小編曾經訪問過幾家 Startup 公司，他們在做不同的業務，但都不約而同同我講，「與其用自己的資源，請一些人做無關痛癢的工作，不如集中火力，請來專門人員，做一些對公司真正有影響力的工作」。的確，做 Startup 的成本已經很高，而你出得黎自己搞公司，就係想將精神集中處理你想做的嘢，如果都仲會有分散資源的情況，又點解要自己出黎做呢？正因為他們都有相近的想法，所以都會形成以下的習慣，幫助他們提高生產力！
1．不要將所有工作攬上身
Startup 唔同大企業，冇咁多冗員資源做「所有」工作，例如：你做手機遊戲，就要搵人專注設計 UI、UX，度遊戲內容，但無理由花資源去建立自己的 server，因為坊間有專門做 server 的公司，交由專業人士做一定比自己由零開始更好，你做好自己的專業就好了！
2．摺埋做自己嘢
細個阿媽 / 老師都有教：「讀書時讀書，遊戲時遊戲」，這個道理於長大後亦適用。其實上次講時間管理的時候有提過，如果有嘢要做，就要專心做好先，唔好俾其他人騷擾到。後生仔一般都有個缺點，就係心野，一心幾用（唔係講緊 multi-tasking），做 Startup 就要定性啲，有需要的時候摺埋自己，夠專注先會有成果。
3．不要再諗，做啦！
有啲機構好鍾意同你用來來回回的 Email「溝通」，一直想點點點，但係來回的 Email 之間，那些 back & forth 的時間分分鐘已經完成整個 prototype。Startup 冇咁多時間俾你磨，與其不斷「溝通」，他們寧願多做實事，想點，就做出黎，之後再修改，好過紙上談兵。
4．限時完成工作
如果可以 15 分鐘就完成的工作，不要讓它超出預計時間太多，如果可以，最好當然是節省不必要的「溝通」時間，專注做好工作以達至目的。
5．認識其他同路人
不是要你找個人訴苦，而是了解同為創業的朋友的專業、大家遇上的難題等，互相交流經驗，不但可以有機會一起合作，更可能有機會解決當前的問題！
來源：FastCompany
甚麼是 unwire.space ?
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了
分享到 :
最新影片
