繼 BlackBerry Passport 之後，BlackBerry 今日推出 BlackBerry Passport Silver Edition，雖然中文名就係 BlackBerry Passport 銀色版本，不過事實上唔係淨係得顏色上嘅分別，想知 BlackBerry Passport Silver Edition 有乜咁特別，繼續睇落去啦！
外觀大改良 銀版更加優雅大方
大細同一本 Passport 差唔多，BlackBerry Passport Silver Edition 繼續有上一個版本嘅機背兩邊嘅弧形設計，不過換上鑽石形花紋嘅柔軟材料，而機身冇左「尖不甩」嘅邊角，換上咗圓邊嘅不銹鋼銀色金屬框架，揸上手係舒服嘅，尤其機背嘅膠皮手感幾好，揸上手冇冷冰冰嘅感覺。銀色機身的確比上一代嘅全黑更加優雅，襯西裝或晚裝時尚感十足。而本代 BlackBerry Passport 最大嘅改良就係鍵盤以下機身加長咗，令用家打字時唔會因為機身重心太高而引致不適。
▲銀色機身的確比上一代嘅全黑更加優雅，襯西裝或晚裝時尚感十足
雖芒細但單手操控不到
金屬框架上 Speaker 同 Mic 嘅窿窿都係用激光鑽出黎，視覺上好整齊咁。唔好以為5點幾吋機都可以單手操控，依部 BlackBerry Passport Silver Edition 得4.5吋 Mon 實得啦！咁諗就錯晒，雖然重量適中，厚度亦都唔過份，不過由於有個正方形 Mon，令闊度增加，單手係操控唔到嘅。不過籮文都明白，這個闊度是要照顧用實體 QWER 鍵盤的用家，針無兩頭利
▲機背嘅膠皮手感幾好，揸上手冇冷冰冰嘅感覺
▲機身右側有音量鍵和 BlackBerry Assistant 鍵
▲開關鍵和 耳機插孔 都在機頂
▲機底有 USB 位及喇叭位
▲拆開機背上方金屬蓋可以找到插入 SD 卡及 Sim 卡的位置
講電話音質超清?
上圖可以見到機底有成排嘅喇叭，絕對唔係鑽多幾個窿黎裝腔作勢，事實上 BlackBerry Passport Silver Edition 嘅喇叭係好清好夠聲，電話響一定唔會聽唔到。此外，其實機身藏住咗足足四個 Mic，BlackBerry Nature Sound 技術就運用依啲 Mic 喺用家通電話嘅時候進行降噪，令講電話時音質更清?。
規格與上代大致相同 搭載 BlackBerry 10 OS 10.3.2
無錯，外觀上係有唔同，不過規格與上代大致係一樣嘅。同樣有 1比1嘅 1440×1440 正方形屏幕，雖然唔算係頂級，不過都夠日常使用，上 YouTube 睇片就要忍受上下粗粗嘅兩條黑邊啦。 當然亦唔少得可以觸控嘅 Keyboard 啦，上下 Scroll 同郁動鼠標都好順暢，唔需要成日用 Touch Screen。市面上智機手機來講，BlackBerry Passport Silver Edition 持航力都算頂班馬，3,450 mAh 電池可以夠用30 小時。搭載 BlackBerry 10 OS 10.3.2，亦內置 BlackBerry Assistant 同 BlackBerry Blend。BlackBerry Assistant 係一個助手程式，用家可以用語音指令控制手機，例如發 Email、Send Whatsapp 等。而 BlackBerry Blend 則可以同步電話上的訊息及內容到電腦或平板電腦上。
▲BlackBerry Assistant 係一個助手程式，用家可以用語音指令控制手機，例如發 Email、Send Whatsapp 等
▲BlackBerry Blend 可以同步電話上的訊息及內容到電腦或平板電腦上
相機效果一般
即使係用1,300萬像素 OIS 鏡頭，影相效果仍然很一般，室內對焦速度有點點慢，有時亦有對唔到焦嘅情況出現。
▲介面簡單易用但對焦速度要達一秒左右
▲白平衡不太準確，顏色怪怪，暗位油畫化十分嚴重
籮文：「唔係銀色咁簡單 外觀有大改良 但規格依舊」
之前有條片可以見到有部 BlackBerry Passport 行 Android系統，籮文都期待過依部 Silver Edition 會唔會就係行 Android 呢，原來唔係。講真，依部機外觀的確好吸引我，銀色機身 加 正方形嘅 Mon 喎，的確係好獨特，加上 BlackBerry 依個（價錢）高級嘅品牌，其實揸上手都幾型，但始終影相方面一般，不過諗深一層佢係商務手機 for 工作多，不會好像我一樣一天到晩拍照。
分享到 :
最新影片
