相信對電話品牌有一定認知的 wire 民，唔少聽到 Nokia 這個品牌都會有一種不其然的「感動」，什麼「擋子彈」、「3 樓跌落街無穿無爛」呢種神話真係聽唔少又見唔少，但可惜之前投靠了 Microsoft 陣營推出 Windows 電話，令整個品牌終歸於沉寂。幸好有一班人組成了新公司，令 Nokia 電話「起死回生」，並最近推出了第一部「王者回歸」機款 Nokia 6！一回歸唔係打旗艦，而係走入門路線，究竟用落會唔會好膠？好窒？而家就等筆者同大家試清楚！
2/27 更新 : 香港有行貨
3月期間於香港各大csl. ，1O1O，百老滙，豐澤及衛訊門市分店將正式發售啞黑色Nokia 6。Nokia 6將於2017年第二季度在亞太區，印度，中東，
相關文章:
【評測】HMD Global Skyline 開箱評測 機身設計吸睛 中國智能手機系統報告 華為鴻蒙蠶食 Android 市佔率 Qualcomm 設業界新標準 Snapdragon 8 Elite 將支援 8 年 Android 更新
入門機玩金屬手感確實不錯
近年唔少入門機都開始採用金屬外殼來加強手感，今次 Nokia 推出的 6 亦都一樣，它採用了封閉式機身設計，機邊及機背均用上了鋁合金物料製造，感覺十分紮實，甚至之前有網民講可以用機背開核桃（是否真？筆者畢竟手中的是水貨機，就不敢試了……），如果屬實的話睇來可以延續 Nokia「機身硬淨」的神話喎 ！機身用上了 5.5 吋熒幕，邊框亦不算特別幼，所以單手操控只是勉強做到，而且如果握得太緊機身，機背邊位由於比較 sharp cut，所以虎口位會覺得有少少界手，不過整體來講都算不錯，最少作為入門機，睇起來摸上手唔會覺得好 cheap，已經足夠。
▲Nokia 6 整部機都是採用一體成形鋁金屬物料製造，在入門機中算是比較少有。
▲金屬手感確實不錯，筆者最 like 是它的 Nokia logo 是暗刻在機背上，十分低調，不會一個明顯的 logo 破壞了機背設計。
▲講起 logo，其實機身正面右上角的玻璃位都有一個 Nokia logo，不過同樣是感覺很低調。
▲由於是一體成形機身，所以機側也是採用金屬設計。
▲不過機背邊位都比較 sharp cut，所以都有少少界手，不宜緊握。
▲拿來同樣是採用金屬一體成形設計的 iPhone 7 Plus 比較，可見大家採用的金屬物料是有點不同的。
▲Nokia 6（左）機身都算十分薄，同樣是與 iPhone 7 Plus（右）比較，可見兩者差不多。
▲機身唯一的 3 個實體鍵：開關及音量鍵都位於機身右側。
▲機頂設有 3.5mm 耳機插孔，而機底就有 Micro USB 插槽及內置喇叭位。
▲返回、Home 鍵及程式切換鍵均是採用輕觸式設計，而 Home 鍵亦是指紋辨識器。
▲SIM 卡槽採用現時十分流行但筆者不太喜歡的 1+1 設計，即是雙卡雙待及以 microSD 記憶卡擴充儲存空間是不能並存的。
熒幕質素還好都算夠用
講完手感，先講熒幕吧，Nokia 6 採用了 5.5 吋 1080p 熒幕，官方表示材質為 IPS，不過筆者試過後覺得，雖然都叫做有 1080p，但熒幕質素只是「還好」，睇字是清晰的，但可視角度不算十分廣，從側面睇會有變色變暗情況，雖然未至於嚴重但對於高要求用家來講，可能會有點失望。但話又說回來：入門機，真的需要要求那麼高嗎？
▲Nokia 6 採用了 5.5 吋 1080p IPS 熒幕。
▲熒幕睇字是不錯的，最少是清晰。
▲不過可視角度就只屬一般。
