上次試完塊彩光面膜喺就喺幾方便，可以一次過照晒成塊面，保證均勻，不過七月用塊咁嘅嘢真喺幾嚇人。今次就介紹一部同樣有光療功能嘅手持式美膚儀，等大家用起上嚟冇咁嚇人。
活性彩光作不同護理
呢部 MyB 充電式煥彩提拉美膚儀同上次介紹嘅彩光面膜原理差唔多，都喺利用唔同顏色嘅活性彩光刺激皮膚有唔同嘅反應。不過今次呢部就只有 3種色光，就喺比較常用嚟殺減皮膚表面有害細菌嘅藍光 同 增加肌膚彈性嘅紅光，另外加多種舒緩敏感嘅綠光，相對功效當然比較少，但我諗應該夠用。另外，因為佢喺手持式，可同時照燈面積比較少，所以好難照得均勻，相信用嚟做局部護理比較好，例如有暗瘡嘅地方就照藍色，有皺紋嘅地方就照紅色，有微絲血管浮現嘅地方就照綠光。
▲ 按下開關，再按 Photon 一下，機頭就會發出藍光，可以用嚟照暗瘡，消炎殺菌。我用喺一粒已經擠過但仲痛嘅暗瘡到，照完的確無咁痛。不過我找了同事額頭粒暗瘡嚟試，照完粒暗瘡紅咗，但又好似無點快熟到。睇嚟唔喺對粒粒瘡都有用。
▲ 再按一下 Photon，機頭就會轉成綠光，可以放喺微絲紅管浮現嘅地方，減淡紅管浮現同時舒緩敏感、疲勞，而我嘗試照咗幾次兩頰皮膚較薄嘅位置，但效果好似分別唔大。
▲ 按三下 Photon，機頭就會轉成紅光，可以用嚟照皺紋，促進糖元同膠原蛋白合成，從而減少皺紋。不過可能我最近比較夜瞓，眼肚紋好似一日深過一日。
▲ 如果無特別需要都可以用白光 (即藍+綠+紅光) 作全面護理，但要照得均勻，手持式當然無面膜咁好啦。
微電低頻肌肉按摩
單睇彩光功能，呢部機睇嚟無面膜咁全面，不過佢仲有個 EMS 功能，以脈衝式電流，刺激肌膚細胞，加強細胞活躍度同吸收能力，達致拉提效果。不過佢個強度唔算太大，就算調到最高都只喺有少少拮，用完都唔喺好覺皮膚緊致咗。拉提方面，我覺得之前介紹過嘅 Philips VisaCare 微晶緊緻煥膚儀 同 MyB 便擕式熱瑪吉美顏儀 好一點。
▲呢部美膚儀喺充電式設計，而且都比較輕，用嘅時候好方便，可以一邊睇電視一邊做護理。
▲ 彩光同 EMS 可以同時使用，慳番唔少時間。
依莉詩：「有少少痺痺地，但無大感覺！」
呢部美膚儀可以同時使用彩光同 EMS，比起分開買彩光機同拉提機慳番唔少錢同時間。用嘅時候其實只有少少痺痺地，無大感覺，始終活性彩光同 EMS 都比較溫和，相信要堅持做多一段時間先知有無功效。另外，雖然充電式，唔洗插線都幾方便，不過彩光每次要做 10分鐘，而 EMS 每次只可以做 5分鐘，但美膚儀無計數功能或者提示聲，搞到要另外計數，如果下一代有埋呢個功能就最好啦。
分享到 :
最新影片
