講到學琴，其實好多人都想，不過無錢又無時間出去學，所以好多人最後就放棄左；又或者好似小編咁識小小，但係聽到啲流行曲想自己練既時候無從入手，上網搵譜麻煩，睇譜就更麻煩。依家就有個好推介： The ONE Smart Piano 。
The ONE Smart Piano 既使用其實好簡單，首先係手機或者平板上下載 The ONE app ，然後再用 USB 線同 Smart Piano 連接，再係歌庫度揀返你想學既歌，就會進入跟彈模式，只要跟住佢個鍵盤燈指示彈就可以輕鬆彈出一首歌啦。而且你亦唔需要擔心啲歌會好舊， The ONE 歌庫相當豐富，就連比較新既 Avicii 「 Wake me up 」和 Wiz Khalifa「 See you again」都有，皆因 The ONE 已經同 Hal Leonard 以及 Alfred Music 簽左版權，將會提供更多即時既曲譜，岩晒想自學流行曲黎做 Cover 既群眾。
又或者你真想由頭學起彈琴，你亦可選擇一啲基礎教案例如 Joseph Hoffmann 。而一啲較進階的視頻教案將會由中央音樂學院提供教程如彈琴基本指法等，呢啲都係當地院校非常昂貴既課程，雖然視頻唔及手把手教既好，但就可以慳返唔少既學費。
The ONE Smart Piano 售價為 US $799 (約 $6194)，預計最快就會係九月出貨。價錢看似昂貴但係佢有相當豐富既資源，雖不及有導師在旁手把手教，但係自學可以決定幾時學邊度學，由入門到進階都有齊，以長遠黎講其實都係一個唔錯既選擇。如果仲心大心細既話，不妨睇埋下面短片：
來源： Indiegogo
分享到 :
最新影片
