踏入秋冬,是時候準備轉季添新衣。日本時裝品牌 Felissimo 最近推出了三款全新的保暖手套,支援智能手機的觸控屏幕之餘,還用上貓咪圖案,貓咪的尾巴正好是用戶的食指,每一次掃你的手機螢幕,就好像是小貓擺動尾巴一樣有趣可愛。
籮文:「機靚 影相靚 有指紋識別的中階機」Huawei G7 Plus 手機初步評測
華為今日在港發佈一部中階手機 G7 Plus,強調 90% 金屬佔比,採用 Qualcomm Snapdragon 616 八核 CPU,3GB RAM,內置儲存空間有32GB,另可插 microSD 擴充至 128GB。具有指紋認證功能的 G7 Plus 擁有 1,300萬像素 RGBW 感光元件主鏡頭及500萬像素前鏡。想知更多就留意以下評測啦!
90% 金屬佔比 外型有旗艦機味道
G7 Plus 話就話係一部中階機,但外型一啲都唔中階。擁有5.5吋全高清屏幕嘅 G7Plus 金屬佔機身90%,係就係可能令機身重咗啲,但感覺更實在,而機面玻璃有2.5D 設計,畫面更有立體感,好似浮出黎咁,依兩點加上機身造工仔細都令部機美感加強,更帶一點旗艦機味道。不過要留意,金屬機背可能有啲跣手,而用咗一陣機身有輕微發熱,籮文隻手就出手汗,金屬機身又變咗有啲啜手。不過要靚呀嘛,手感有少少瑕疵又邊有人介意!
▲金屬機背可能有啲跣手,而用咗一陣機身有輕微發熱,籮文隻手就出手汗,金屬機身又變咗有啲啜手
▲機右側有音量制開關制
▲機背有相機及指紋識別器
▲機底可見喇叭及 MircoUSB 位
▲2.5D 玻璃實在令美感上生色不少
指紋識別器 功能冇 Mate S 咁實用
早前籮文試過同樣係 Huawei 嘅 Mate S,我評佢為「將指紋識別器用到盡」。見到 G7Plus 當然期待佢有同樣表現啦,點知差好遠… Mate S 嘅指紋識別器可以俾你左右 Swap 上下 Scroll,睇相嘅時候非常方便。今次 G7Plus 嘅指紋識別器就只可以上下拉通知欄,影相時當快門。雖然只係冇得「左右」仲有得「上下」,但你諗留意吓你平時用手機,「左右」多定係「上下」多。相信 Huawei 係希望為 Mate S 留一啲明顯優勢先封咗 G7Plus 指紋識別器嘅某啲功能。不過同 MateS 一樣,註冊指紋極快,掂咗三四下就話完成,我仲以為自己 Skip 咗步驟,原來 G7Plus 同 MateS 等有指紋功能嘅 Huawei 機一樣,有學習嘅技術,一路用佢就一路繼續收集你指紋。
▲註冊指紋極快,掂咗三四下就話完成,我仲以為自己 Skip 咗步驟,原來 G7Plus 同 MateS 等有指紋功能嘅 Huawei 機一樣,有學習嘅技術,一路用佢就一路繼續收集你指紋。
▲依度可以見到指紋識別器可以做到嘅嘢,接電話、停鬧鐘…
相關文章:
【評測】Huawei Mate XT Ultimate Design 非凡大師現場評測 華為正式棄用 Windows 余承東:華為 PC 將全部用鴻蒙 【報價】Huawei Mate XT 國行殺入香港市場 首批定價 7 萬有找有價有市
RBGW 相機 自拍幫你化埋妝
Huawei G7Plus 擁有 1,300萬像素 f2.0光圈主鏡頭,搭配光學防手震(OIS)技術,而且有雙色LED閃光燈,最主打嘅就係 RGBW 感光元件,除咗三原色外加上白色,暗光環境下就可以提高感光度,用黎夜拍就更出色啦!而且有幾種趣味拍照模式,例如美食、美顏等等,仲有一個化妝 Mode,用 500萬像素前置鏡頭自拍時可以幫你化埋妝添!「車,用美妝相機 App 未得囉」。雖然 美妝相機 App 仲多妝俾你揀,不過 G7Plus 有實時預覽呀嘛,用 App 要影完相 import 入去搞又點同呢!而且化妝功能支援最多兩人合照,第三個入鏡嘅人就要素顏啦!
