想買手機俾女朋友又要有心思？最近有舖頭返咗 LG 新出嘅 AKA，佢同一般型號唔同，因為一睇見佢對「大眼仔」就知佢賣可愛，究竟佢有啲咩趣怪功能，想知就等小編 同大家試下喇！（以下有更多資料。）
「大眼仔」超得意、手感唔錯
LG 凈係識賣平、賣規格？咁又未必，這次 AKA 就用咗「卡通」主題，部機有點似 G3 Beat / G2 Mini，但最特別係有個「蓋唔晒」的面蓋，目的係用來顯示 AKA 主題的大眼睛，蓋住開機「大眼仔」就會眼眨眨，想睇時間？把蓋拉下少少就有日期、時間及簡單提示，感覺好似「推蓋機」咁。講返部機，佢配備 5 吋屏幕，機背都有背鍵設計，拿起有點似 G2，但背鍵移到靠頂位置，按下時更「順手」，不像 G2 Mini 須曲起手指。此外，AKA 有四種顏色：藍、白、黃和粉紅色，不同顏色代表著不同角色的性格，正如小編 手頭的粉紅色，角色眼神比較凌厲，感覺好像俾女朋友監視咁。
▲ 5 吋屏幕機身，拿起單手操作都沒大問題。
▲ 背鍵移到更頂位置，按動時手指更舒服。另外，機背用了凹凸紋設計，有助防止滑手。
▲ 面蓋推開時會顯示時間及日期等訊息。
▲ 背蓋可以打開，裡面可插入 MicroSD 及替換電池。
▲ 跟來配件非常豐富，有兩顆電池連充座、USB 線、火牛及耳筒。
入門機配置 勝在 1.5GB RAM
AKA 並非貴價機，因此它只配備 5 吋 720p IPS 屏幕及 Qualcomm Snapdragon 400，唯一有驚喜是有 1.5GB RAM，配置比平價機好少少，而且還可插卡換電及支持本地 4G LTE 網絡制式。此外，此機預載 Android 4.4 及 LG UI 介面，用起來有點似操作 G2，操作順暢，而頁面多了 AKA Widget，感覺唔似一般機咁悶。
▲ 搭載 Qualcomm Snapdragon 400 處理器及 1.5GB RAM，於 Antutu 錄得 20,272 分，成績跟紅米等平價機差不多，但勝在有 RAM 多點。
▲ 操作介面跟 G3 大同少異，但頁面會多了 AKA 的主題 Widget。
▲ 跟 G3 一樣都有 Smart Cleaning 等功能。
▲ 小編 插入 csl. SIM 已順利使用 4G LTE 網絡。
▲ 800 萬像素主鏡頭，對焦反應一般，相片細節都算清楚，但雜訊稍為明顯一點。
有公仔陪你玩
叫得「主題機」 AKA 唔會只有外形及介面咁少野玩，其實 AKA 包裝裡還有一件特別配件，佢就係機身顏色的主覺 Figure 公仔，唔好以為佢「得個擺字」，打開 AKA Widget 裡的相機功能就可用佢拍攝 AR 效果，有得影之外，按動它還有表情及動作。
▲ 包裝會跟來相關的 Figure 公仔。
▲ 打開 Widget 就會見到底部相機一欄。
▲ 打開後對正 Figure 就公仔就會以 AR 呈現在屏幕上，按動打還會發脾氣，超搞笑。
小編 ：夠晒 Cute 但貴咗啲！
AKA 係 LG 近年少見的主題手機，外形及主題設計都幾有心思，但入門機規格賣 $3,000 始終有點貴，不過如果「乙水」到女朋友貴少少都值得嘅！
售價：$2,950
查詢：吉之田（9142 1374）
分享到 :
最新影片
