iPad Pro 「魔法筆」 Apple Pencil 用法 + 評測

讚好此文:

十一月 12, 2015 •平板配件, 流動電腦, 評測

iPad Pro 嘅專用配件,除咗 Smart Keyboard 之外,另一個大家更想知道用落係點嘅,就係 Apple Pencil。而家就等 Edward 為大家帶來呢支筆嘅開箱,同埋初步用後感啦!

applepencil

開箱全面睇

P1140239

▲打開包裝紙之後,向旁邊一拉就可以打開。

P1140240

▲最頂有一個紙盒,入面自然有說明書等嘅文件。

P1140242

▲入面仲有兩件配件,較細嘅就係後備筆頭,俾大家萬一用壞或者唔見咗,都仲有一個可以替換。

P1140243

▲另一個就係轉接器,呢個用法係當大家唔想用 iPad Pro 幫 Apple Pencil 充電個時,就可以用普通 Lightning 線接駁火牛,再用呢個轉接器,一邊接駁 Lightning 線,另一邊就插入 Apple Pencil,就可以充電了。

P1140244

▲再下面就見到 Apple Pencil 真身啦!

P1140245

▲揸落手真係同拿普通鉛筆好相似,手感真係幾好。

P1140246

▲呢個就係筆頭。

▲只要好似螺絲咁轉出來就可以替換。

P1140247

▲而 Apple Pencil 頂部,大家可以見到銀圈位置刻有 Apple Pencil 字樣,其實幾靚。

P1140248

▲打開頂蓋,就可以見到為 Apple Pencil 充電嘅 Lightning 插頭啦。

配對超簡單一插就得

至於配對方面,其實好簡單,第一次使用時,只要將 Apple Pencil 嘅 Lightning 插頭插入 iPad Pro 嘅機底 Lightning 插槽,之後熒幕就會出現「配對」選項,點按它就完成配對,感覺就好似新嘅 Magic Keyboard 2、Magic Mouse 2 同埋 Magic Trackpad 2 同 iMac 配對嘅方法一樣,超級體貼。而之後大家除非係要幫 Apple Pencil 充電,否則基本上唔洗再將佢插入 iPad Pro 上,因為傳輸數據係透過藍牙,所以大家完全可以無線使用,無任何問題,大家只係記住要用個時開啟藍牙功能就可以了。

P1140249

▲配對超簡單,只要將 Apple Pencil 嘅 Lightning 插槽插入 iPad Pro 嘅插槽。

IMG_0010

▲然後點按熒幕上嘅「配對」選項,就完成了,呢個時候大家就可以無線使用 Apple Pencil。

IMG_0009

▲以後 Apple Pencil 與 iPad Pro 接駁都係透過藍牙,大家記住要用個時開啟藍牙功能就可以了。

充電 15 秒用 30 分鐘

至於 Apple Pencil 嘅使用時間可以有幾長?根據 Apple 官方表示,係充滿電情況之下,Apple Pencil 可以連續使用 12 小時。大家睇落好似唔夠長?其實 Apple 唔預大家當支 Apple Pencil 係 stylus 咁用來操控 iPad Pro,所以只有係畫畫或者要畫寫較細膩筆觸嘅情況下,先會用得著,例如:係 PDF 文件上面簽名,或者批閱公司文件,但呢啲情況一般都係用幾個鐘都已經好夠,所以大家預每用兩、三次幫 Apple Pencil 充一次電就差唔多啦。另外 Apple Pencil 最特別嘅地方,就係萬一無電嘅情況下,只要將佢插入 iPad Pro 機身 15 秒,就已經充咗足夠用 30 分鐘嘅電力,用來應急真係好好用!