▲影相介面繼續係似 iOS 相機
▲f2.0 大光圈,淺景深效果好易做到
▲1,300萬像素都夠用啦,加上有 OIS。放大見到冇乜鬆郁矇情況
▲化妝功能就係咁囉,我知, model 本身都有化妝,好難睇到效果呀嘛
▲咁樣得未?效果非常明顯,但係自唔自然呢就見人見志啦
▲化妝功能支援最多兩人合照,第三個入鏡嘅人就要素顏啦
1080p 屏幕 色彩表現唔錯
G7Plus 嘅 5.5吋全高清屏幕,擁有高達 1920×1080 分辨率,機內預載籮文最鍾意嘅 As One 嘅 Candy Ball MV,睇到色彩飽和度非常唔錯,加上 2.5D 玻璃畫面令畫面更富立體感,好似浮起咗一樣。不過睇 MV 時就暴露出一個弱點,就係喇叭音量有啲細,用家都係戴返耳機啦。
▲機內預載籮文最鍾意嘅 As One 嘅 Candy Ball MV,睇到色彩飽和度非常唔錯,加上 2.5D 玻璃畫面令畫面更富立體感,好似浮起咗一樣。
籮文:「機靚 影相靚 有指紋識別的中階機」
Huawei 嘅機喺籮文心目中都係機身設計唔錯,依部都唔例外,金屬機身加上2.5D 玻璃,令個樣更似旗鑑。而依個價位黎講,影相效果亦不過不失,化妝功能亦好搞笑(實用程度就要問女孩子)。至於指紋識別功能,雖然冇 MateS 同樣功能,令籮文感到有點兒失望,但 Huawei 將指紋識別功能帶到中階機市場,讓更多人有機會享受依個功能,都係好事!
售價:$ 2,980
查詢:8128 8810(Huawei)
相關文章:
【評測】Huawei Mate XT Ultimate Design 非凡大師現場評測 華為正式棄用 Windows 余承東:華為 PC 將全部用鴻蒙 【報價】Huawei Mate XT 國行殺入香港市場 首批定價 7 萬有找有價有市
一 Click 即錄兼可編輯!Google Play Games 遊戲錄影 App 正式登場
隨著互聯網及社交網絡發展得越來越成熟,近有有越來越多人都喜歡錄製各種遊戲影片與其他人分享。雖然目前手機上已有不少錄影 app,但 Google 今日終於宣佈將會推出一款 Google Play Games 應用程式,可以讓玩家錄製任何遊戲影片,不知由 Google 推出又會否提高大家的信心呢? (繼續閱讀…)
相關文章:
【評測】Google Pixel 9 Pro Fold 詳細評測 機身偏闊手感一般 + 雙熒幕表現出色 + 終原生支援香港 5G + 定價偏貴不夠抵玩 Google 被指強制網紅讚賞其產品 否則不能在發售前評測產品 【教學】Perplexity 搜尋引擎結合 AI 免VPN + 好用程度可挑戰 Google 搜尋
萬聖節正日有乜搞? • unwire 週末好去處
海洋公園同迪士尼嘅萬聖誕節活動都介紹過,要去嘅相信大家都一早去咗。咁聽日係 Halloween 正日,除咗去蘭桂芳同人逼,仲可以有咩搞呢?
