公路上曾經短暫時間跌落 3G，整體 4G 網絡訊號接收能力仍然算是相當穩定。而且官方消息稱中國移動 4G 網絡會在年底前覆蓋逾 340 個城市，而除了各大主要城市外，不少二、三線城市亦已在覆蓋之內，身處內地不同城市都可以輕鬆極速上網了。
▲在深圳免稅店下車時 iPhone6 上已自動切換到以簡體中文顯示的「中國移動 LTE」，代表手機已經換到內地的中國移動網絡了。
▲對於不熟路的朋友來說坐的士肯定是內地最方便直接的交通工具，大家可以使用 Google Map 來預先找出目的地，交給的士司機看看便可以了，即使國語不靈光也不怕迷路呢。
▲擔心的士司機兜路？只要配合 Google Map 或者《百度地圖》的導航功能，的士司機是否利用最短的方法前往目的地大家都可以一清二楚了。
▲雖然來到了華強北路，不過如果不熟路要找想去的商場亦不容易呢！呢個時間當然又要上網尋找地圖了！
深圳照玩 Facebook、Google
另外，中國移動香港4G Pro 服務計劃的兩地數據共用及「中國內地 4G 數據通行證」其中一個最大的好處就是可以繼續使用大家在香港慣用的各類 Apps，不論要在內地玩 Facebook、Instagram、Google Search、睇 Youtube 亦完全冇問題，不會對大家日常上網體驗有任何影響！當然，由於在內地亦是採用了高速的 4G LTE 網絡，所以速度亦不會比在香港上網「輸蝕」，配合中國移動香港的SIM 卡就可以中港兩地互通，使用時就更加方便就手啦！
▲行街繼續上 unwire.hk 的 facebook 專頁收睇最新科技消息亦沒有任何問題！
▲現時不少朋友都會使用 Facebook 的 Messenger 來通訊，使用中國移動香港的「中國內地 4G 數據通行證」當然可以在內地繼續和朋友以高速的 4G LTE網絡保持通話。
▲除了 Facebook，大家亦可以如常使用的 Google Search 來搜尋資料，無需擔心一定要使用內地的百度搜尋引擎。
▲想要緊貼香港最新的新聞，亦可以利用 Google 的新聞分頁或者觀看 myTV 的直播新聞台！
搵食快、睇 unwireTV 流暢
不少朋友可能仍然會擔心在內地上網速度慢或者不夠穩定，不過小記測試後卻認為大家無需過份擔心呢！小記在華強北一帶利用 OFCA 測試 App 發現使用 4G 上網下載速度可以維持在 20MB/s 至 30MB/s 左右，在下午繁忙時段表現已算合格。小記早前亦曾在深圳多個不同地點測試錄得超過 40MB/s 下載速度呢！在 iPhone6 上以 4G LTE 網絡睇 Youtube、玩 Facetime、追 myTV 追劇當然完全冇難度！除了在播放前需要小小時間緩衝外，播片時流暢度非常之高，而且亦未試過斷線呢。
▲要幫同事買野但係又唔想買錯？呢個時間最好便是用 iPhone6 的 Facetime 視像通話功能同佢慢慢講交帶清楚又或者比佢自己睇慢慢揀了，通話過程十分流暢，沒有任何明顯的 Delay 問題。
▲到了下午茶時間，當然要搵個地方坐低抖抖，呢個時間就可以係 iPhone6 上面用 MyTV App 繼續追劇，雖然開始時 Cache 需要約 7 至 10 秒，整體順暢度尚算不錯。
▲係 iPhone6 上面的 Youtube App 重溫 unwire TV 節目基本上和在香港上網完全沒有分別。
實際速度測試
▲在人頭湧湧的華強北路賽格電腦商場門口進行 OFCA 速度測試，錄得平均下載及上載速度約為 23.84Mbps / 5.92Mbps，雖然速度未到極限的 4G 水平，不過在繁忙時間有逾 20Mbps 下載速度已經算有交代。
中國移動香港中國內地 4G 數據漫遊服務實測
地點: 華強北路
分享到 :
最新影片