螢幕快照 2015-11-12 上午1.07.23

▲一般 Apple Pencil 可以連續使用 12 小時,但要應急嘅話,插入 iPad Pro 機身 15 秒已經夠用 30 分鐘,呢個功能真係幾體貼。

DSC00870

▲不過 iPad Pro 熒幕介面就睇唔到 Apple Pencil 仲有幾多電剩,呢個希望 Apple 未來可以加番啦。

WACOM 類設計可感應壓力

以前 iPad 係就係幾好用,不過佢嘅熒幕唔似某啲品牌嘅平板咁,可以感應壓力,對於鍾意畫畫嘅用家來講,真係唔夠過癮。今次 iPad Pro 配合 Apple Pencil,就首次支援壓感,不過同其他品牌嘅平板有啲唔同,佢哋一般都係熒幕上下工夫,令裝置配合指定畫筆,可以做到壓感效果;而 Apple Pencil 就將感應器收藏係筆內,透過筆頭嘅感應器,可以感應到用家按壓係熒幕上嘅力度,從而決定線條顏色嘅深淺以及粗幼。另外,佢支筆都幾特別,佢內置斜度感應器,只要使用合適嘅筆,較垂直咁寫個時就可以畫出線條,而用筆邊輕掃熒幕,就可以做出類似掃描嘅效果,呢個相信都係鍾意畫畫嘅朋友一直想要嘅功能吧!

DSC00871

▲扭開筆頭大家就會見到呢個「萬能」感應器,唔止可以感應按壓力度,從而決定線條粗幼,亦可以因應拿筆斜度而決定畫出來嘅效果。

DSC00879

▲筆者用 Notes 做示範,大家見到垂直寫個時,出來係實在嘅線條。

IMG_0008

▲當大力啲將筆頭壓落熒幕,線條就會深色啲同粗啲;而細力啲壓落去,線條就會淺色啲同幼啲。

DSC00878 IMG_0007

▲此外,當打斜支筆,只要選用合適嘅筆,就可以做到類似掃描嘅效果。

有 Palm Rejection ! 線條好順無斷

最後就同大家分享一下用落嘅感受啦。筆者自問唔係畫畫有天份嘅人,就無謂畫啲畫出來令大家反胃啦。不過用來畫線,就發覺 Apple Pencil 筆頭真係幾靈敏,根據 Apple 官方表示,iPad Pro 可以感應到大家係用緊手指定係 Apple Pencil 操控裝置,一旦感應到係 Apple Pencil,就會用每秒 240 次嘅掃描訊號掃描數據,係平時手指操控時收集數據速度嘅兩倍。呢個設計,令筆者用 Apple Pencil 畫線個時,無論係大力定細力,都唔見有斷線情況,呢一點用落真係令人幾滿意。此外,畫畫個時,大家亦唔洗吊住隻手來畫,儘管將手掌放係熒幕上面就得,iPad Pro 本身會感應到個個係手部,就算放係熒幕上面,都唔會錯誤畫咗嘢上去,呢一個細微位又係值得一讚。

DSC00881

▲筆者用來畫咗好多條線,都唔見有斷線情況,真係幾滿意。

DSC00883 DSC00884

▲手掌就放係畫畫個時放係熒幕上面,都唔會誤觸熒幕,呢個設計又係值得一讚。

影片示範 : (請耐心等候 Loading..)

 

總結:做得幾好係驚唔見……

整體來講,Apple Pencil 俾筆者嘅感覺係有少少喜出望外,唔止無斷線,而且出來嘅效果真係幾好,無論大家係打算用來批閱文件或者簽名,又或者鍾意拿住佢係戶外寫生,iPad Pro + Apple Pencil 呢個組合,應該都會俾到大家一個幾好嘅感受,感覺就好似帶住 WACOM 畫板出街畫畫一樣,值得一讚!不過 Apple Pencil 本身唔可以收藏係 iPad Pro 機身入面,大家外攜使用個時,真係要小心唔好亂放,最好一用完就放入袋收藏好,咁就唔驚唔見。另外,最好唔好係白色檯面度用,因為 Apple Pencil 本身都係白色,如果放係白色檯面,佢嘅天生「保護色」,真係會搞到用家「發雞盲」睇唔到佢嘅存在……一旦唔記得拿,又要俾 $788 買過支,咁就無謂啦……

DSC00887

售價:$788

查詢:Apple(800 908 988)

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

unwire TV



更多同類文章:

最新文章