自二月的 MWC 起，到之前同事天恩到日本直擊，我們已先後多次為大家報導 Sony 的最新 Xperia 手機系列 Xperia X 的表現如何。今日 Sony 就正式在香港開賣這個全新系列手機，而且售價最平只係 2,500 有找，超抵！想知全系列各機幾錢同埋幾時開賣就要睇內文啦！
今次 Sony 推出這個 Xperia X 系列手機，成員包括：最低階的 Xperia XA、中價機款 Xperia X、以及旗艦機款 Xperia X Performance（下簡稱：XP）。規格方面自然亦有分別：首先處理器方面，XA、X 及 XP 分別採用 MTK Helio P10 八核心處理器、Qualcomm Snapdragon 650 六核心處理器及 Qualcomm Snapdragon 820 四核心處理器；RAM 方面，XA 就內置 2GB，而 X 及 XP 就內置 3GB；熒幕方面 3 部機款均為 5 吋，但 XA 就只有 720p Mobile BRAVIA Engine 2 熒幕，而 X 及 XP 就採用 1080p TRILUMINOUS Display for mobile 熒幕；內置儲存方面，XA 就內建 16GB，而 X 及 XP 就設有 64GB 容量選擇，而且 3 部機均支援插卡擴充儲存空間；相機方面，XA 內建了 1,300 萬像素主鏡頭及 800 萬像素前置鏡頭，而 X 及 XP 就內建了 2,300 萬像素主鏡頭及 1,300 萬像素前置鏡頭。另外值得一提的是，一向 Sony 引以為傲的 IP68 防水防塵功能，就只有旗艦的 XP 才有，其他兩部是沒有的。至於音質方面，亦只有 X 及 XP 支援 Hi-Res Audio。而指紋辨識功能方面，亦同樣只有 X 及 XP 的開關鍵才能做到。最後機身設計方面，XA 雖只採用塑膠機背但就獨家有超窄邊框設計，X 就採用淨色無花紋金屬機背，而 XP 就內用有拉絲紋的金屬機背。
▲旗艦 XP 機背有拉絲紋設計，規格又勁，又有指紋辨識，對於追求效能的用家來講自然吸引啦。
▲但入門版本的 XA 有獨家超窄邊框設計，售價又夠平，都好令人心動哦！
亦因如此，售價 3 機自然有所不同：Xperia XA 售價為 $2,498，Xperia X 售價為 $4,698，而 Xperia XP 售價則為 $5,598，3 個機款均設有 X-White（白色）、X-Black（黑色）、X-Lime（檸檬黃色）及 X-Rose（玫瑰粉紅）4 色選擇，而且都會在 6 月 2 日至 16 日接受預訂，估計應會在 17 日正式發售，唔知大家對哪部機又有興趣呢？如果大家未揀定，不妨 <點按此> 瀏覽早前天恩在日本為大家的詳盡測試！
當然，如果大家想自己試真啲，來緊星期日下午我們都與 Sony 合辦了 Xperia X 試玩 Party，大家可以同 Kiki Tam 一齊試玩呢部最新潮機，試過先決定都未遲呀！有興趣參加的 wire 民，我們尚餘少量名額，想報名就快啲 <點按此> 參加啦！
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 新 X 用戶等 3 個月才可發文 兩國試新制度打擊 AI 假帳戶 外媒證實 PS5 Pro 傳聞 預料或在今年年底推出
分享到 :
最新影片
