手機 game 唔一定要複雜先有人鍾意，好似 Facebook 的投籃遊戲咁受歡迎，就係因為夠簡單易玩。今日就等我依莉詩介紹 3個賣萌的治療系手機遊戲俾大家，畫風超可愛，包保貓奴會一玩再玩。
1) 殭屍貓迴轉壽司
係貓界，殭屍貓的人氣愈來愈旺，特別係佢見到壽司流口水個樣超可愛！而今次呢個「殭屍貓迴轉壽司」玩法亦非常簡單，就係係限時內揀啱最多殭屍貓同好友想食的壽司就得，完全唔洗用腦，好啱等車的時候無聊玩下。
▲ 唔知殭屍貓鍾意食熟蝦、玉子定三文魚多 D 呢？
▲ 遊戲會紀錄係最高分的 3次成績，等你自我挑戰。
遊戲下載：きょーふ ! ゾンビ猫くるくる回転寿司！
2) 訊息貓彈彈波
除了殭屍貓，訊息貓亦非常可愛，望住訊息貓係畫面彈來彈去，撞到其他貓貓時又會出現得意表情，好搞鬼啊！
▲ 30秒內撞到愈多貓朋友就會贏。
▲ 而呢個 game 唔係純玩，仲有得升呢同用道具，簡單又有少許變化。
遊戲下載：メッセージにゃんこくずし
3) 逃出貓部屋
覺得太簡單唔啱自己，但又被貓貓迷倒的話，呢隻「逃出貓部屋」就符合你的要求。同一般密室逃脫唔同，貓部屋畫面簡單、明亮，一 D 都唔恐怖。你可以用手指輕輕鬆鬆咁幫畫風 cute 的貓貓排除萬難，逃出貓部屋。
▲ 只要移動貓貓同集齊房內的物件就可以逃出房間了。
▲ 每過完一關都會收集到一隻貓貓，令人好想快 D 儲齊呢！
遊戲下載：脱出ゲーム ねこのへや ~脱出ゲームだけど脱出したくない~
分享到 :
最新影片