另外，在設定中，Nokia 6 亦提供「藍光濾波器」功能，可以讓用家自設減少熒幕的藍光程度（即是令熒幕色溫變黃），這樣在全黑的環境下，就不用擔心因為睇熒幕顯示而傷眼了。
▲內置了藍光濾波器，可以令大家在暗的環境睇熒幕時不致太傷眼。
▲以上按次序分別是過濾了 0%、10%、30%、50% 及 70% 藍光，可見過濾愈多熒幕愈黃。
內置喇叭唔拆算不錯
講起熒幕就講埋喇叭啦，反正都屬於多媒體表現。Nokia 6 作為入門機，相信有些 wire 民都對它的喇叭不會有太高期望吧？事實上位於機底的 Nokia 6 內置喇叭，質素確實只屬一般，不過音量就夠哂響，即使在嘈雜環境下都可以清晰聽到，而且即使開到最大聲都唔覺拆，呢樣是值得一讚的。
相關文章:
【評測】HMD Global Skyline 開箱評測 機身設計吸睛 中國智能手機系統報告 華為鴻蒙蠶食 Android 市佔率 Qualcomm 設業界新標準 Snapdragon 8 Elite 將支援 8 年 Android 更新
鏡頭質素算唔錯！暗位背光表現較一般
至於鏡頭方面，Nokia 6 的主鏡頭為 1,600 萬像素，而前置鏡頭為 800 萬像素，比不少入門機的鏡頭像素會高一點點，不過相片質素當然不只是睇像素啦。筆者就試過拿 Nokia 6 影了一會相片，發覺在入門機來講，它的表現已是不錯，最少即使放大相片 100% 來「聞相」，但雜訊都唔算明顯，明顯抑制得算唔錯，甚至比起不少中階機更加好，這點是值得一讚的。當然，相片就算夠光，都會有少許「油畫化」情況，但一來不是放大相片的話油畫化是不明顯的，二來都係個句：入門機，要求太高似乎太過了吧？唯一是 Nokia 6 在影背光景或者暗位時，即使開啟了 HDR 模式，相片都仍然偏暗或者失去細節，效果只屬一般，但在夠光的環境下，筆者覺得是收貨了。
▲Nokia 6 的鏡頭，質素以入門機來講都唔算差了。
▲像素方面，主鏡頭拍照最高為 1,600 萬，而拍片就 1080p 全高清。
▲如果在日光環境下拍照，大家可以見到效果都算唔差，顏色自然之餘相片銳利度都幾高。
▲但如果在日光照射較差的地方，大家可以見到暗位表現比較差，基本上沒有了任何 detail。
▲如果是大背光，效果就更加差了。
▲拍人像相片方面，如果不放大睇其實都算不錯的，但放大 100% 來「聞相」就可以見到細節位都有少少鬆散。
▲近攝又如何？筆者只能說不過不失啦。
至於前置鏡頭方面，有 800 萬像素，功能就沒有特別，但用來 selfie 在入門機來講，效果都算不錯（最少在夠光的環境下），最少相片是「可用」吧？
▲至於前置鏡頭，質素就不過不失啦，同樣放大睇先見到細節位較鬆散，不過如果用來在社交平台分享都夠有突。另外要留意的是前置鏡頭影出來會有明顯偏藍情況。
▲至於像素方面，前置鏡頭拍照最高為 800 萬，而拍片就同樣是 1080p 全高清。
▲另外無論前置或主鏡頭都有美膚功能，啱哂女士啦！
介面頗似原生 Android！獨欠 Google 服務（是常識吧？）
至於介面，作為 Nokia 旗下第一部 Android 手機，相信大家都好想知它的介面好唔好用吧？Nokia 6 預載了 Android 7.0 Nougat 作業系統，已經比不少其他品牌的旗艦機款的作業系統還要新。而介面方面，就比較像 Android 7.0 的原生介面，當然，Nokia 6 都有加入少量預載的第三方 APPS 或者功能，不過整體操控上都同同樣預載了 Android 7.0 的 Google Pixel 好相似。不過作為香港用家，Nokia 6 沒有 Google 服務使用起來就真的不太方便，但畢竟它是中國行貨，沒有 Google 服務是常識吧？想用番，筆者試過直接在機內的程式商店下載 Google 服務框架及 Play Store，不過是使用不能的，看來真要用就要再等等了。
