Little Twin Star、Kuromi、PC狗，甚至肉桂狗都紛紛到各個商場同大家慶祝聖誕，但點解唔見 Hello Kitty 嘅？原來佢靜靜地去咗昂坪市集參加水鄉婚禮呀！
Hello Kitty 車廂迎接賓客
上昂坪市集參加婚禮之前， Hello Kitty 已經係車箱等緊大家。唔單止纜車車票上印上Hello Kitty 肖像， 15 架纜車也會變身成 Hello Kitty 主題車廂，等你一次過將 Hello Kitty 同沿途優美自然風光盡收一一攝進鏡頭之內！
▲ 15 架纜車將會變身成 Hello Kitty 主題車廂，咁就唔洗去台灣貓空先搭到啦。
▲ 圓形廣場嘅巴士站也以 Hello Kitty 蝴蝶結點綴長椅、巴士站牌也有可愛嘅蘋果圖案。
Hello Kitty 特色美食攤檔
踏入昂坪市集，一排排充滿大澳特色嘅棚屋同攤檔旋將會映入眼簾。Hello Kitty 爺爺係棚屋前垂釣，嫲嫲則忙著曬鹹魚同蝴蝶結形蝦醬；而 Hello Kitty 和 Dear Daniel 就係另一旁觀賞中華白海豚。繽紛裝飾裝飾嘅美食攤檔售賣著大澳美食， 雞蛋仔、茶粿同豆腐花，充滿聖誕氣氛。
▲ 炭燒雞蛋仔、茶粿同豆腐花都係大澳美食，唔知你又食過未呢？
後記－ 同 Hello Kitty & Dear Daniel 一齊見證水鄉婚禮
雖然今日市集同纜車都仲未有裝飾，不過就有大澳文化專家龔偉興先生細說大澳水上婚禮儀式，Hello Kitty 同 Dear Daniel 仲前來見證呢場溫馨甜蜜嘅水上婚禮。
▲水上婚禮係水上人嫁娶活動，以往多數係船與船之間進行，為蜑家族群一歷史由久之活動。因儀式繁瑣，現在已沒有正式舉行，只有每年十一月大澳鄉委會主辦水上婚禮活動，重演當年的婚禮儀式。
日期：2015 年12 月3 日至 2016 年3 月8 日
地點：昂坪市集
