家電除咗要實用，有時都係一種生活態度。唔知用呢個意大利美學廚房家電第一大品牌 SMEG 的不鏽鋼電熱水壺煲出嚟的水係咪會特別好飲呢？最近就有同事買咗個啦！
耐看的復古造型
今次介紹的水壺並唔係普通水壺咁簡單，而係索價千元以上的電熱水壺。佢之所以值呢一個價錢，係因為呢個水壺的外型同設計，細節總會令人有折服於佢的感覺。不鏽鋼粉色機身，線條復古又俐落，襯上 Tiffany blue 的色調唯美浪漫，就是一個愈看愈漂亮的藝術品。除咗外觀，呢個水壺亦非常實用，1.7公升的容量夠倒 5 – 6 杯水，唔會多到飲唔晒要翻煲。而按壓壺蓋上的按鈕，蓋子會緩緩彈開，打開的時候，唔怕蓋面的蒸汽水會彈出嚟。如果想直接用嚟沖茶，出水口附有一個可拆可洗的不鏽鋼濾網片，將茶葉而隔走，非常方便。至於最關心的安全問題，水壺會係水 100 度同無水的時候自動關閉，唔駛擔心會燒燶個壺了。
▲ 從側面睇，出水口係咪成個企鵝嘴咁呢？
▲ SMEG 的品牌字樣簡單唔花式。
▲ 水量顯示板係壺柄下，玻璃刻度可以看到入水量是多少。
▲ 除咗側面似企鵝，手柄下的圓頭按鍵都好可愛，只要按下呢粒波，就會開始煲水。
▲ 雖然外型設計上好復古，不過功能上唔會差過新款的水壺。漸進式安全壺蓋就唔怕打開蓋時，蒸汽水四圍飛。
▲可拆式的不鏽鋼水垢濾網片可以隔走水垢同茶葉。
▲ 底座不但四隻腳都有塑膠墊片，唔怕括花檯面之外，可以防滑，而底座的高度設有收納電線的凹槽，使用時只要露出適當長度電線即可，保持廚房整齊。
▲ 雖然係就係好靚，不過就用晒 D 錢買個壺，唯有用住膠杯裝水啦！
相關影片:
分享到 :
最新影片
