同班朋友去到酒吧，如果唔識掟鏢又真係幾?。不過你又知唔知岩岩掟中紅心個位交左幾多學費？其實練鏢又唔一定要落酒吧既。就等我依莉詩介紹呢塊智能鏢靶俾大家，偷偷係屋企練熟左未可以去酒吧威威囉！
日日在家，偷偷練標！
雖然智能鏢靶既長度同高度不足半米，厚度亦只有4.2cm，掛係屋企邊幅牆都得，但功能就絕非小學生玩泥沙，佢既計分區有 15.5 英吋，符合國際標準，而且可以用藍芽連接到手機應用程式 Guz Board 。除左可以即時計分外， 仲可以選擇唔同既遊戲模式，例如：01 同 Cricket game 等，俾你慢慢練習。
▲ 開啟後，鏢靶會閃動紅色同綠色既燈光 同 發出如大型飛鏢機既音效，令屋企環境瞬間變成酒吧般既戰場。
▲ 01 模式中有多種選項，讓你為不同既挑戰作準備。
多種模式，全球接「鏢」！
除左一個人練習，鏢靶最多支援 8 人同時對戰，咁就可以同屋企人或者叫埋成班朋友一齊玩啦！此外，7月 30號開始，仲可以同全世界身處唔同地方既人在線對戰。
▲ 快 D 約定幾個勁人，一齊組隊挑戰世界冠軍吧！
▲ 暫時只係得幾個頭像比大家揀，如果可以加埋自己個頭像就更好啦！
▲ 雖然鏢靶附送 6 支 14g 標準軟式飛鏢，但耐用度就真係有待改善。不過掟開鏢既人大部分都會有自己一套私家鏢，所以唔會影響鏢靶既吸引力。
依莉詩：「慳番唔少學費！」
小編其實無玩開飛鏢，不過一拎個鏢靶出嚟，發晒光咁，配合 office 比較暗既燈光，真係令公司變左酒吧，全世界都停晒手，爭住玩，睇嚟真係幾有吸引力。有玩慣街機既同事就覺得鏢靶既感應都幾快，可以即時睇到分數同中靶位置好有 feel。不過亦有同事覺得再加多 D 練習類既模式可能更好，始終放係屋企都係用嚟練習多嘛！
售價： $2,380
查詢：
JC Shop
觀塘創紀之城 5 期 apm 商場 L1-23 號 (3148 9455)
銅鑼灣 wtc more 世貿中心 408 號舖 (3102 2783)
分享到 :
最新影片
