如果買輕薄型電腦，相信唔少人都會考慮 MBA。不過唔少人買部 MBA 番來都係裝番 Windows 用，都幾麻煩。今日 Samsung 就發佈了最新的輕薄型手提電腦 ATIV Book 9，擁有 WQXGA 2K 熒幕，而且採用 Intel 最新 Core-M 處理器，效能有一定保證。加上機身十分薄只有 11.8mm，重量更只有 950g，以 12.2 吋機款來講極為輕薄！
好輕身一手拿得起
Samsung ATIV Book 9 最特別的地方，就係有一定效能之餘，機身輕到只有 950g，針對成日要出街工作或者去外國工幹的用家來講，可以話得上係「輕如蟬翼」，單手都拿得起無難度。而且機身只有 11.8mm，就算放入公事包或者 NB 袋外攜使用，無論男女用家都唔會有太大負擔。
▲ATIV Book 9 機身好輕，只係 950g，拿出街用一流。
▲機身左側有一個 USB 端子及 3.5mm 耳機插孔，而右側就有另一個 USB 端子及 Micro-HDMI 端子。另外機身亦有 microSD / Multi-Media 卡讀卡器。
規格可滿足高端用家
規格方面，ATIV Book 9 採用了 Intel 最新的 Core M 5Y10c 處理器，標榜省電功能，令使用時間大大延長，方便唔洗帶火牛都可以在外工作一整日。此外，它亦配備 8GB RAM、256GB SSD 等，熒幕亦用上12.2 吋 2,560 x 1,600 2K WQXGA 熒幕，即使是追求高端規格的用家，應該都可以滿足他們的需要。售價方面，ATIV Book 9 為 $10,980 起，算是合理，將會在 2 月 13 日（本星期五）開始發售。
同場加映：更抵玩選擇 – Samsung ATIV Book 9 Lite
除了 ATIV Book 9 外，Samsung 今日亦推出了低階版 Book 9 Lite，機身會比 Book 9 厚些，外殼亦用上塑膠物料。熒幕上採用了 13.3 吋 1080p，處理器亦用上 AMD 四核心處理器。其餘規格包括：4GB RAM、128GB SSD 等，設有黑、白、粉紅及青綠色機身選擇，而售價亦更親民，只是 $5,980 起，今日已開始公開發售。
[divider]
▲除了手提電腦外，Samsung 同場亦展出了具備曲面熒幕的 AIO PC ATIV One 7 Curved 系列 700A7K。
▲大家可以看到它的 27 吋 1080p 熒幕是採用曲面設計。規格上，它採用了 Intel i5 處理器，亦內建 SSD + HDD 雙硬碟配備。它內建的喇叭亦支援高質素環繞聲音效。
▲Samsung 在場亦展示出 3 隻 27 吋的 1080p 熒幕 SE591C 連在一起展示超廣闊熒幕顯示，具備 178 度超廣角可視角度，而且具有 3000：1 對比度及 4ms 灰階反應時間。它亦內建 5W 音效輸出的雙立體聲喇叭，而支援端子，就 DisplayPort、HDMI 及 VGA 各一。
▲而單純熒幕方面，Samsung 亦展出具備 29 吋曲面熒幕的 SE790C，熒幕解像度高達 3,440 x 1,440，屬 21：9 比例，令大家可以將熒幕顯示分開一半，令 multitasking 效率大大提升。 而香港只會推出 34 吋版本，預計會在三月上旬推出，售價待定。
▲而另一款曲面熒幕，就是 SE590C，採用 31.5 吋曲面熒幕，解像度為 3,840 x 2,160 4K 質素，令大家在市場上可以有多一款 4K 芒選擇。
▲從展示可見 Samsung 熒幕在顯示 4K 畫面上（右方），對比 1080p 質素升是不錯。而這款展示的熒幕，型號為 UD590。
▲Samsung 亦有展示出較平價的 2K 解像度熒幕 SD850，支援 2,560 x 1,440 WQHD 解像度，亦有 178 度超闊可視角度及 100% sRGB 色域。
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 市調：全球智能手機用戶穩定增長 iPhone 預期 2027 年全球最多用戶
分享到 :
最新影片
