其實香港人壓力幾大，就連筆者身邊都有幾個朋友間唔中需要睇心理醫生，不過有陣時都未必幫到手；如果你有呢方面既需要，又或者鍾意隨時隨地記低當刻心情，新推出既 iOs app Moodnotes 或者就係唔錯既選擇啦！
作為一個日記型 app ， Moodnotes 非常適合用黎記低對事物既觀點，以及即時既想法同意見。雖然 Moodnotes 需要支付 $4 美元購買，不過非常實用。 Moodnotes 每一日都會發送通知，要求用户用可調節既 smiley face 來評估返你當日既情緒。根據係所比既情緒指數， Moodnotes 會向你提出幾個相關既問題，幫用户了解返到底係咩原因導致開心或者唔開心。
Moodnotes 唔單止係用户情緒低落既時候先有用處，而係慢慢幫用户逐漸了解捉摸得到自己既心情；從而令用户知道自己開始認識到唔同既情緒模式，以及咩野既想法會觸發黠樣既情緒，加強控制自己心理素質。佢唔係一日就可以見到重要作用，而係需要使用一段長時間，從當中思考同學習，讓用户更輕易掌握得到自己既情緒同想法。Moodnotes 仲為「思維陷阱」提供建議，讓用户學懂用更好的手法去處理這些問題。
可能好多人會質疑 Moodnotes 到底有幾大幫助，始終佢唔似一個真人治療師咁，可以真實接觸得到；不過 Moodnotes 既另類優勢係佢唔係真人，用户更願意記錄自己既真實心情，會比見治療師更加誠實，因為係寫比「自己」。 Moodnotes 係由 Thriveport LLC 創建，公司擁有一支醫療保健專案人士團隊，而且設計係由 Monument Valley 既設計團隊設計而成，所以呢個 app 係合法提供呢類諮詢同建議。 Moodnotes 上既每個階段都係用緊 Cognitive Behavioural Therapy 亦即係認知行為治療，所以唔好見佢咁介面咁色彩繽紛就唔實用。
不過不得不承認，傳統療法係短時間內唔可能比應用程式取代，因為人類互動既模式係無法被模仿出黎；不過 Moodnotes 作為一個輔助工具，的確係一定程度上有幫助。依家 App Store 市面上好多關於身體健康同節食既 app 每日下載量倍增，所以 Moodnotes 作為心理健康上既 app ，相信亦會受到一定族群歡迎。
Moodnotes iOs ：下載請按此
來源： The Next Web
分享到 :
最新影片
