各位 wire 民每日放工返到屋企都可能已經 7 點幾 8 點，如果還要決定晚飯有時真的會相當頭痛，到最後可能只會出街食、外賣或只會準備簡單的菜式。另外，不少人在假日都會邀請朋友到家中舉行派對，當中總會準備一些較特別的食物，就算是經常入廚的wire 民，一時之間要準備多款食物都未必有 Idea，但睇傳統食譜除了相就只有文字描述，往往會錯過不少重要步驟，令到煮出來的食物未必能達應有水準。
放工仲要為兩餐諗爆頭 ？
「辛苦搵來自在食」相信是不少香港人的心聲，每天辛苦工作，放工後或者都會約埋三五知己外出食個晚飯，雖則在香港已經可以食到各國美食，但放假的時候，或者都會想在家中煮飯仔。家中入廚最怕不是沒有廚具，而是要花時間搵食譜，正所謂「不時不食」，究竟不同季節要煮那種菜色才合適，以往大家或者都會買各種食譜，至於現時在 YouTube 上都可以找到不少煮食教學短片，可惜大部份均以英文居多，對於各位 wire 民來說就未必能充份掌握到食材及做法。如果有一個以中文為介紹的煮食 App，咁大家就唔需要再諗到頭都爆。
超過 2,700 個原創食譜
DayDayCook（日日煮）這個 App 相信就可以為大家解決了不少煩惱，它內建已經有超過 2,700 個不同食譜，由普通的家庭小菜、街頭小食、西餐、湯水、甜品、健康菜單都一應俱全，而且所有食諎都以圖片為主，可以啟發大家的煮食靈感，例如當看到中式炒牛柳食譜，或者會即時啟發到以牛肉作為主要食材的料理，現時個 App 在食譜分類上就略為分散，如果日後加入分類選單的話，在搜尋食譜時就會更方便。
每日精選 天天新款
經過一整天的工作，或者大家未必會有心思在菜色設計之上，所以就算自家煮，來來去去或者都是「蒸水蛋」、「菜心炒牛肉」甚至煎午餐肉隨便解決晚餐。DayDayCook 就特設一個「每日精選」，就算每天跟著煮都可以有千變萬化，例如今天可以是「沙嗲洋蔥煎雞翼」，明天就可以是「紙包冬蔭香芧烏頭」，定必令大家的晚餐天天有新意。
專題美食介紹
DayDayCook 之中更有不少專題介紹，包括試食、飲食潮流以至旅行美食等等。例如，每年總有不少節日，都會相約三五知己甚至是一大班朋友到家中作客舉行派對，而每次大家為免麻煩，或者都會選擇到會服務，但每次不外乎是 Pizza、壽司等。DayDayCook 就會特設不同美食專題介紹，例如針對派對就會有一個「30 分鐘派對美食」輯，當中會列出多款只需短時間就可以完成的派對美食，再配合即時儲存功能，就可以預先選定多款派對小食，舉行派對只要在「我的收藏」中找到，又或者在留言區留言與其他用家交流入廚心得，甚至將食譜分享到 Facebook / WeChat 等社交網站，例如近日天氣炎熱，就可以將各種消暑湯水介紹給朋友。
專為 Apple 產品而設的電子食譜
若果單單只是圖文介紹的食譜 App 又有乜特別？DayDayCook 最特別之處，就是當中不少食譜更有短片介紹，由材料、準備、煮法到最後的上碟步驟都有，比起單靠圖文介紹更詳細，亦可避免遺留重要的製作步驟，各位 wire 民就算是入廚新手，只要跟住影片 Step by Step 都可以變做大廚，要煮出色香味俱全的食物話咁易。它更是一款專為 Apple 設備而訂製的 App，可以應用在 iPhone、iPad、Apple Watch 和 Apple TV 上。
影片播放時更可以透過 AirDrop 方式串流至 AppleTV，在電視上邊看邊煮，就比起看電話個 5” 熒幕更清楚，而且 App 更會根據大家使用的網絡速度而切換至最合適的解像度。網速較慢會以 480P 播放，其實在家中播放的話，只要連接至 Wi-Fi 就有最高 1080P 畫質。如果 wire 民有 Apple Watch 的話，就更加可以用到 Handoff 進行播放控制。
DayDayCook下載鏈結： iOS
辛尼評論：唔洗再煩諗煮咩
除非各位 wire 民屋企都有一個廿四孝亞媽，否則每日放工要諗晚餐的菜色都確實幾令人頭痛。DayDayCook 這個 App 就相當方便，每日都有不同的菜色推介，而且材料及煮法簡單，就算要舉行派對都有多種不同的小食推介。還有大量不同的食譜，可以俾到各位 wire 民更多煮食靈感，影片更會按照網速而自行調整像素，咁出街用 iPhone / iPad 搵定食譜都唔怕會用好多數據。
