鍾意食抺茶甜品的朋友都應該試過抺茶朱古力火鍋，點生果或者麵包一齊食，唔漏之餘，甜得嚟又帶少少抺茶的澀味，諗起都流口水。但甜品鋪叫一個都起碼 $70，D 料得幾粒，剩番 D 抺茶朱古力醬就咁食又太濃，唔做大嘥鬼都唔得。有左今日介紹的自動保溫爐，以後就可以自己係屋企食抺茶朱古力火鍋啦！
相信有唔少人都好似小編咁，為左係屋企都食到朱古力火鍋，會買一個傳統陶瓷鍋仔。不過傳統的陶瓷鍋需要用到蠟燭，溫度好難控制，食到咁上下 D 朱古力就好易黐底。而 Fondue Block 就唔需要用蠟燭，而且恆溫在 45℃。呢個溫度無論煮抺茶朱古力、朱古力 定 芝士 都唔怕燶，想打足一個下午邊爐都無問題。
▲ 事先雪凍 D 生果，再點抺茶朱古力，朱古力就會因為溫差，立即變脆皮！
▲ 如果唔想食脆皮的話，可以加入 1:1 的淡忌廉，亦可以令朱古力更加軟滑。
▲ 至於芝士火鍋就盡量不要買用粉沖的那種，芝士味不太濃，最好就買一包包的芝士磚。
▲ 講左咁耐野食，係時候講番個爐，佢只有 125 x 125 x 132mm，鍋子的直徑為 121mm，重量為 560g，爐仔細細，適合 1-2 個人用。
▲ Fondue Block有 3個色，爐身和叉子的頭部則是鋁做的，耐熱可達攝氏 300 度，而主體材質是 ABS，所以唔小心掂到都唔怕燙手。
▲不過 Fondue Block 一個要成 2,592 yen，好像有點貴。有興趣的朋友都可以去預購，但 7月先會開始出貨啊！
資料來源：prismate.jp
分享到 :
最新影片
