一遞手就自動出cream!依莉詩實試 NU Skin ageLOC Me 面部護理智能護膚機(下)

讚好此文:

四月 19, 2016 •扮靚科技

上次我依莉詩就介紹過 NU Skin 呢部智能護膚機 ageLOC Me 非常之方便好用,只要將隻手放係部機下面,就識得自己擠護膚品出嚟,不過始終跟機果 Set 都未必咁啱自己用,好在佢哋仲有埋 App,只要跟自己嘅皮膚狀況揀幾揀,就可以即時配搭到一套完全啱自己用嘅配方,一於試吓用佢套 App,訂返套啱自己用嘅先得!

pic004

女人最驚用錯護膚品 揀啱自己先最重要

護膚品簡直就可以話喺女人嘅第二生命,每朝每晚都要搽唔同嘅護膚品同精華,但係專門店左試又試,始終都唔知邊隻護膚品啱自己。而呢部智能護膚機入面的 3支精華同 日夜霜有 2000幾個組合,只要裝個 App 答廿條問題就可以訂到啱自己的組合。無論日夜霜厚薄、淡斑同抗皺成份都會因應自己要求改變,好似我咁就唔鍾意日霜太油膩,就可以揀比較薄身的日霜。

 

pic003

▲NU Skin 呢部護膚機所用到嘅日霜、晚霜同精華液,全部都喺密封包裝,保證乾淨衛生,用到嘅時候先至拆出嚟裝落部機,咁就保證唔會喺運送或保存當中受到污染。最重要嘅喺,佢每枝都只喺 30 日份量,而且精華係用到先混合,咁就唔怕開咗之後要用好耐先用得晒,保證次次新鮮。

pic005

▲ 護膚機入面的 3支精華同日夜霜有 2000幾個組合,只要裝個 App 答廿條問題就可以訂到啱自己的組合。

唔洗專人教路 自己用 App 都識揀

其實個 App 真係好簡單,因為 NU Skin 喺呢方面就真喺相當細心,只要喺隻 App 入面入返一啲自己嘅個人資料,再因應自己皮膚的狀態同個人喜好,答埋佢入面果廿條問題,就可以訂到啱自己的組合。而問題方面,仲有圖揀,唔知自己的色斑、皺紋深淺,對住塊鏡嚟揀就得,大大減少揀錯機會。如果係揀個人喜好的時候發現自己有壞習慣,佢都會提你。就好似如果你皮膚敏感,又揀咗想要有香味的日霜,佢就會提醒你。又會問埋你有無對果酸敏感同敏感程度,咁就唔擔心敏感了。答晒所有問題之後,大家仲可以直接喺個 App 度落埋單,咁就可以坐定定等收貨,完全啱晒我呢啲大忙人!

pic007

▲隻 App 相當易用,只要對住塊鏡再揀番圖入面見到嘅色斑同皺紋深淺等等,就算男仔都識得用。

pic001

▲ 佢有一些好貼心嘅提示功能,就喺例如防曬好重要,係抗衰老嘅重要一關,個 App 就會提醒返大家要注意返。

pic008

▲答晒所有問題,系統就會幫大家揀出最合適嘅配搭,然後俾個代碼你,之後就可以直接落 Order 訂貨。

護膚都講大數據 用得越耐越好用

相信唔少女士都會諗,點解答完果廿條問題,佢哋就可以揀到啱自己用嘅護膚品,仲要有成 2000 幾種唔同配方咁多?因為佢哋集團擁有一個龐大嘅資料庫,入面記錄咗唔同地區唔同年齡人士嘅肌膚資料,所以佢哋所研發嘅 ageLOC Me 配方,都喺透過 ageLOC 科技平台研發,能夠直擊肌膚老化根源,改善基因表達,而且每個月訂新護膚品時候,都可以根據番之前果批嘅情況再作出微調。佢呢個 Database 最好嘅地方,就喺當大家要出 Trip 嘅時候都揀到啱氣候的護膚品。就好似大阪比較乾燥, 就會俾啲比較補濕的精華你。咁到時只要用佢個 App 揀完,訂一套去大阪用就得,唔怕去到果時先發覺而家呢套唔啱果邊用喇。
pic002

▲如果臨時要出去玩幾日又唔想拎埋部機,只要預先將要用到既份量放落呢啲盒仔就得。

依莉詩用後感:用咗 Tailor Made 更安心

其實我自己本身啲肌膚都幾敏感,一用到啲唔啱自己膚質嘅護膚品,就會攪到生晒粒粒,之後仲要用返好長時間先改善返,而呢 D tailor made 的護膚品就好好,唔單止唔洗驚敏感,日霜又唔怕油笠笠,晚霜又好保濕,好啱我要求,因為全部都係我自己揀,由我話事。而且每個月都可以根據返之前用嘅感覺再調整,咁就可以隨住皮膚在不同天氣或者地區下嘅不同狀況而用最啱嘅野。試用咗 NU Skin ageLOC Me 呢部智能護膚機一個星期,真係覺得方便咗,早晚搽兩下就得,仲每日定時定候提我記得搽,就係想偷懶都無藉口。

智能護膚機 ageLOC Me

售價:待定

查詢:點按此

• 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags:

讚好此文:


Comments are closed.

相關文章:



更多同類文章:

最新文章