Halloween Town 藝術派對市集
Halloween Town 係一個結合藝術、節日同市集嘅活動,會場將會佈置成小鎮同閣樓鬼屋。慶典中會有遊魂野鬼怪現身, 隨着音樂節奏和配合獨有的排舞。如果唔想被嚇破膽的話,就要索取一張荷魯斯之眼的靈符,貼於當眼位置避免鬼怪的襲擊。而市集場地會鋪滿軟墊, 墓主一般會以地攤形式進行買賣。鎮民更可席地而坐,與店主們交流藝術創作心得及聊天。鎮民只需惠顧鎮上的小店滿指定金額即可獲贈自家設計傷疤紋身貼 或 特技化妝服務, 拍下成果再分享到 facebook/instagram, 就可免費獲贈萬聖節血色特飲一杯。
日期:
2015年10月30日 (星期五) 下午2時 ‑ 半夜
2015年10月31日 (星期六) 中午 ‑ 下午10時
地點:觀塘寧晉中心15D 》香港觀塘成業街7號
萬聖節「醉」驚典開心派對 @荷里活廣場
化完一個恐怖妝,當然要轉場玩下啦!呢個萬聖節「醉」驚典開心派對,不但有老少咸宜哈囉喂狂歡酒鬼吧,以全球第一的日本威士忌、小孩至愛果汁糖果及老友記養生食材調配出六款應節「孩佬喂」雞尾酒 (Cocktail)及無酒精特飲 (Mocktail) 外,更有手工糖果達人教整造型「嚇破膽」的 Mocktail 甜蜜 Lollipop 及 體驗威士忌品酒師課程先修班,跟友好輕談淺酌之間化身品酒專家,讓你輕易成為今年萬聖節派對的焦點。
日期:2015年10月31日 (星期六) 下午3時 ‑ 8時
地點:荷里活廣場 1/F明星廣場 》香港鑽石山龍蟠街3號
美酒派對 Vineyard @YOHO MALL
怕玩得夜唔想出市區,元朗嘅朋友可以去 YOHO MALL 嘅美酒派對 Vineyard,
近日天氣轉涼,秋高氣爽,加上萬聖節快到,正是舉行派對的好時候。新地位於元朗的旗艦商場YOHO MALL,將於10月23日至11月8日,舉辦區內首個美酒派對Vineyard@YOHO MALL,現場除咗有來自世界各地的特色佳釀免費試飲,更設有全港首個酒籃藝術展覽,展出 40組運用香檳酒籃創作而成的精緻小擺設。同場有人氣食肆帶來多場品酒講座及廚藝示範,更有魔術表演、南瓜奇幻工作坊及為小朋友而設的扭氣球及面部彩繪,可以過一個簡單版嘅萬聖節。
2015年10月23日 ‑ 11月8日 (每日) 下午1時 ‑ 9時
Yoho Mall 形點 》香港新界元朗元龍街9號及朗日路8號
資料來源:Timable
只有信用卡咁大!Tetris MicroCard 俄羅斯方塊機細到可以放得落銀包
提起當年 GameBoy 必定玩過的遊戲,毫無疑問相信非《俄羅斯方塊》莫屬吧?雖然其玩法只是單純的消除方塊,但由於設有不同的難度,挑戰性極高容易令人中毒。其後市面上甚至出現了不少俄羅斯方塊機,但論輕巧程度,就應該及不上以下介紹的 Tetris MicroCard。 (繼續閱讀…)
Chromebook 或要改名!傳 Google 計劃合併 Android 及 Chrome OS
目前 Google 裝置主要採用兩種作業系統,其一是手機及平板常見的 Android,至於另一款則是 Chromebook 所採用的 Chrome OS。不過這種情況或可能會有所改變,因為據華爾街日報報導 Google 正計劃將這兩個系統合二為一,而為了配合這種改動 Chromebook 或有可能會更改名稱(Androidbook?)。 (繼續閱讀…)
相關文章:
【評測】Google Pixel 9 Pro Fold 詳細評測 機身偏闊手感一般 + 雙熒幕表現出色 + 終原生支援香港 5G + 定價偏貴不夠抵玩 Google 被指強制網紅讚賞其產品 否則不能在發售前評測產品 【教學】Perplexity 搜尋引擎結合 AI 免VPN + 好用程度可挑戰 Google 搜尋
首款 Android 機即將開售!BlackBerry PRIV 開價 $5,400 已有得訂
BlackBerry 將會在 11 月 6 日推出最新款的 PRIV 手機,今次除重新採用滑蓋式的設計外,同時亦一反傳統首度採用 Android 系統,以後有更多 app 可選擇,而且又有該廠著名的保安功能。而在發售前夕,日前 PRIV 的預訂頁面亦終於正式出現,當中可以看到其價格尚算合理,不知能否為 BlackBerry 殺出一條新血路呢? (繼續閱讀…)
相關文章:
【教學】iPhone 都用到 Gemini 教你如何在 Android 和 iOS 裝置上使用 俄羅斯杜馬議員預告 Google、Android、iOS 將會被國家封鎖 Play Store 下月開始打擊低質 App 純文字或者只提供一張圖片等都不合格
史上最平!Datawind 智能手機每部 $120 港紙仲包一年免費上網
近年不少中國的手機廠商都大打價格戰,比如小米及魅族等都推出過一些平價入門機,大約六、七百元就可以買到一部。不過相比起 Datawind 推出的智能手機,上述的價錢就顯得小巫見大巫了,因為該手機的售價竟然只需 120 港元左右,應該稱得上是目前全球最平的智能手機吧? (繼續閱讀…)
「鐵河鐵路 999」駛入香港!10 大聖誕必影商場預告
仲有差唔多兩個月先聖誕,但全港各大商場都開始佈置啦!今日就同大家預告定有咩必影地方先,等大家快 D plan 放咩上 Facebook 呃 like。
1) 松本零士聖誕幻想時空
對動漫迷嚟講,相信呢個松本零士聖誕幻想時空佈置一定係必到嘅地方!佔地 3000呎嘅佈置將松本老師筆下嘅科幻世界以 1:1 3D 實景呈現眼前。銀河鐵路 999 列車穿越宇宙來到東港城,女主角美達露亦被潮流兼人氣女星松岡李那重新設計 10個摩登造型。另外,更會展示松本老師多件珍貴收藏,包括為今次重新編畫嘅香港版畫作、逾 20幅動畫手稿及原畫、與小甜甜漫畫家五十嵐優美子合作嘅手繪、特別版手版樊型等。
日期:2015年11月4日 至 12月 27日 (上午10時正至晚上10時正)
地點:東港城 1樓展覽場
▲ 銀河鐵路 999 列車穿越宇宙來到眼前,真係唔影都對唔住自己!
