一直以來韓國車都俾人較廉價的印象，但近年韓國車的設計愈來愈跟上潮流，適逢世界各地都吹起韓風，就連美劇「Walking Dead」都用韓國車作為劇中一部用作撞飛喪屍的型爆衝鋒車。今日現代汽車香港就發布第六代 Elantra 四門房車，價錢仍然係「廉」，但造型非常有跑車味，一啲都唔係廉價貨色，想知更多就要繼續閱讀以下文章啦！
「流體雕塑」 外型有跑車格
Elantra 終於出到第六代，為了令感覺更穩重，車身長度及闊度增加到 4,570mm 及 1,800mm，比起對上五代都大部，如果喜歡揸「車仔」嘅準車主就要留意一下。本身雖然依部 Elantra 只係一部四門房車，但外型卻勁有跑車味，現代汽車的設計師與工程師，將時尚風格及空氣動力學結合，以流暢的線條將「流體雕塑」的設計理念運用到此車身上。車身顏色有十多款可供選購，除了常見的黑白灰、下圖的灣畔藍，還有橘色、金光黃等特別色。
唔係得個「靚」字 配合空氣動力學設計
鬼面罩用上六角形設計，有型有款之餘，原來都有實際架。依大大個鬼面罩具有導風結構，有助控制車頭四周的氣流，減低亂流產生及降低風阻。除了鬼面罩，連車底保護板、尾部擾流器及寬闊的尾門設計，全都經過空氣動力學設計，令 Elantra 的風阻系數低至 0.27 cd，比多數同級車款都要低。
▲大大個鬼面罩具有導風結構，有助控制車頭四周的氣流，減低亂流產生及降低風阻
▲車底保護板、尾部擾流器及寬闊的尾門設計，全都經過空氣動力學設計，令 Elantra 的風阻系數低至 0.27 cd，比多數同級車款都要低。
相關文章:
2024 香港國際汽車博覽 仁孚集團首次參展展出多款新車 Hyundai 美國召回超過 14 萬電動車 有行駛中失去動力風險 Hyundai 新能源汽車兩手準備 INITIUM 氫燃料概念汽車項目本月發表
車廂闊敞 坐後座有老闆 Feel
車身長度及闊度都比先代增加，所以車廂內部都變得寬敞，Elantra 更憑著 110.2 立方英呎的內部空間，被美國環境署（EPA）評定為中型房車，籮文坐過後座，就算籮文「肥屍大隻」，Foot Room 都有大約一個拳頭位。當然，要坐得舒服又點只闊敞就夠呀，採用多種隔音及吸音物料，又將車門玻璃加厚，就連雨刷器（水撥）都有改良，以降低刮動時的聲響和震動。
▲被美國環境署（EPA）評定為中型房車，籮文坐過後座，就算籮文「肥屍大隻」，Foot Room 都有大約一個拳頭位
▲車價先十幾萬，當然就冇 Tesla 嗰啲咁高科技嘅 Touch Screen 中控台啦，不過功能都夠晒日常使用架
▲音響系統有 TFT LCD Screen
▲喜歡聽住歌揸車嘅朋友，中控台下方就有 AUX 及 USB 插槽，但冇藍芽
▲具有音響軚控，駕駛中亦可以控制音量
▲四個車門都有喇叭位
體積增加重量卻更輕巧 慳油程度再提升
雖然車身比上一代大，但重量卻減低了。重量減少並不代表有偷工減料，仲「落足料」添！底盤以 53% 超高強度鋼鐵打造，相比上一代的 21% 比例更堅硬。安全穩固之餘，更能提高駕駛性能，轉向時更穩定。搭載 Gamma 1.6 MPi 四缸自然吸氣引擎，能在 6,300 轉輸出最高 128 匹馬力，最大扭力則為 15.8 kgm/4,850 rpm，採用六前速自動波箱（附 +/- 波）。Elantra 一向都係慳油之選，新一代當然更有進步，耗油量由 7.1L/100km 降至 6.5L/100km（即每升 15.4 公里），同電動車或者混能車（Hybrid）比較，當然冇得比，但與同級車款比較，Elantra 絕對係上游份子。除咗車價吸引，油錢都幫你慳埋！
可望獲最高的五星安全評級
安全性方面，Hyundai 都下了不少功夫，首先車身結構改良過，加上配備 6 個安全氣囊，以及電子行車穩定系統（ESC）、車身動態穩定系統（VSM）、磨擦控制系統等，有冇試過開開下車要落車 Check 車胎有冇氣？Elantra 就有輪胎壓力監測系統（TPMS），當輪胎壓力異常時，駕駛者就會收到警示。上一代 Elantra 已經獲得美國高速公路安全管理局（NHTSA）的五星評級，相信經過改良，今代將可以再獲同樣的最高評級。
售價：$164,900 起
相關文章:
2024 香港國際汽車博覽 仁孚集團首次參展展出多款新車 Hyundai 美國召回超過 14 萬電動車 有行駛中失去動力風險 Hyundai 新能源汽車兩手準備 INITIUM 氫燃料概念汽車項目本月發表
分享到 :
最新影片
