好多人都會用 iPhone 影相拍片,方便係方便,但日子耐咗機內幾十 GB 就好快唔夠用,除了後悔當日唔買大啲容量,最近市場開始湧現一些 Lightning 儲存裝置,正如今日小編 就要同大家試玩呢款 SanDisk 最新 iXpand Flash drive,究竟除了備份仲有咩其他功能呢?(以下有更多資料。)
「Lightning 手指」或許好多人會將佢同 Android 用的「OTG 手指」相提並論,雖然兩者都係直駁手機或平板,但受限於 iOS 系統,「Lightning 手指」其實只能存取 Camera Roll 內的檔案,換言之佢只能幫你備份相片及影片。當然 SanDisk iXpand 都唔例外,佢都有 iXpand App 協助用戶手動或自動備份,舒緩機內空間不足問題,尤其 16GB 容量的型號特別有幫助。除了相片及影片,此 App 還可幫你備份或復原連絡人,雖然實際用途不大(放晒上 iCloud 吧!),但放多個 Backup 都不利而無一害吧!
▲ 當 iXpand 接駁到 iPhone 就會自動提示下載 App。
▲ App 主要功能是備份 Camera Roll 內的相片及影片,而且可選擇自動同步備份。
▲ 介面可檢視裝置電量及容量情況,同時又可備份連絡人。
只限存取 Camera Roll 聽落好似唔夠實用,但其實 iXpand 另一個功能係令 iPhone 變成較方便的播放器,因為正常情況下,如果要把檔案存到 iPhone 就必須經 iTunes 或透過雲端才行,但現在使用 iXpand 就可把檔案從電腦抄到手指再由 iPhone 直接播放,這樣一方面可節省時間,另一方面可以播放其它檔案格式,例如 mkv 影片或 flac 音效檔等等,而且 iXpand 更利害係內置電池,即時駁住播片都唔會耗損裝置電池,對於討厭 iTunes 的朋友可能係個捷徑方案。
▲ 透過 iXpand App 可開啟手指內的檔案,當中包括 flac 或 mkv 格式。
SanDisk 4TB SD 記憶卡登場 但最快要到 2025 年才上市
起初小編 都以為「Lightning 手指」會好細隻,但睇睇 iXpand 就發現體積其實都有 1/3 部 iPhone 5 咁大,表面用了金屬外殼,頂部有 USB 頭,而中間就有個連著的 Lighting 頭,使用時就要把線拉起連住 iPhone / iPad。老實說,小編 唔太喜歡這個設計,雖然佢特色係兼容保護套,但咁連住見到都覺得唔方便,一來部機企唔穩,二來都會擔心 Lightning 線會否扯斷,其實反正咁大點解唔做埋支架撐起部機睇片呢?
▲ iXpand 其實唔算好細隻,體積都有近 1/3 部 iPhone 5 咁大。
▲ 這個設計接駁時總是怪怪的…
▲ 雖然「Lightning 手指」主要功能係接駁 iPhone 或 iPad,但透過 OTG 線其他都可在 Android 裝置上使用。
▲ 緊急情況時 iXpand 可當 Lightning 充電線使用,但這個方式不能跟電腦連接。(用家要自行承擔損壞產品的風險)
小編 唔係 iPhone / iPad 用家,但 iXpand Flash drive 無可否應對 32GB 以下容量機種係個相對快捷的備份方案,雖然外形一般,但小編 比較差異係 16GB 定價都要 $498 (有 Apple 認證),雖然價錢已比同類產品便宜,但這個價錢買 16GB,我會更後悔為可當日買 iPhone 時不買 64GB 容量呢….
售價:$498 (16GB) 、$798 (32GB)、$1,198 (64GB)
查詢:SanDisk(2829 2829)
SanDisk 4TB SD 記憶卡登場 但最快要到 2025 年才上市