夏水禮都未到就講哈囉喂？原來海洋公園已經暗暗地打算招募「鬼材」，為今年的哈囉喂全日祭做準備。今日小編就去了取經，話俾大家知如何成為一隻出色的「鬼」啦！
請幾多人?
今年海洋公園希望吸納更多新血，哈囉喂的職位會由上年的 1800人增加到超過 2000人，包括 1,200位嘩鬼演員、400位後台工作人員、逾 600位前線及後勤服務員工，誓要打造最強陣容的哈囉喂團隊。
真係咁好 Pay？
所有嘩鬼將會係 8月至 11月期間在公園內工作，當中以節目部及服務部的人工最高，嘩鬼演員、嘩鬼舞蹈員、特技演員及體操運動員的時薪由 HK$50 至 HK$140 不等，更另設表現獎，最高可達總薪金 20%。不過，零售、餐飲同遊樂設施執行部的人工就一般啦，除左廚師有 HK$55 之外，其他時薪都只有 HK$48，唔算吸引。
有咩人會請？
照小編睇，專注係應徵嘩鬼演員比較大機會，除左請最多外，人工亦算唔錯。最緊要係有得扮鬼扮馬四圍嚇人，應該幾過癮！而做「鬼」最需要的就係有表演慾同識收放自如，聽說有人因為面試時爆左句粗，結果就唔請啦！而演藝節目總監歐陽綺華就教左大家幾個 Tips 「膽大心細面皮厚；禮貌自信唔怕醜；表現主動轉數快；投入想像新世界。」
面試流程
嘩鬼演員的面試會分為 6-7個人一組，首先會以遊戲方式叫大家想像情景，例如：彌敦道突然落雨或地下突然滿佈溶岩，從而考試大家的演技、聲線、即時反應。接著，就會叫大家演繹一些對白，例如：扮 MC 邀請人參加派對，或者誘惑人飲下毒酒。最後， 3位演員導演就會按著你的天份，看看你是否適合成為 666隻鬼的其中之一。
記得準時登記！
「招魂大典」將會係 6月 21日於荷里活廣場舉行，有興趣的讀者記得帶同履歷表同近照到場登記，不過應徵嘩鬼演員的需要再安排面試呢！
分享到 :
最新影片
