香蕉加朱古力小編幾時都覺得係絕配！估唔到連專出搞鬼煮食玩具的日本 Takara Tomy 都同我有一樣想法，仲打算係 6月 18日推出名為 Chocobana-na 的香蕉改造器。
香蕉改造器的改造方法好簡單，就係將連皮香蕉切去頭部，再插入改造器的管，注入夾心，例如朱古力醬、士多啤梨醬、忌廉、吉士或者花生醬等。最後當然就係撕下蕉皮，大啖大啖咬啦！
如果想每啖香蕉都有美味的朱古力醬，請交出 2,480日圓。當然你亦可以邊食邊點朱古力醬啦！
資料來源： takaratomy-arts.co.jp
分享到 :
最新影片