2) Nippon Animation 40週年經典動畫展
除咗松本老師,另一日本著名動畫工作室 -日本動畫株式會社亦來到香港同大家慶祝聖誕。佔地達 5,
日期:2015年11月8日至 2016
地點:愉景新城 (荃灣港鐵站A3出口)
3) Little Twin Stars 星之傳說
講完動漫,Sanrio 卡通人物亦係每年聖誕必定出現嘅角色。今年 Little Twin Stars 就取代咗 My Melody 嘅地位,係屯門市廣場打造成希臘風格神殿。當中包括為大家主持聖誕盛會的眾神之神、主管聖誕裝置燈飾的太陽神、為大家編製音樂詩歌之神、調製出醉人特飲的葡萄酒之神、製造美麗雲彩的天空與雲彩之神及將幸褔與希望帶到人間的月神,共度不一樣的星之傳說。除咗不同神話主題造型裝置外,更設有 Little Twin Stars 期間限定店,獨家發售多款日本空運到港之精品,包括潮流品牌 Crystal Ball 聯乘 Little Twin Stars 之「Kaleidoscopic Fantasia」系列產品及日本著名設計師 Kayo Horaguchi 為 Little Twin Stars 設計之精品等,粉絲們定必搶購回家!
日期:2015年11月16日至2016年1月3日 (上年10時至晚上10時)
地點:屯門市廣場一樓中央廣場
▲ 月神造型出現嘅 Kiki 同 LaLa 齊齊坐上小船暢遊閃閃發光之七彩雲海,將幸福及希望帶到人間。
▲ 走進甜美嘅糖果車尤如置身七彩世界一樣,感受甜蜜溫馨一刻。
4) Pochacco 聖誕動感冰極樂園
另一邊廂,熱愛運動嘅 Pochacco 將屯門時代廣場變成冰天雪地,大玩各項新奇刺激嘅運動比賽。 以滑雪造型登場嘅 Pochacco 於巨型玻璃水晶球旁等候
日期:2015年11月14日至 2016年 1月 3日 (上午10時至晚上10時)
地點:屯門時代廣場、荃灣千色匯、元朗千色匯、沙田中心、沙田廣場、粉嶺中心
▲ 走進沙田中心,Pochacco 及好友 Rachel 正在切磋花式滾軸溜冰技術。而沙田廣場將設巨型雪橇車及鏡面閃亮聖誕樹,大家可跳進雪橇車,與 Pochacc勇闖冰極世界,盡情享受探險玩樂的美好時光!
▲粉嶺中心打造成曲棍球場,型格上陣的 Pochacco 相約
▲ 荃灣千色匯嘅 Pochac
5) The Loft Style Kuromi Hotel
至於新都會廣場今年就由搗蛋首領 Kuromi 帶同 Kuromi’s 5 軍團及好友 Baku 開辦聖誕限定、
日期 :2015年 11月8日至 2016年1月3日 (上午10時30分至晚上10時)
地點 ︰新都會廣場 3樓天晶館
▲ 一開始可以到大堂左側嘅 Kuromi Bar放鬆一下,與坐在旁邊吧台的Wanmi一同「摸摸杯底」!
