今日是 Apple Pay 在香港正式推出的大日子，各位精明的 wire 民，相信最關心的肯定是現在登記及使用 Apple Pay 有什麼優惠吧？筆者一大早起床就為大家搜羅了首批 6 大銀行有關 Apple Pay 的優惠，現在就為大家簡單講講啦！
HSBC 即拿最多 $10 coupon
HSBC 信用卡如果在 7 仔、萬寧、美心 MX、美心西餅及 Pacific Coffee 以 Apple Pay 付款，均享有 3 蚊至 5 蚊不等的即時折扣，或即拿 10 蚊現金優惠券（暫時只限萬寧），而且以 Apple Pay 去任何支援的商戶作 $30 的單一交易 3 次，就可享額外 $10「獎賞錢」。雖然睇落呢個優惠唔多，但勝在夠「平民化」，而且拿的次數不限，每次拿少少，密密食都幾和味。
讀者呂海威的「聰明」玩法 :
即：買$100一件貨，用HSBC信用卡經Apple Pay畀就$97；三件貨共$100，如每件過$30分三次，分3次畀就可能$27*3咁
恆生加卡即拿 20 蚊 Cash Dollars
至於恆生銀行，最 so 的是唔洗買任何嘢，只要在 7 月 26 日前加信用卡入 Apple Pay 賬戶內，已可即拿 20 蚊 Cash Dollars。另外今日至 9 月 30 日，以恆生信用卡在指定商戶以 Apple Pay 付款，每滿 $500 就可獲額外 50 蚊 Cash Dollars，之後用 Cash Dollars 當錢洗，一樣都 so！不過記住後面個優惠要打電話上 hotline 登記後先可以享受到，而且單一交易如果超過 $500，都是以 $500 計算，即是大家即使消費 $1,000，都只會計作 $500 消費，從而拿到 50 蚊 Cash Dollars 而已。
中銀首 5 次付款有機獲 10 倍積分
至於中銀，即日起至 9 月 30 日，首 5 次以 Apple Pay 作任何消費，都有機會獲得 10 信簽賬積分獎賞，不過要留意此優惠只適用於首 30,000 名合資格的客戶，即係「手快有手慢無」，而且每名客戶最多只可獲得 18,000 簽賬積分，似乎唔算太 so。但好彩由即日起至 8 月 31 日，去百佳旗下指定超市單一簽賬滿 $500 可即獲 50 元百佳現金券，而在五、六、日及公眾假期於香港全線屈臣氏單一簽賬滿 $500，可享總值 HK$100 的屈臣氏現金券，而上述兩項優惠如以 Apple Pay 付款更可額外獲得 $10 百佳 / 屈臣氏現金券。睇落 OK 但相比 HSBC 及恆生，似千乎真係削咗少少……
渣打享 25% 現金回贈
至於渣打銀行，係銀行官方網頁睇落就好少嘢，其實只要將渣打信用卡加落 Apple Pay 度，再以 Apple Pay 在支援的商戶消費，就可有 25% 現金回贈，雖然都係無 HSBC 同埋恆生咁筍，但已經比中銀好好多了，不過記住要 <點按此> 在官網先登記先可以享有這優惠哦，而且每位客戶回贈上限為 $150，唔算多但可接受。
DBS 回贈最多一半筍爆（睇落…）
至於 DBS 星展銀行的信用卡，只要在 8 月 19 日將相關信用卡加入至 Apple Pay 賬戶侑，並在百佳旗下的超市或食肆消費，最多可以回贈 50%！睇落似乎好筍，不過留意每位賬戶持有人最多只可獲 $50 現金回贈，所以如果大家有多過一張星展信用卡係手，先可以拿盡最多回贈。此外，在其他支援以 Apple Pay 付款的商戶以 Apple Pay 俾錢，都可以享有 20% 回贈。
7 仔可飲免費咖啡（未證實）
除了一眾銀行外，路邊社消息得知 7-Eleven 便利店亦可能會推出 Apple Pay 優惠，只要在今日 3pm 至 4pm 以 Apple Pay 及已登記的 HSBC 信用卡付款，購物滿 $30，就可獲贈 Daily Cafe 泡沫咖啡優惠券一張，係咪可以免費飲咖啡定係有得平飲就未知。這項優惠，稍後我們會為大家證實一下，而且就算有，應該都只限有 Daily Cafe 的 7 仔先用到，比較細的 7 仔就應該無了，只有前文提及的 $3 即時折扣及 HSBC $10 獎賞錢回贈優惠。
（持續更新中…）
分享到 :
最新影片
