今年 Samsung 推出的新機，無論係 Galaxy S6 / S6 edge，或者下半年的 Note 5 / S6 edge+，都採用了鋁金屬框架，配合機面機底皆用上強化玻璃設計，外型確實俾到用家新鮮感。不過有傳下年 Galaxy S7 又會轉樣，據知玻璃機背設計又會被取消，取而代之的是一體成形的鎂合金外殼。如果屬實，S7 將會是 Samsung 第一部採用全金屬外殼的旗艦手機。（咁似 HTC 嘅？！）
至於為何會選擇鎂合金金屬作為 S7 外殼？據消息指呢種金屬唔止輕身，而且極為堅硬及耐用，據資料顯示鎂合金外殼會比鋁金屬輕身 65%，但堅硬程度就可提高 2.8 倍。此外，用上鎂合金外殼的手機，亦會比採用鋁金屬的機款擁有更佳的散熱效果，預期手機會比現時進一步「減熱」，以免影響效能。
據稱 Galaxy S7 將會係下年年初推出，究竟係咪真係用上鎂合金外殼？幾個月後大家就知道了。
來源：inews24
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
分享到 :
最新影片
