每年去到十一月底，極多美國人都超級瘋狂，因為這是感恩節的日子，而瘋狂並非節日關係，而是不少商店都會趁這一日舉行 Black Friday 瘋狂大平賣，產品隨時是平時售價的六、七折、甚至超過半價！可能大家會問：咁關香港人咩事？其實嘛，在廿一世紀，可以上網，即使身處香港的 wire 民們，同樣可以參予這個一年一度的瘋狂「濕平」盛事！究竟港人參予 Black Friday 有什麼要注意？可以點運番來香港？有咩平貨可以執？而家就等 Edward 同大家慢慢講啦。
小知識：什麼是 Black Friday？
對香港人來說「Black Friday」可能是不詳的意思（13 日星期五），但對美國人來說這是他們感恩節後的購物黃金檔期，跟中國近年興起的「光棍節」有點相似（或者可以說光棍節是向 Black Friday 致敬？LoL）。這個時間商店或網上商店都會提供大量折扣貨品，很多人都會排隊爭住搶購特價產品。至於「CyberMonday」是從網上商店而來，跟「Black Friday」一樣它會提供大量折扣優惠，而日子會是感恩節後的首個星期一。
美國感恩港人都玩得
很多人都以為「Black Friday」只是美國人的專利，其實大家可從 Amazon 等網上商店搜尋到「Black Friday」的優惠，但要留意先決條件並非價錢，是有關商店或產品會否提供代運或限制美國地址 / IP 地址，不然價錢再平你都無法取貨呢！如果大家有興建可按以下連結瀏覽優惠商店。
商店來源可＜按此＞瀏覽
相關文章:
Black Friday 網購額達 744 億美元 比去年上升 5% 全球 Amazon 員工發起罷工 適逢 Black Friday 冀給予公司壓力改善待遇
點寄番香港？
當你選好心水產品後，最重要的步驟當然是運到府上，從網上大家可以找到 comGateway、Hopshopgo、 us-ex 等代運公司，貨品會經由它們轉運到香港甚至府上。價錢方面，它們會以 0.5 kg 或每磅起計算，價錢由 US$2.5 到 US$20.75 不等，視乎代運時間及其後重量而定，若以 1kg 為例 comGateway 及 Hopshopgo 都需要 US$24，而 us-ex（送上門） 就需要 US$14，價錢上都以 us-ex 較平，如果大家不介意到貨倉自攜的話，us-ex 還有自提服務可選擇，價錢會比送上門更便宜。
另外要一提大家的是，之前曾經有傳 comGateway 的被盜用信用卡的情況，如果大家選擇了這間公司的服務，就要自行承擔風險了。
▲ us-ex 收費以每磅計算，首磅為 US$10，其後每磅加 US$4。
▲ us-ex 另有自行提貨服務，首磅為 US$2.5，其後每磅加 US$2.5，價錢比送貨上門便宜很多！
▲ comGateway 收費為 US$20.75 首 0.5kg 起，其後每 0.5kg 加 US$3.25。他們另有特快郵寄服務，會快大約 2 至 4 日左右（上圖左行），但會貴少少，如果大家唔心急大可等平郵。
▲ Hopshopgo 的收費為 US$20.75 首 0.5kg 起，其後每 0.5kg 加 US$3.25。與 comGateway 一樣也有快遞服務，同樣價格會貴少少。
必買筍貨 + 購買傳送門
「Black Friday」其實嚴格來說什麼都有特別，除了日用品、家電、服裝、化妝品、手袋等等之外，數碼產品也不例外，其中包括有：電子書閱讀器、手提電腦、手機等。以下就讓筆者嚴選最抵買的數碼產品筍貨，讓大家可以考慮一下吧。
1) Kindle E-reader (2016)
如果講起電子書閱讀器，相信大家都會立即想起 Amazon 推出的 Kindle，他們今年都有推出新機版本，內置 4GB 容量及 6 吋熒幕，香港要買水貨都要 7 舊水左右，但而家在 Amazon Black Friday 特賣，只需要 US$49.99（約 HK$390），比原價 US$79.99 平成 38%，而比香港水貨價都平接近一半！相信就算計埋運費，都抵過係香港買水貨。但呢個版本，首先大家要忍到 screensaver 會出現不同的促銷信息，如果想眼不見為乾淨，都有「Without Special Offers」版本，售價為 US$69.99（約 HK$546），比原價 US$99.99 都平 30%，亦仍然比香港買水貨平。喜歡睇書但又唔想買實體書的 wire 民，入手係時候了！
原價：US$79.99（有廣告）；US$99.99（無廣告）
特價：US$49.99（有廣告）；US$69.99（無廣告）
折扣：最多六二折
抵買度：*****（五 * 為最高）
傳送門 <請按此>
2) Samsung UBD-K8500 4K Ultra HD 藍光播放器
其實之前 Edward 的同事艾域都有介紹過唔同品牌的 4K UHD 藍光播放器，不過就一律都無行貨，要上網買之餘，單機價都要成 3k 左右。今次美國 Samsung 就趁感恩節推出這部 UBD-K8500 4K UHD 藍光播放器的優惠，原價 US$499.99（約 HK$3,900）的它，而家只需要 US$199.99（約 HK$1,560），唔洗 2k 已經買得到，足足係原價四折！唔知呢個價位，大家又會否心動呢？
原價：US$499.99
特價：US$199.99
折扣：四折
抵買度：*****（五 * 為最高）
傳送門 <請按此>
3) Samsung Gear S3 Classic / Frontier