▲Nokia 6 雖然香港未有行貨，但語言設定就有繁體中文（香港）選擇，莫非……
▲未開始用就問筆者有幾推薦部電話畀朋友或同事……oh well。
▲介面同 Android 7.0 原生設計都真係有九成相似。
▲不過由於是中國水貨，所以 Google 服務要自行裝回，但筆者借機時間太短，所以就未試到官方應用程式商店入面有一個 Google Play 服務是可以在 Nokia 6 上用到的……
效能較低基本操作都算暢順
最後就講講效能啦，Nokia 6 作為首部 Nokia「真正」重返電話市場之作（幾年前的 Nokia X 其實不太算……），主攻的是入門級市場，所以其規格也極度入門：採用 Qualcomm Snapdragon 430 八核心處理器、4GB RAM、64GB 內置儲存空間等，尤其是處理器，採用 4 系級數，絕對是入門級中的入門級，所以大家對 Nokia 6 的效能絕對不能有太高期望，而從安兔兔評測中 Nokia 6 只獲得 44,487 分，可見一斑。不過大家亦不用太失望，因為筆者用了半日，其實整體一般操作都好暢順，無論是瀏覽網頁或者文件、又或者睇片聽歌，都未見有窒的情況出現，以往筆者試過其他採用同級 CPU 的機都窒到無論，Nokia 6 可以有呢個效果，已經值得一讚了。
▲採用的是 Qualcomm Snapdragon 430 八核心處理器，確實是入門到很難再入門的智能電話處理器。
▲圖像處理晶片採用了 Adreno 505，而其他規格包括：4GB RAM 及 64GB 內置儲存空間。
▲以安兔兔評測測試，獲得 44,487 分，入門機來講都算幾好了，尤其是可能 UX 方面採用了十分近似原生 ROM 的設計，所以得分特別高，筆者試用時一般情況下用起來都好順，唔覺有窒的情況出現。
總結：擁躉必搶！想更好可以等等……
今次 Nokia 推出 Nokia 6，可能大家會覺得為何這間芬蘭公司會突然間又出番智能電話？其實大家從包裝盒都知道，Nokia 6 的品牌雖然美其名是 Nokia，但背後其實是由一間名為 HMD 的公司推出的，之所以他們可以代替 Nokia 重新推出智能電話，只是因為他們向 Nokia 取得品牌使用授權而已，所以今日的 Nokia 與昔日的 Nokia，除了品牌名稱仍是相同之外，可以說是完全沒有關係。但如果大家真的拿過 Nokia 6 上手，就會覺得它仍然擁有昔日 Nokia 電話的不少「核心價值」：耐用、易上手、手感佳等，所以拿上手，Nokia 6 仍能給予大家不少昔日情懷，筆者覺得如果你是 Nokia 擁躉，這部 Nokia 6 確實很值得入手，畢竟它可以說是 Nokia 這個名真正回歸智能電話市場的第一機。但如果大家既想支持這個品牌，但又唔想買入門機，小道消息之前都講 Nokia 之後會推出一部真。旗艦手機 Nokia 8，如果追求高規格享受，不妨再等等，屆時才入手支持也未遲吧？
售價：$2,680
查詢：三禾電氣（2374 0618）
相關文章:
【評測】HMD Global Skyline 開箱評測 機身設計吸睛 中國智能手機系統報告 華為鴻蒙蠶食 Android 市佔率 Qualcomm 設業界新標準 Snapdragon 8 Elite 將支援 8 年 Android 更新
分享到 :
最新影片
