如果大家有印象的話，應該記得舊年 12 月初在有賣日水的店舖引入一部 LGL24 的日版 G3，售價 2 千蚊唔洗可以買到旗艦級數機款（係個樣差少少……），當時已經引來唔少鍾意 G3 的用家入手。最近有舖頭傳出與港行 3GB RAM 32GB ROM 版相同的「日水」LGV31 完美解鎖版快將完成，並很快會引入香港。唔知係咪真呢？如果係，到時又可唔可以 2 千零蚊度就入到手？
呢部 LGV31，外型設計同 LGL24 相同，只是顏色改為粉紅色及粉藍色，後生仔應該都會幾鍾意。至於規格方面，同港行 3GB RAM 版應該一樣，不過就同 L24 一樣唔換得電。
來源：au KDDI
