Lenovo 發表了全新 A7000（大樂檬），外表跟 A6000 差唔多，除了屏幕增至 5.5 吋，新機還首度加入 Dolby Atmos 音效技術，想知效果如何就要留意喇！以下有更多資料：
Atmos 睇片更有戲院感
A7000 除了屏幕增至 5.5 吋，佢最特別係加入 Dolby Atmos 技術，即係戲院會見到的「全景聲」。當然內建喇叭唔會有戲院效果，佢要靠大家用耳機才做到「模擬全景聲」，其實小編 早於 MWC 已經試過啟動後感覺好有戲院感（全景聲就普通），當時我批評過推力太低，但冇想過今次再試音量已提高，用 In-Ear 耳機效果唔錯，但 HeadSet 就仍然唔太夠力。
▲ 內建 Dolby Atmos 模擬音效，並提供多種預設及微調選項。
▲ 雖然推力比 MWC 試時增強，但仍然只能滿足 In Ear 耳機。
▲ 睇 Youtube 電影 Trailer，啟動後已即時感覺到戲院感。
性能倍增 但 8GB 唔多夠用
雖然 A7000 比 A6000 僅貴幾百蚊，但兩機規格差距頗大，其中 A7000 搭載了 MediaTek MT6752m 八核處理器及 2GB RAM，於 Antutu 測試錄得約 42,000 分，成績幾乎是 Qualcomm Snapdragon 410 (A6000) 的兩倍，配合 Android 5.0 操作順暢，感覺同 $2,000 以上機種冇咩分別。不過，佢缺點係儲存空間只有 8GB，七除八扣後實際僅 4GB 可用，裝 1 隻 Game 幾隻 App 就所剩無幾，即使可插 MicroSD 都難以改變唔夠位的問題。
▲ 搭載 MediaTek MT6752m 八核處理器及 2GB RAM，於 Antutu 可錄得約 42,000 分，成績跟 Qualcomm Snapdragon 800 接近。
▲預載 Android 5.0 版本。
▲ 只有 8GB 儲存空間，實際可用大約只有 3.5GB 。
▲ 5.5 吋屏幕只有 720p，畫面細緻度一般，驟眼睇唔覺「起粒」，但白平衡就比較偏藍及微偏青。
▲ 拍攝介面提供少量場景模式及半手動模式選項。
▲ 相機對焦反應還好，但 1,300 萬像素主鏡頭的相片就比較「油畫」（評級：記錄用途）
▲ 500 萬像素前鏡頭相片感覺好像比主鏡頭還好少少。
相關文章:
Legion Glasses 2 諜照流出 以及更多 Legion Go S 資料被披露 聯想推出旗艦筆電開天 X1 G1d 碳纖機身採用國產兆芯 KX-6000G CPU
Micro SIM 雙卡 支持中港 4G
A7000 亦提 雙 SIM 卡設計，雖然只係最基本 4G + 2G，但當中 4G 使包括中國 TDD-LTE 制式，而值得讚係兩個 SIM 槽均屬 Micro SIM，若要用儲值卡就洗擔心買唔到 Nano SIM。
▲可插入 2 張 Micro SIM 及 MicroSD，而電池提供 2,900mAh。
機身薄！背殼夠搶眼
A7000 雖然屏幕增至 5.5 吋，但設計跟 A6000 差唔多，機身依然很薄，背殼繼續使用 3 層 Sabic PU 物料，質感完全冇「Cheap」膠感，加上搶眼檸檬黃色，感覺絕對唔似平價機。
▲機背除了黃色夠搶眼，表面還用了 3 層 Sabic PU 物料。
▲ 充電時輸入大約 5V/ 1.15A，速度算普通。
小編 ：規格唔錯、睇片戲院感！但 8GB 唔多夠
試玩完 Lenovo A7000（大樂檬）小編 覺得部機都算抵玩，但焦點唔係 Atmos 而係 $1,299 有這種性能及 2GB RAM。至於 Atmos 我幾鍾意呢個新技術，但係 5.5 吋 720p 手機睇片煲劇就好似「唔上唔落」，如果技術能移植至 Android 平板（已經有）或 Yoga Tablet 等就更吸引！至於缺點，小編 覺得 A7000 弱點係只有 8GB 儲存空間，因為今時今日冇 16GB 真係好快冇位。
售價：$1,299
查詢： Brightstar（8118-0800 ）
相關文章:
Legion Glasses 2 諜照流出 以及更多 Legion Go S 資料被披露 聯想推出旗艦筆電開天 X1 G1d 碳纖機身採用國產兆芯 KX-6000G CPU
分享到 :
最新影片