Samsung 在之前德國的 IFA 大展中，推出了最新版本的 Gear S 系智能手錶：Gear S3，而且設有兩個版本：Classic 及 Frontier。香港就暫時未有聲氣何時推出行貨，但那邊箱美國 Samsung 的感恩節特價都有呢隻錶份，而且 Classic 同 Frontier 兩款錶都有優惠！原價兩者均為 US$349.99（約 HK$2,730），而家勁劈 US$50，只需要 US$299.99（約 HK$2,340）就買到，足足是八六折。雖然唔算好多，但而家買隨時仲快過行貨推出，早買早享受仲要可以平幾舊，唔知到香港行貨推出時，會唔會以今次優惠價位作「參考」呢？
原價：US$349.99
特價：US$299.99
折扣：八六折
抵買度：***（五 * 為最高）
Gear S3 Classic 傳送門 <請按此>
Gear S3 Frontier 傳送門 <請按此>
4) Moto Z + 哈蘇機背模組
之前 Motorola 的香港代理已將 Moto Z 這部最輕薄 Android 手機帶到香港，而且還可以大玩模組設計，確實過癮。不過筆者覺得最吸引的 Hasselblad 攝影模組加上淨機，一齊買要成 $8,398，認真「喇利」。不過 Motorola 美國就正進行感恩節特價，如果同時入手 Moto Z 及 Hasselblad True Zoom 模組或 Moto Insta-Share 投影機模組，都有優惠！不過筆者之前的評測都分享過，如果前面兩個模組二揀一，一定係揀「哈蘇」個隻。今次優惠，一手機一模組夾埋只係 US$749.98（約 HK$5,850），比起原價 US$999.98（約 HK$7,800）足足仲要平 US$250！其實美國的 Moto Z 本身都平過香港定價，加埋今次優惠，唔買就真係走寶囉！提提大家，在購買時大家會見到 Review 一頁仍然是未折扣價格，但只要按下「Buy」進入購物籃，就會見到優惠了。
另外，大家在購買頁可以見到有兩個版本，分別是 AT&T / T-Mobile & more 的 Moto Z + Hassel;blad True Zoom 版本，以及 Only on Verizon 的 Moto Z Droid + Hasselblad True Zoom 版本，後者仲要更平，只係 US$673.99（約 HK$5,257），不過 Verizon 的網絡在香港未必用到全部 4G 功能，所以筆者還是建議大家俾貴少少，入手支援 GSM 網絡的 Moto Z 版本會較好。
原價：US$999.98
特價：US$749.98
折扣：七五折
抵買度：****（五 * 為最高）
傳送門 <請按此>
5) Dell Alienware 15
要打機，相信唔少人都仍然會揀 Desktop PC，但其實今日有些手提電腦的規格，已經足夠打機，甚至用來玩 VR 遊戲都夠力有餘！好似 Dell 旗下的 Alienware 系列就是一例，當中 15 吋機款唔止有 NVIDIA GeForce GTX 1070 8GB DRAM 獨顯，而且 CPU 都有 Core i7 級數。Dell 美國官網亦有做 Black Friday 優惠，而家只需要 US$1,699.99（約 HK$13,260）就可入手，比原價 US$2,118.99（約 HK$16,528）相比，足足是八折左右，算是不錯的折扣。不過要留意的是，香港亦有此機的行貨，而且配備了 16GB RAM，但香港的版本售價，特價了都要 $15,999，而美國 Dell 官網的版本，雖然只有 8GB RAM，但即使加 US$150（約 HK$1,170）加到去 16GB RAM，都仍是 HK$14,430 左右，而且 RAM 的速度更快（香港版為 DDR4 2133MHz，而美國版加後為 DDR4 2667MHz）。所以即使計埋運費，都仍然比較抵。
原價：US$2,118.99
特價：US$1,699.99
折扣：八折
抵買度：***（五 * 為最高）
傳送門 <請按此>
6) Google Home
之前 Google 就推出了智能家居助理 Google Home，內置了 Google Assistant 功能，可令大家以語音操控各項指令，令它變成智能家居的核心，甚至問它資料都可以即時上網並以語音回覆大家，超級方便！可惜這件產品暫時仍未在香港推出行貨（可能是與 Google Assistant 仍未在香港推出有關吧）。但如果大家想玩，美國 Best Buy 就有提供這件新產品的 Black Friday 優惠，原價 US$129（約 HK$1,006）的 Google Home，而家只需要 US$99（約 HK$772）就買得到，仲要送 YouTube Red 六個月試用，足足是原價的七七折，以新產品來講算係抵玩！不過大家要留意，設定時估計它只支援英文語音，另外在香港可以用到的功能亦不多（大概應與 Pixel 手機中的 Google Assistant 所用到的功能差不多）。係咪而家入手？大家自行決定了。另外，現時可能仍未到 Black Friday，所以點按入連結仍然是展示原價，相信要到星期五，售價才會轉變。
原價：US$129
特價：US$99
折扣：七七折
抵買度：****（五 * 為最高）
傳送門 <請按此>
持續更新中……
相關文章:
Black Friday 網購額達 744 億美元 比去年上升 5% 全球 Amazon 員工發起罷工 適逢 Black Friday 冀給予公司壓力改善待遇
分享到 :
最新影片
