港女為咗將來有一日可以成為賢妻，最近好勤力咁睇片學整野食。啲片點搵？本來我都唔知點搵，有一日我見到 Facebook 有人 share 一個叫 Tastemade 的專頁，真係一發不可收拾，佢啲整野食嘅片真係好。好。睇！佢啲片全部都統一左格式做正方型，每個步驟 1 秒左右，上面仲有大大粒字話你知佢落左啲咩，非常易 Follow。
除左 Facebook 之外，仲有 Instagram 同埋 YouTube Channel，真正滲透晒每一個社交平台。Tastemade 主要係教整西式菜，啱晒啲放假鍾意係屋企煮飯仔的朋友仔，因為相比起整中餐，整西餐真係慳水又慳力。 Tastemade有時都會有一兩個 Video 係教整亞洲菜（我唔敢講係中菜，因為同我理解的中菜有唔同）嘅，不過港女就覺得佢地外國人口味同我地唔同，所以亞洲菜的菜譜就可圈可點啦，都係阿媽整得好食啲，問阿媽好過啦，哈哈！
Tastemade 個 Page 有超過一千萬人 Like 咗，果然「民以食為天」係無錯，而且佢地個 Fan base 非常國際化，咩人都有，我諗係同佢地將整個煮食過程拍得好簡單有關，易入口嘅野就多人睇架啦。睇返相關報道先知原來佢地係始於美國，而 Like 數最多的除左係排第一的美國，緊隨其後的係巴西。
本來港女淨係睇佢個 Page 已經睇到眼金金，都係忍唔到手起一起佢地底。Tastemade 係 2012 年由 Larry Fitzgibbon, Joe Perez 及 Steven Kydd 三個人創辦，上年 12 月剛剛獲得由高盛領投的 D 輪融資 US$40M （約港幣 3 億 2 千萬），嚟緊就會做多啲本地化的元素，建立唔同國家的專門食譜，吸納更多不同地區的人。
唔怪得我見到佢開左個 Tastemade Japan 啦！不過我覺得如果唔識日文，日本版會比較難睇，因為有好多食材都唔知佢寫乜，欣賞下漂亮的製作過程都無話唔得嘅～
分享到 :
最新影片
