唔知點解每當我埋頭打字的時候，總會發生倒瀉水呢 D 不幸事件。如果係水還好，萬一倒瀉咗 D 咖啡、汽水落鍵盤真係想慘叫！最近我就發現到呢兩隻聲稱唔會跌的杯 ，依家就等我依莉詩試下佢係咪真係咁勁先！
放係平面就能吸住
呢兩隻永不倒的杯叫做 Mighty Mug，同市面賣緊的「不倒保溫杯」其實係同一個牌子，只不過佢地係透明膠杯咁解，睇落就更似一隻普通水杯。佢地之所以可以抓緊枱面唔放係因為杯底的 Smartgrip，我想過將佢放係木枱、膠凳、鐵盒、玻璃，只要接觸到平面就會好似吸盤咁吸實，無論點推杯身都唔會翻側了。不過如果將木枱的紋比較深，或者係太多塵的地方都會影響吸力，所以放好之後都係輕輕推一推，感到吸實咗先放手比較穩陣。
▲ 杯底的橙色 Smartgrip 好似吸盤咁，一放係平面上就會自動吸實。
▲連放係斜嘅電腦 Mon 上面都吸得實架！不過就只有 2秒咁大把，仲唔係次次得添！
垂直拎起唔洗用力
咪以為吸實咗就好難拎得起，只要你輕輕向上拎起，就可以好似平時拎起隻杯咁簡單，完全唔使改變使用習慣。難怪 Mighty Mug 係 Kickstarter 集資幾日就已經達到目標，而且仲推出咗金屬保溫杯、咖啡杯同冷飲杯等等的家族成員啦！
依莉詩：「又真係唔跌啵！」
真心覺得呢系列的不倒杯唔錯，特別對我呢 D 經常倒瀉水的人，只要同平時一樣咁放低隻杯，佢就會吸住張枱唔會推得跌。不過，呢款杯係部份平面例如: 布質、好 Raw 既木面或者凹凸不平表面就會因為吸唔實而變返做一隻普通杯，而且因為佢無蓋，如果裝多個四分三杯水，大力撞到的話都係會濺到少少水出嚟，點計都好過成杯打瀉嘅，所以大家如果要係電腦旁邊用都係要小心為上！
查詢： Backers（3959 3399）
售價：＄299(同款一對)，＄568 (兩對)
相關影片﹕