▲ 飲過「迎賓特飲」後,訪客可到酒店特設的「星級髮型屋」。髮廊同樣沿用現代工業風格,
▲ 登上酒店二樓入住華麗的總統套房,Kuromi 會在旁哄訪客
▲ 旅行度假就當然要選購手信,與家人好友分享玩樂喜悅!
6)「Happily Ever After」聖誕大街
聖誕節除咗 Sanrio 卡通人物,又點少得迪士尼朋友。今日 40位迪士尼朋友將會再次去到海港城,將露天廣場幻化成「Happily Ever After」聖誕大街及「聖誕夢幻劇院」。聖誕大街的入口是一棵逾40呎高的巨型聖誕樹拱門,由多個不同形狀的星星組成,樹頂更掛上立體米奇老鼠造型掛飾,讓大家從入口便感受到聖誕的歡樂氣氛。大街兩旁的店舖均悉心佈置充滿聖誕特色的櫥窗;靠近海旁的一列店舖外牆更繫上了不同圖案的紅色絲帶,屋頂則設置了以燈泡組成的聖誕祝福說話,化身成巨型禮物盒。《玩轉腦朋友》的阿樂、阿愁、阿燥、阿憎與阿驚、《白雪公主》的白雪公主及7個小矮人、《美女與野獸》的貝兒公主及野獸、《灰姑娘》的灰姑娘及王子、《愛麗斯夢遊仙境》的愛麗斯及妙妙貓、《阿拉丁》的精靈、《魔髮奇緣》的長髮公主等,在舉行聖誕派對的聖誕大街店舖來一次浪漫邂逅,拍攝奇妙剪影合照。
日期: 2015年11月5日至 2016年1月3日 (上午10時至晚上10時)
地點: 海港城海運大廈露天廣場
7) LINE FRIENDS 文具派對
據消息指今年朗豪坊會有 LINE FRIENDS 文具派對,熊大、兔兔同雞雞會係巨型工作枱上整色整水,一時企上萬字夾、一時係鉛筆上踩滑板,相當可愛。
日期:待定
地點:朗豪坊中庭
8) 寵物小精靈 Pika Fever
至於超萌嘅比卡超今年就去到 Mikiki 聯同水水獺及藤藤蛇天獻上連場勁舞及巡遊,現場更會有喵喵怪熱氣球、小精靈對戰擂台、真車比例 Tomica 比卡超小房車等影相位俾大家影相。另外,旁邊嘅寵物小精靈期間限定店更有多款日本限量版紀念品,等你去收服!
日期:2015年12月5日至 2016年 1月3日
地點:Mikiki 地下中庭
9) Forever Friends 聖誕聯萌
除咗大型展覽,小型嘅商場都唔可以輕視架!今年屯門卓爾廣場、屯門錦薈坊、荃灣荃錦中心及荃灣新領域廣場就有 Forever Friends 佈置。有時覺得明明 Forever Friends 同聖誕咁夾,點解年年都只係細商場出現,好似配角咁呢?
日期:2015年11月16日至 2016年1月3日
地點:屯門卓爾廣場、屯門錦薈坊、荃灣荃錦中心及荃灣新領域廣場
10) TOMICA聖誕 樂園
卡通公仔以外,奧海城及藍灣廣場將搖身一變成為「TOMICA聖誕
日期:2015 年 11 月 18 日至 2016年 1 月 3 日
地點:奧海城 (西九龍海庭道 18 號) 及 藍灣廣場 (柴灣小西灣道 28 號)
艾域:「香港 Siri 不能用/少 App/無 mytv 」 新 Apple TV 第 4 代初步評測
今日新一代 Apple TV 正式在港開售,相信最多人關心的都離不開它在香港是否支援 Siri,以及其 App Store 內有甚麼專屬 Apps 可供下載,就讓艾域在這篇文章中解答上述疑問吧。採用 tvOS 的新 Apple TV,介面以灰白色為主調,又與舊版的灰黑色主調剛好相反。除了原有的「電影」(舊版名稱為「影片」)、「相片」(舊版名稱為「iCloud 照片」)、「音樂」、「電腦」及「設定」預載選項外,新版最重要的就是加入了「App Store」。
開箱。接口。外型及手感
關於開箱及上一代 Apple Tv 的比較文章,我們 unwire 早前已經為各位 wire 民測試了,有興趣的讀者可按 <這裡>
未支援 Siri 搜尋 搖控打中文想死
