昨日先同大家報導過，小米今年第二季的出貨量大幅上升，今年發展的表現似乎唔錯。小米的總裁兼聯合創辦人林斌今日就透過微博透露，小米係下半年仲會有「不少新產品發佈」，還叫大家「一起期待」，似乎小米今年還會有更震撼的新機現身！看來其中一部，應該係小米 5 吧？
不過如果大家睇過上面的圖片，係咪熟口熟面呢？無錯，呢張圖往往令人聯想起紅米系列。睇來第一波的下半年新產品，仲未到小米 5，大概應是紅米 Note 的新機。早前紅米 Note 2 已在中國的工信部網站曝光過，據稱小米將會係 8 月 16 日 MIUI 的生日那天，發佈最新產品。除了最新的 MIUI 7 介面外，還會有紅米 Note 2、紅米 Note 2 Pro。據消息指，紅米 Note 2 將會採用 Qualcomm Snapdragon 410 處理器及 5.5 吋 720p 解像度熒幕，而紅米 Note 2 Pro 就會採用 Qualcomm Snapdragon 615 處理器及 5.5 吋 1080p 解像度熒幕。而在外型上，紅米 Note 2 應會比較簡單，而 Note 2 Pro 就會加入全金屬邊框。至於鏡頭方面，兩機均會採用 1,300 萬像素主鏡頭及 500 萬前置鏡頭。
究竟除咗呢啲訊息，紅米 Note 2 系列仲有冇其他驚喜俾到我們？8 月 16 日大家就知道了。
來源：新浪微博
