市集、音樂、影院 UNWIRE X 「HITCHHIKE 中秋音樂節」玩足 3 日

作者

籮文
發佈日期

2015-09-24
閱讀時間

8分鐘
字體大小

中秋有乜搞作？除咗落樓下公園玩蠟燭，黎緊仲有個好推介！Hitchhike 市集+中秋音樂節！集音樂、舞蹈、文藝、電影、美食、塗鴉、手作於一身。想知更多詳情就碌落去啦！

HITCHHIKE 過去多次成功舉辦市集及音樂會，每次都人潮湧湧，今次 HITCHHIKIE 再接再勵，仲搵埋 UNWIRE 合作，希望籍著舉辦今次 HITCHHIKE 市集暨中秋音樂節，市集歌舞共冶一爐，令大家今年可以過一個難忘嘅中秋！「HITCHHIKE 市集暨中秋音樂節」將於9月26、27、28 日，在淺水灣 The Pulse 商場舉行，HITCHHIKE 玩轉 The Pulse 二樓、三樓同埋天台，將活動分為三大部份，包括Movie Zone、市集及音樂節！淺水灣一向都係中秋賞月嘅好地方，今次去市集 Shopping ，唔只可以賞月，仲可以欣賞音樂及電影，今年嘅中秋節氣氛一定大爆發。

免費活動 1 : HITCHHIKE 市集

HITCHHIKE 市集係完全免費入場，當中有售賣手作飾物和潮流服飾嘅攤檔，檔主包括有人氣 blogger 兼電視主持倪晨㬢、鬼妹仔歌手 JW 及多達80多間人氣 IG Shop！平時用 Instagram Shopping 就多，今次去市集就可以見埋實物，有埋現貨，唔使怕啲貨喺 IG「上鏡靚過實物」，仲唔洗等送貨添！

▲過往 HITCHHIKE 的盛況

▲多達80多間人氣 IG Shop 任你揀

免費活動 2 : Pioneer & Onkyo X Jamo 震撼環繞聲無間放送

行到攰玩到攰，想揾個地方休息一下？不用擔心，Unwire. hk 已經聯同 Pioneer & Onkyo Marketing Asia Ltd.，在 The Pulse 二樓人造草坪上合力構建一個高級環繞聲家庭影院，配合過百寸投影幕，無間段放映包括《衝鋒車》、《救火英雄》、《逆戰》在內的多套精彩英皇電影，讓你一邊休息一邊過足戲癮。為提供最理想的視聽體驗，現場就採用上了 Pioneer 旗艦級 BD3D 播放機 BDP-LX88 作為播放訊源，並配合 Onkyo 採用人手繞製環型變壓器，帶來高動態低失真聲音表現的全新高清擴音機 TX-RZ900 擴音機，去推動丹麥 Jamo Concert 系列主聲道喇叭，包括 C 95 座地前置喇叭、C 9 CEN 中置及 C 9 SUR 書架後置喇叭，再配合該品牌的內置 400W D 類放大、用上 15 吋特大低音單元的 D 600 SUB 超低音喇叭，務求讓場內所有參觀者都能體驗媲美專業級戲院的震撼環繞聲效果。

▲現場將會用上不少人心目中的 Dream Player Pioneer BDP-LX88 BD3D 播放機，免費無間斷放映多套港產英皇電影。

▲擴音機則是 Onkyo 最新的 TX-RZ900，用上人手繞製環型變壓器之餘，亦支援 Dolby Atmos 及 DTS:X 最新家用環繞聲音效解碼。

▲喇叭則是清一色丹麥 Jamo 出品，包括 C 95 座地前置、C 9 CEN 中置及 C 9 SUR 書架後置喇叭。

▲至於超低音喇叭更是用上 15 吋單元及 400W D 類放大的 D 600 SUB，低頻效果定必震撼全場！

活動 3 : 一連三日中秋音樂節陣容強勁

一連三日嘅音樂節有一眾音樂人撐場，音樂類型橫跨民謠、搖滾與 Hip Hop。當中邀請到陳奐仁、Supper Moment 、廣州的陳蕾、香港唯一雷鬼樂團 Sensi Lion、金像 Hip Hop 電影班底 Heyo & Doughboy、新一代作曲及配樂人李拾壹及一眾本地獨立音樂人，陣容強勁，勢將成為香港音樂界年度盛事！除咗音樂演出，仲有一系列嘅文藝活動，例如有 Hip Hop 文化活動單位《粵協合》Hip Hop 活動，一個讓參與者進行音樂實驗的空間，一齊 Jam 歌，仲設有 Pop up 理髮店 “Cuts & Glory” 及多個工作坊，希望能夠刺激本土文藝復興！咁多野玩，玩到肚餓都有野食，美食仲相當豐富！