上個星期有一個非常轟動 Facebook 用家的更新，就係 Facebook 加左 Reactions 功能，除左以往的俾 Like 之外，大家之後仲可以俾 Love、俾慘同俾嬲等等。港女的同事s 急不及待更新隻電話 App，點知俾佢地發現左原來 Facebook 仲同時選擇性開放埋「素人開 Live」功能！港女一返到公司就馬上俾同事包圍，問我是咪「被選中的 KOL」。
呵呵呵！Update 完之後發現，我兩樣功能都有！又可以俾嬲，又可以開 Live～～～
同事之後問我，點解你咁遲先 Update 發現架，乜你冇開自動 Update 架咩？
實不相瞞，我從來都唔會 Update 啲 Apps，除非佢有重大的功能更新或者個 Bug 攪到我不能正常使用。其中一個原因，係因為我得 5GB 數據，不能隨街下載燃燒數據。返到公司有 WiFi，但我又唔會㩒住部電話；一係放工返到屋企得閒冇野做架啫，如果唔係我都唔會走去睇下有咩 Apps Update…
尤其是而家 Facebook、Instagram 嗰啲，每兩個星期又話要 Update 一次，Up 完又係差唔多，咁我無謂成日搞佢啦。好彩，我就冇「紅圈強逼症」，一定要開晒啲 notifications 出黎睇，反而我好 enjoy 啲 Apps 有個紅圈，自我欺騙的存在感。
琴日 Whatsapp 又話有新 Update，話咩可以傳送文件喎。嘩，大佬，我一定唔會 Update！而家自從有左 Whatsapp，大家已經公事私事傻傻分不清楚，Email 都懶得 send。有啲人更恃住有你手提，郁啲就話有咩又趕又盛 send 個 Whatsapp 過去快啲覆，雖然我有時都係咁。 有時半夜三更收到個公事 Whatsapp，都唔知睇唔睇好，又唔可以扮睇唔到，我唯有熄左個 last online 同藍剔功能，冇眼屎乾淨盲，自我欺騙扮唔知。不過，今次 Whatsapp 呢個更新簡直就係打工仔的惡耗，啲人以後就會大模斯樣咁用 Whatsapp send 野過黎… 我就唔 Update 住喇，你 Update 左未？
