父親節話咁快就到，作為子女嘅 wire 民們諗好送咩俾爸爸未呢？今時今日，大家應該唔會再送恤衫、皮帶或者錶呢啲禮物，其實好多父親都好跟得上潮流，唔少都會上 Facebook、同仔女 WhatsApp、上網睇片甚至打麻雀。當然，他們對流動裝置的要求與年輕的 wire 民們會有不同，實用性才是一切，反而效能或款式並非他們主要考慮因素。
用足一日都唔怕無電
今時今日，好多旗艦機都只著重效能或者鏡頭，但就忽略了最基本的原則 – 續航力。如果部機真係勁到「識飛」，但用幾個鐘就要叉電，咁對於好多人來說其實都是不切實際，尤其是對於較年長的用家，好多時都未必會隨身攜帶「尿袋」，萬一無電就等於得物無所用。ASUS Zenfone Max 就配備 5000mAh 特大電池，比iPhone 6s Plus 多 2 倍有多，試過睇片打機大半日都仲有一半電，如果一般正常使用的話，2 / 3 日都可以完全唔洗叉電，除了有超長氣續航力之外，它更擁有逆向充電功能，亦即是可以當作「尿袋」咁用，可以為其他流動裝置充電、駁 USB 燈甚至是「廢青扇」都得，真正一機多用。
▲一般咁用 2~3 日唔叉電都絕對無問題，就算打機睇片都可以玩到成日，完全唔洗帶「尿袋」出街。
▲支援 OTG 反向充電模式，而且仲有 1.5A 輸出，比好多平價「尿袋」嘅輸出都仲要勁。
▲天氣咁熱「廢青扇」又點會喺年青人專用，Zenfone Max 就連「廢青扇」都一樣推得郁。
睇片夠順唔會窒下窒下
手提電話現時的用途，已經唔止溝通咁簡單，就算大家出街，都會可以見到唔少長輩都會用到流動裝置睇片甚至是打機。雖然年長用家未必會玩好刺激或畫面好靚的 3D 遊戲，ZenFone Max高配版都用咗 Qualcomm Snapdragon 615 八核心處理器，加埋有 3GB RAM，試過玩捉魚 Game 呢類同時有大量物件出現的遊戲都相當順，加上熒幕夠大唔會「篤」錯，睇片嘅話一般 YouTube 或者 ViuTV 串流電視節都絕對無問題。
▲唔少老友記都鍾意打呢啲捉魚 Game 或者打麻雀，Zenfone Max 玩落都好順，而且個 Mon 夠大好好篤。
相關文章:
【評測】ASUS ZenBook S 14 OLED 開箱評測 獨特設計美觀手感佳 + 整體表現中上 【評測】ROG Phone 9 Pro Edition 開箱評測 打機感覺像出「cheat」 【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色
放大字粒老花都唔怕
年長用家好多時都會有「老花」問題，好多時電話入面的字都睇唔清楚，如果沒有配戴眼鏡的習慣，好多時連打電話都會打錯。Zenfone Max 就內建一個「簡易模式」，可以即時將介面的字體同 Icons 放大，但就不是所有程式內的字體都會變大，好似電話的按鈕就變得更大。除此之外，開啟「簡易模式」後，設定內預設只會顯示較常用的選項，例如 Wi-Fi、藍牙、顯示同音效等，可減少誤按的機會。
▲簡易模式除咗會將介面的字體變大之外，就連設定頁面都會進行簡化，減少誤按出現問題嘅機會。
▲開咗「簡易模式」之後，介面變得更易睇，打電話的數字鍵盤字體亦有變大，但並非所有 Apps 都支援。
5.5”夠大又好拎
好多年輕 wire 民，好多時都已經習慣機不離手，無論行街、等人定搭車，都會玩電話，所以唔少人都會選擇可以單手操控的大小。相反，年長用家就會坐定定先用電話，所以 Zenfone Max 的 5.5” 熒幕就十分適合，熒幕夠大睇得舒服，亦可減少用細機容易「甩手」。用 Zenfone Max 就算意外「甩手」都唔驚，因為熒幕表面加上第 4 代康寧玻璃作保護，亦可以減少熒幕被刮花。
▲機背的仿皮革物料設計，拎上手唔會咁「膠」又唔會好似金屬咁冷冰冰。
▲雖然用到 5.5″ 熒幕，但拎上手都唔會覺得大部，配合埋個單手模式，就算搭車單手用都算就手。
雙卡雙待返大陸最方便
唔少 wire 民的父母都一早已經退休，佢哋好多時都同朋友返大陸玩幾日甚至出國旅行，Zenfone Max 就同時是一部雙卡機，仲可以雙卡雙待，要同國內的親戚朋友聯絡就十分方便，出去旅行亦都無需每次都要換卡咁麻煩。另外，他們亦都未必會經常備份電話內的相片或影片，部機原生就有 32GB，但可透過插 microSD 卡額外擴充最多 64GB，對於各位為人子女的 wire 民來說絕對是個好消息。
▲雙卡雙待可以話方便唔少經常要返大陸或出國旅行的用家，減少經常要換卡的不便，仲可以透過 microSD 額外增加最多 64GB。
售價：$1,799 (3GB Ram/32GB Rom 高配版)
查詢：ASUS（3582 4770）
詳情：點按此
相關文章:
【評測】ASUS ZenBook S 14 OLED 開箱評測 獨特設計美觀手感佳 + 整體表現中上 【評測】ROG Phone 9 Pro Edition 開箱評測 打機感覺像出「cheat」 【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色
分享到 :
最新影片
