小編做了手機記者咁多年，手機每型號的「生命週期」越來越短，要 keep 住換機才能分享給各 unwire 讀者最新的試用感覺；相信好多上台機的讀者都有同感，手機玩大約半年又心癢想換機，多數玩法是快手 trade 機，不過一來一回其實頗花時間，有些工作忙碌的人實在是玩不到這些快 trade 快買的「keep 住換」升級大法。
一約可買兩機最啱花心用家
數碼通的「惠你轉計劃」只需簽約 12 個月就可以上台出機，不單簽約時間短，更讓 unwire 讀者可以用比零售價優惠的機價購買新手機，而在 12 個月內，如果睇中另一部新手機，而呢部手機又係「惠你價」名單上面，可以唔洗加監，就可以將之前出個部機係 SmarTone 門市 trade 咗佢，然後再用「惠你價」購買另一部新手機，變相付出少咗，但一年可以玩兩部新手機，最啱花心用家採用！這「一條龍」的換機玩法不用你到處走，省回很多時間成本。
機款及價錢經常更新
計劃於 2 月頭推出，短短兩個月，手機款式同價錢就已經更新左多次，就連最新機皇 Samsung Galaxy S6 edge（32GB）同 Samsung Galaxy S6（32GB）都有，分別報價 $6,098 同 $5,198，比大型電器舖平 $500，價錢抵玩，其他最近加入既款式仲包括 HTC One M9 同 LG AKA。
多款手機「惠你價」亦有緊貼市價調整，以 Samsung GALAXY Note Edge 為例，最新惠你價就比原有惠你價多減 $800，相對大型電器舖平成千蚊。
「惠你轉計劃」真係咁抵？
可能有讀者會問：「惠你轉計劃」無疑合約期短一半，又可以一年內兩次用優惠價購買新手機，但相比 24 個月合約的 SIM-Only 帶機上台 plan，真係抵啲？而家就用 Samsung GALAXY Note 4，計一計兩個 plan 都係用 6GB 數據用量及 24 個月內出兩部機的情況下，各自嘅總成本係幾多：
從上表大家就可以見得到，以兩個月費（帶機上台及「惠你轉計劃」）各自均以 Samsung GALAXY Note 4 在數碼通上台，兩年內出兩部機，「惠你轉計劃」淨機價已慳二千二。加上「惠你轉計劃」唔似上台出機計劃咁，要俾 VAS 增值服務費用，雖然 24 個月夾埋都係 400 幾蚊，加埋總支出平啲，整體都平落成千七蚊！所以整體來講，「惠你轉計劃」6GB plan 確實係比較抵。其實唔好話抵，就算同價甚至貴少少，我覺得有 12 個月短約加可換 2 機的玩法都好合理。
總結：抵玩、彈性好多
值得一提嘅係，對於「花心」手機用家來講，傳統嘅「上台出機」或者「帶機上台」plan，都一定要簽死 24 個月，如果上台之後係合約期內見到其他心儀手機，就局住要現兜兜俾一大舊錢買，以而家旗艦手機一般都 6、7 千蚊來計，真係幾肉痛。而「惠你轉計劃」，合約期只有 12 個月，就算合約期將滿個陣有其他著數 plan，要轉用都會更有彈性。而且 12 個月內可以兩次以「惠你價」購買吸引手機，似乎點都抵啲。
不過電訊商推出的月費計劃種類繁多，主要都係方便不同用家需要，所以大家可按個人需要而選擇合適的月費計劃。
想了解更多「惠你轉計劃」詳請，請按此。
