幾日前網上曾流傳 OnePlus 再次貼出有關 OnePlus 2 記者會的消息，寫著的主題為「Knock On Wood」，並貼著 7 月 22 日。今日早上回到公司，小編就收到 OnePlus 2 記者會的邀請函，當中還包括四舊寫著「正」「大」「光」「明」的木材，莫非這傳聞是真的？
現在就俾大家睇睇 OnePlus 2 北京記者會邀請函的「開箱」吧！
▲真係開箱來架！個 invitation 真係成個盒來，真誇張！
▲撕開後就見到一個信封同埋一個紅色小盒子。
▲打開信封就見到 OnePlus 2 記者會邀請函了，表面寫著今次的記者會主題：「從手感到質感」，睇來 OnePlus 2 會主打機身設計，各位 OnePlus 粉絲的 Y 民期待嗎？
▲背後就寫住記者會係 7 月 28 日 10am 舉行。
▲另外的小紅盒究竟係咩來？
▲一打開就見到呢 4 舊正面印住 OnePlus logo 的小木方（其實拿來當杯墊都幾好喎！）。
▲背後就印住「正」、「大」、「光」、「明」4 個字，加上像年輪的圓圈圖案，真係幾靚。
▲之前曾傳出 7 月 22 日 OnePlus 會有「Knock On Wood」的宣佈，莫非就係今次記者會邀請函？
屆時 unwire 將會派記者親赴北京，實試呢部 OnePlus 2。如果你係 OnePlus 粉絲，就唔好錯過我哋到時嘅報導啦！
