籮文:「平玩旗艦規格 影相靚大芒機」Freetel Samurai 極 日系手機初測

讚好此文:

二月 17, 2016 •手提電話, 手機測試, 評測

通常於香港買日系機,都係貪外型靚,鮮有高規格型號引入。不過今日籮文就發現一部又平又靚,規格又高嘅 Freetel Samurai 「極」,Freetel 其實係日本其中一間電訊商,Samurai 「極」就是他們其中一部自家品牌旗艦機。Samurai 「極」配備 6 吋 2560 x 1440 超高清大芒、2,100 萬像素主鏡頭及 800 萬前鏡頭,同時仲有指紋解鎖,旗艦機規格但價錢卻是中階機水平,非常吸引,想知有幾抵玩就要繼續閱讀以下文章啦!

極05

包裝似日本威士忌

一見到 Samurai 「極」嘅包裝盒,盒上極少文字,一隻關於手機嘅字都冇,唔知嘅話會以為係近年好 Hit 嘅日本威士忌。包裝盒設計充滿日本風情,採用黑色金色配搭,見到咁高貴嘅配色就知依部係旗艦級手機。一打開盒,除咗機身之外,亦包括 MicroUSB 線、火牛及打開卡槽的針。留意由於是日系機的關係,火牛為兩腳頭。

極02

▲包裝盒設計充滿日本風情,採用黑色金色配搭,見到咁高貴嘅配色就知依部係旗艦級手機。

極03

▲一見到 Samurai 「極」嘅包裝盒,盒上極少文字,一隻關於手機嘅字都冇,唔知嘅話會以為係近年好 Hit 嘅日本威士忌。

極04

▲除咗機身之外,亦包括 MicroUSB 線、火牛及打開卡槽的針。留意由於是日系機的關係,火牛為兩腳頭。

華麗薄切 低調外型

如果要我用一個詞語形容 Samurai 「極」嘅外型,依個詞語會係「低調」。身為一部旗艦機,「極」嘅外型非常平庸,機背採用啞黑色設計,機邊有斜邊切割處理,光線底下閃閃發光,機面驟眼睇黑色一片,平平無奇,其實頂部及底部都隱藏暗花圖案,除咗機背紅色 Logo 有點兒突。造工仔細,拎上手,手感非常紮實,雖然擁有 6 吋巨芒,但係單手操控都算輕鬆。

極09

▲身為一部旗艦機,「極」嘅外型非常平庸,機背採用啞黑色設計

極07

▲機邊有斜邊切割處理,光線底下閃閃發光,機面驟眼睇黑色一片,平平無奇,其實頂部及底部都隱藏暗花圖案

極12

極13

極16

6吋超高清屏幕 又大又清 仲要窄邊框

Samurai 「極」用上 6 吋 WQHD (1,440 x 2,560) 超高清屏幕,像素密度高達 490PPI,可以話係又大又清,不論睇 YouTube 或者靜態影像,都完全唔覺有顆粒感,偏色問題亦不明顯,只有輕微偏青色,籮文唯一不滿意是亮度不足,調到最亮都只是 LG G4 的 80-90%,但仍然足夠於陽光底下清楚閱讀內容。不過唔緊要,原來 Setting 入面有一個叫 MiraVision 嘅功能,入到去可以任你 Set 對比度、亮度、色溫、飽和度等等屏幕參數。

雖然6吋屏幕頗大,但好在屏幕左右兩邊夠窄,雖然未足以稱為「超窄邊框」,但足以讓籮文可以單手操作。屏幕表現非常不錯,但係喇叭表現就麻麻啦,未調到最大聲就已經聽到拆拆地,用家都係用耳機啦!

