一如大家預期，在今次 WWDC 2016 大會上，Apple 正式將 OSX 改名做 macOS，而第一個版本將會叫做 macOS Seirra，在全新 macOS 入面，更同時加入或更新 10 大新功能，以下就為各位 wire 民總結一下。
1. 結合 Apple Watch 自動登入不用輸入密碼
相信為咗保護電腦入面各種「珍藏」，各位都會為電腦加入密碼保護，而為咗令到密碼更加安全，好多時個密碼都會又長又難記，就算自己都可能要入好多次先得。macOS Seirra 就加入自動解鎖功能，只要各位 wire 民同時有 Apple Watch（即係迫大家又買多隻 Apple Watch），只要靠近 Mac 就會自動解鎖，完全無需再人手輸入密碼！
2. iOS / macOS 跨平台 Copy & Paste
好多時大家為咗方便，尤其在屋企的時候，上網都會用 iPhone，但當睇到有趣或實用的資料需要進一步處理或做記錄，以往就可能要先將個網址做 Bookmark 或者將條 Link 複製，再於 Mac 機開啟。全新的 Universal Clipboard 功能，就可以讓大家直接喺 iPhone 上面進行 Copy，再係最接近的 macOS 上按 Paste，就可以將畫面或資料複製，當然逆向操作都一樣得。
相關文章:
【教學】macOS 外置 SSD 做開機磁碟 幫 Mac mini 升級 SSD 儲存節省 75% 開支 【教學】macOS Sequoia 15.1 外接硬碟裝 App 釋放更多內部儲存空間 【評測】Mac mini M4 2024：進階用家最應該買的 Apple 電腦 效能、日常應用詳細評測分析
3. iCloud 連 Desktop / 文件夾雲端同步
各位 wire 民如果是忠實的果粉，就一定會有多種 Apple 產品，而當中 iCloud Drive 就作出加強，現時所有在 macOS 桌面上的 Icons、檔案夾內的文件都可以直接同步至 iPhone 並作出控制。
4. 容量壓縮 低容量版本救星
部機用得越耐就自然會儲存落好多資料或垃圾，就好似瀏覽網頁的 Cache 等等，好多時不知不覺間就會出現空間不足的情況，尤其是大家仲用緊 128GB 或者更少容量的 MacBook，要增加容量可以選擇買新機或者用外置 HDD。macOS Seirra 就加入了資料壓縮功能，主要就是將甚少用的檔案或者相片等放上 iCloud（要慳位唔該乖乖俾錢升級 iCloud 空間），當重新要用先 Download（上唔到網又點算？）。另外就是將程式安裝檔、重複檔案或者 Cache 等直接刪除，而垃圾筒內的檔案 30 日後亦會自動刪除！
5. Web 版 Apple Pay 快將登陸香港
Apple Pay 呢個功能唔少 wire 民都已經等咗好耐，不過大家唔需要再等好耐，香港都快將正式支援，除咗一般的 Apple Pay 功能之外，配合全新 macOS Sierra，更會有 Apple Pay on the web，方便大家日後網購、買戲飛以至其他付款服務，可以用 iPhone 的指紋或 Apple Watch 按一下即可完成付款，無需再輸入一大串資料。
6. 所有 Apps 都支援 TAB 功能
macOS Seirra 終於強化了當中的 TAB 功能，現時所有 Apps 都可以作出支援，而且無需要作出特別的修改，即係話唔洗先等程式更新先可以支援，就算是舊 Apps 都一樣用得到。
相關文章:
【教學】macOS 外置 SSD 做開機磁碟 幫 Mac mini 升級 SSD 儲存節省 75% 開支 【教學】macOS Sequoia 15.1 外接硬碟裝 App 釋放更多內部儲存空間 【評測】Mac mini M4 2024：進階用家最應該買的 Apple 電腦 效能、日常應用詳細評測分析
7. 加入影片畫中畫功能
畫中畫呢個功能其實都唔算得上好特別，macOS Seirra 終於都作出支援，當大家睇 YouTube 呢類影片的時候，只要按一下就可以將影片視獨立分割出來，可以隨意拉動或改變大小，同一時間可以繼續進行各種的工作，例如瀏覽網頁或文書處理等等，體驗相信同現時 iPad 上的一樣。
8. Siri 走入 macOS
如果要講 macOS Seirra 的最大新功能，就必定是 Siri 終於都加入 macOS 家庭，正式同 Cortana 開戰，當中做到的功能其實同現時在 iOS Device 上面所做到差不多，但始終用得 macOS Sierra 部機的硬件一般都更強，所以整個反應速度相信會更快，更可以完全取代鍵盤直接進行操控，並且可以直接用來搜尋 macOS 入面的各種檔案或資料，再將好似圖片直接拉入文件之中，甚至是傳送訊息。
9. 學 Facebook 玩 Moments
近日唔少人都不滿 Facebook 強制安裝 Moments 呢個 App，但如果 macOS Seirra 都有個類似功能又 Buy 唔 Buy 呢？雖然呢個強化版 Photos 並非今次 WWDC 大會的重點，但新版本的 Photos 就加強了相片中的面部識別功能，仲可以根據相片的拍攝地點同時間作出分類，方便大家回憶咁話！
10. Messages 可以 Send 大 Emoji
Emoji 已經成為溝通的重要一環，好多時都會直接用 Emoji 取代文字，現在大家仲可以在對話之中，加入大頭版 Emoji、直接播放影片或者預覽網頁。
相關文章:
【教學】macOS 外置 SSD 做開機磁碟 幫 Mac mini 升級 SSD 儲存節省 75% 開支 【教學】macOS Sequoia 15.1 外接硬碟裝 App 釋放更多內部儲存空間 【評測】Mac mini M4 2024：進階用家最應該買的 Apple 電腦 效能、日常應用詳細評測分析
分享到 :
最新影片
