Gashion 57 : 你討厭邊個多D？ Instagram 廣告 vs Blogger 廣告
逃不開的命運，Instagram 終於推出「廣告」功能。皓藍「有幸」都見到個，不過就唔記得咗 screencap…. Instagram 未推出廣告之前，其實都已經存在好多廣告，例如 #名牌包包 #假一賠十 #全球郵運、又或者係「今日使用呢個 XXXX 爽膚水，真係好用到爆炸！皮膚即刻變好，暗瘡無曬！」，然後隔幾個星期又會見到… 「今日使用呢個YYYY 爽膚水，真係好用到核爆！皮膚即刻變光，暗啞肌膚無曬！」 唔知 Yomi 又點睇 Instagram 廣告 VS Bloggr 廣告呢？
「你可以選擇唔 follow blogger，但係避唔開 Instagram」
Yomi 覺得可以選擇唔 follow 成日做 product placement, soft selling 嘅 blogger，但 Instagram 自家出嘅廣告就真係無法避免。雖然 Instagram 廣告係討厭，但係按圖片就可以打開連結嘅功能，皓藍就覺得十分至有用啦。如果可以開放呢個功能比普通 Instagram 用戶，有時想加入條 URL 落張相度真係方便同好玩好多。不過 Yomi 就唔係咁睇，因為佢覺得如果多咗呢類型外掛功能，就會無咗 Instagram 當初嘅感覺。
的確 Instagram 當初可以吸引咁多用戶，令到 Facebook 都怕怕要納入自己旗下，就係因為佢有簡單直接嘅用法同介面，like 同 comment，禁兩下比個心心就係咁簡單。但新推出嘅廣告 post 玩法就唔係咁，因為你按一下，就會直接彈出一個視窗，direct 你去廣告商預設嘅 URL。姐係話我想比個面，like 個廣告都 like 唔到，因為按一下就去咗條 link….
雖然講到 Instagram 好似變得無咁好，但係似乎都唔會動搖到佢係港人心目中嘅地位。
黑.金.紅－低調的高調
踏入秋天，天氣都慢慢轉涼，出街就當然要配返件薄薄嘅外套。
all black 造型其實講嚟講去都係個幾點啦！製造層次感、加入少量顏色做點綴，而 Yomi 就選擇咗加入金色同紅色。