極06

▲Samurai 「極」用上 6 吋 WQHD (1,440 x 2,560) 超高清屏幕,像素密度高達 490PPI,可以話係又大又清

極19

▲雖然6吋屏幕頗大,但好在屏幕左右兩邊夠窄,雖然未足以稱為「超窄邊框」,但足以讓籮文可以單手操作。

Screenshot_2016-02-17-04-28-39

Screenshot_2016-02-17-04-28-33

▲不過唔緊要,原來 Setting 入面有一個叫 MiraVision 嘅功能,入到去可以任你 Set 對比度、亮度、色溫、飽和度等等屏幕參數。

指紋超爽 不同手指開不同 App

主鏡頭下方有一個方型的指紋掃瞄器,比起其他「指紋手機」,Samurai 「極」的指紋登記介面更花心思,採用一隻手掌,五隻手指的圖形介面,更清楚易用,不過如果女朋友要佔用你一隻手指位,你又會讓邊隻手拍俾佢呢?解鎖速度與其他大廠旗艦機相約,相當敏捷,比人哋叻嘅係,用家可以 Set 不同手指解鎖時開不同的 App,令你更快人一步,但同其他人一樣嘅係,指紋登記數量有限制,最多登記 5 隻手指。

極17

▲主鏡頭下方有一個方型的指紋掃瞄器

Screenshot_2016-02-16-17-41-17

▲Samurai 「極」的指紋登記介面更花心思,採用一隻手掌,五隻手指的圖形介面,更清楚易用

Screenshot_2016-02-16-17-41-39

▲比人哋叻嘅係,除咗「Just Unlock Phone」之外,用家可以 Set 不同手指解鎖時開不同的 App,令你更快人一步

2,100 萬像素相機 仲可以拍 4K

細心的話,你會留意到機背的主相機鏡頭是微微突出的,原來唔只係外觀,就連規格都非常突出,主鏡頭解像度達到 2,100 萬像素,是現時市面上最高像素的一批智能手機,更令籮文驚訝的,是支援追焦模式,取景時按住畫面上的主體,就可以啓動追焦功能,另外,支援慢動作影片拍攝,更加支援 4K 影片拍攝。而前置鏡頭亦有 800 萬像素,亦達到主流的旗艦級數,當然亦有美顏功能啦。除了按下屏幕上的快門,用家亦可以用已登記的指紋按到指紋辨識器上觸動快門。

極14

▲細心的話,你會留意到機背的主相機鏡頭是微微突出的

極21

▲拍攝介面簡單,左面是5個不同模式

極23

▲更令籮文驚訝的,是支援追焦模式,取景時按住畫面上的主體,就可以啓動追焦功能

極CAP07

IMG_20160216_164344

極CAP08
IMG_20160216_164657

▲放到大大後,細緻度仍然維持到高水平

極CAP11

▲用上 f2.2 光圈,要做散景效果其實唔難

極CAPTwo02

▲支援慢動作影片拍攝,更加支援 4K 影片拍攝

極CAPTwo01

▲前置鏡頭亦有 800 萬像素,亦達到主流的旗艦級數,當然亦有美顏功能啦

極CAPTwo03

▲美顏功能包括有磨皮、美白、瘦面、大眼,全部可以任你調較程度

手勢感應 都係 Gimmick 嘢 但電池十分噤用

日系機多數有好多得意小功能,但 Freetel 依部 Samurai 極 就走簡約路線,只有手勢感應,如雙擊屏幕可以解鎖手機等。Gimmick 野唔洗多,最緊要實用,籮文部 Samurai 極 充滿電後,用咗 24 小時都仲有3,40%,原來佢內置不可換電池 3,400mAh,處理器就用上 MediaTek Helio X10 八核心 2.0GHz,配合 3GB RAM,所以耗電量 OK。內置 32 GB 儲存空間,係就係細咗啲,不過最高可以入 64 GB MicroSD。支援 Dual Sim 功能,可以話係日系機中罕有的功能。

籮文:「簡約低調地屈機」

依部機可算是籮文試過咁多部日系機之中,最喜愛嘅一部,集合晒籮文鍾意嘅功能,又冇多餘嘅「日系」功能:低調外型、超高清大芒、影相靚、拍4K、有指紋認證。三千幾蚊買到上述功能,暫時好似冇機做到喎。雖然處理器只用上 Helio X10,但用咗全日亦未見有窒機情況,所以依部機抵玩程度,籮文要俾 99.9 分。

極05

售價:HK$3,680

查詢:23740618(三禾電氣)

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: ,

讚好此文:


Comments are closed.

unwire TV



更多同類文章:

最新文章