今時今日，大家出門口甚至出 Trip 都會攜帶越來越多智能產品，例如有平板電腦、手提電話、流動充電器、卡片、耳機、筆記簿同筆等等，要輕便又有條理地收納這類瑣碎物品的手提包其實很難找。今次介紹英國倫敦品牌 KNOMO 推出的 Knomad air 就 fit 晒呢個需求 !
做個至潮 Gadget 人
各位緊貼潮流的 wire 民，身上總有唔少流動智能產品，一部智能電話絕對唔少得，拎多部平板電腦亦都好正常，為了智能裝置可以用到全日，流動充電器亦是必備品，加上耳筒、信用卡、八達通等等，就算普通出街點都要帶個袋，好多時就因為一個袋，總會同全身打扮顯得格格不入。近期 Knomo 就專為擁有多種不同流動產品的用家推出 KNOMAD AIR，十分適合會隨身攜帶多種不同智能產品外出的用家，由於它是針對這類用家所設計，所以無論產品用料、保護性、間隔設計以至大小更能滿足各位要求。
一個袋攪掂晒
大家唔好睇少呢個 KNOMAD AIR 袋好似細細個唔裝得好多嘢，其實佢入面有好多個不同大小的間隔，其中最大的間隔可以放得落一部 iPad Air 或者其他 10” 平板電腦，除了可以放平板電腦，亦有專門擺放手提電話的位置，就算是較大熒幕手機都一樣放得落，而且所有間隔都有防刮保護層，可以避免裝置與裝置之間因磨擦或碰撞而刮花。
要應付全日外出玩或出 Trip，流動充電器都是不可缺少，在電話隔旁就有一個可以容納充電器的位置，當然大家就唔好放「好大舊」的充電器，一般 5000mAh 的充電器就已經足夠。這個設計的好處，就是擺放平板電腦和電話後，都可以照常充電，亦不會外露任何充電線。在中間大家可以可以放枝筆或者好似 Apple Pencil 的觸控筆，更有小格方便擺放耳機或 USB 線小東西。
▲可以同時放得落 iPad、電話同充電器，不過平板電腦就唔可以用套喇，會因為太厚「塞」唔落。
相關文章:
iPad 變身 Mac mini 隨身熒幕 活用 Apple Sidecar 功能毋須額外硬件全免費 iOS 18.4 全新 AI 功能曝光 Siri 智能提升、支援更多語言 善用 iOS18 家長監控功能 防小朋友沉迷打機、交損友、亂課金下載
出 Trip 旅行都啱用
如果大家認為 KNOMAD AIR 只適合平時出街用就錯喇，因為在設計時還考慮到大家出 Trip 去旅行時的需要。當大家搭飛機，都盡量希望隨身物品越少越好，方便自己過關又可以在飛機上坐得更舒服。大家除了可以將智能物品放入去之外，好多時外出都未必會帶好多張信用卡，KNOMAD AIR 就有專用位置，足夠大家放 1 – 2 張信用卡或者卡片，當然亦已有位置可以擺放 Passport 或者機票。另外，仲有一個細小的袋仔，就是方便大家去旅行時，可以擺放備用的記憶卡。
▲至於另一邊就可以放埋護照、耳機、信用卡同埋卡片，放卡片的話，每一格大約可以放到 8 張卡片。
▲如果同時放 iPad Air、iPhone 6s、充電器、耳機、USB 線、信用卡、卡片、護照等基本出 Trip 會隨身攜帶的物品，總重量大約 1.4kg，都唔算重。
連個袋都可以登記
無論用任何電子產品，都會上網註冊，先可以得到各種售後服務。大家只要登入 KNOMO 網站，利用獨一無二的 ID，就可以即時為 KNOMAD AIR 註冊，就算是一個袋都可變成專屬的私人物品。顏色方面，現時會有真皮版和普通版，真皮版分別會有粉紅同空軍藍兩種顏色，至於普通版則是黑色。真皮版手感當然會比普通版好，上手會更柔軟，但用的時候就要多加注意愛護，始終皮革物料會較容易污糟，亦會較易刮花。
▲這個獨一無二的 ID，可以即時為 KNOMAD AIR 註冊，變成專屬的私人物品。
▲真皮版的粉紅色看起來像普通clutch一樣，女仔拎出街夠晒 SHARP。
▲黑色帆布普通版價格更相宜而且比皮版襟用，點拎出街都唔怕花唔心痛！
▲KNOMO 這個品牌還有推出其他不同類型的手提袋於不同場合使用，如(左至右)皮製可充電手提包、 14吋手提包、15吋行李箱 、14吋背包等等。
售價：$1,280（真皮版）/$880（普通版）
查詢：Signeo Design（34032880）
詳情：點按此
相關文章:
iPad 變身 Mac mini 隨身熒幕 活用 Apple Sidecar 功能毋須額外硬件全免費 iOS 18.4 全新 AI 功能曝光 Siri 智能提升、支援更多語言 善用 iOS18 家長監控功能 防小朋友沉迷打機、交損友、亂課金下載
分享到 :
最新影片