不少 Wire 民非常關心的 Siri 功能,對不起,新 Apple TV 在香港暫未支援,走入「設定」選單中會看到 Siri 設定選項,但仍然處於反白狀態,不能開啟。艾域有一點非常不滿的是其輸入鍵盤不能無限滑動,亦即在最右邊輸入完「z」字之後,就不能即時跳到最左邊的「a」字,對於暫時未支援 Siri 的 Apple TV 而言,這種設計實在不夠 User Friendly。另外用 Remote 左右選倉頡碼去打中文真的是件很地獄的事.. 因為其倉頡碼不是按鍵盤排列,而是「一字排開」這樣非常難找字碼,建議各位倉頡人轉用速成,入頭尾碼再選字一定比你慢慢找碼輸入快 ! 筆劃速入會比較好一點,因為只有5 個碼選。這時艾域突然想起自己有個 Apple Wireless Keyboard 滿以為「自己人」一定支援,完來 tvOS 是不支援的,在藍牙選單裡一直都偵測不到。
Remote app 未用到
舊 Apple TV 用家可能會使用 iOS 的 Remote App 作中文輸入,可惜的是在 tvOS 上反而不支援這個功能。
本地 apps 甚少 遊戲吸引力亦不算大
至於新 Apple TV 的專屬 App Store,頂部選單暫時只設有「精選項目」、「已購項目」及「搜尋」3 個選項,主選單的分類則有「影片 App 推薦」、「遊戲推薦」、「最佳新 App」、「開動引擎」、「炫目遊戲」、「家庭親子」及「中文遊戲」,但每個分類都不設「顯示全部」功能,代表你只可以下載 Apple 建議的 Apps,或者自行搜尋下載,而不能在 App Store 中隨意瀏覽並下載有興趣的 apps。究竟是因為當下 Apple TV 的專屬 Apps 不多,還是設計上的不足呢?就由各位 Wire 民自行評價了。
安裝 Apps 過程與 iOS 裝置分別不大
至於安裝 Apps 的過程,其實與一般 iOS 分別不大。選擇要下載的 Apps 例如 《NBA》,會顯示該 App 的介紹資訊。
下一篇評測 :
到底 Apple TV 打機感覺如何 ? 普通藍牙 Gamepad 支唔支援 ? 畫 / 音質得唔得?..
TP-Link 被叮 ? Google 第二代「OnHub」Router 改由 Asus 代工
Google 近年積極嘗試推出更多不同類型的新產品,比如在 8 月尾時他們就推出了首款貴價 router「OnHub」,雖然整體功能尚算不錯,但找來 TP-LINK 代工卻似乎嚇走了不少人。若然大家亦因為這個原因而沒有入手,那麼如今就不用再擔心了,因為 Google 今日就宣佈將會推出第二代 OnHub,而今次的代工者則會改為 Asus。 (繼續閱讀…)
相關文章:
【評測】Google Pixel 9 Pro Fold 詳細評測 機身偏闊手感一般 + 雙熒幕表現出色 + 終原生支援香港 5G + 定價偏貴不夠抵玩 Google 被指強制網紅讚賞其產品 否則不能在發售前評測產品 【教學】Perplexity 搜尋引擎結合 AI 免VPN + 好用程度可挑戰 Google 搜尋
設計 PS3 及 Wii 手掣運動感測器! 本地開發者獲選十大傑青
相信不少 unwire 讀者都是「打機達人」,不過大家又知唔知道大家成日打機不離手既手掣入面,其中有一個元件係由本地創業家研發呢?最近該創業家更獲選本年度的「香港十大傑出青年」,以表揚他在工作上的成就及對社會的貢獻。
相關文章:
第二屆《城市創科大挑戰》結果出爐 「山人」自有妙計 藉 AI 協助管理營地
籮文:「1 吋 Sensor 打 Sony RX100 」PowerShot G5X 及 G9X 相機初步評測
今日 Canon 於香港一口氣推出三部機,包括固定式鏡頭的 G9X 及 G5X 與 可換鏡入門無反 EOS M10。G9X 及 G5X 依然具備高像素的 1 吋感光元件,機身外型方面更帶點復古味道。想知多啲以下有更多詳情。
▲Powershot G 系列加入兩個新成員,滿足不同用家需要。
G9X 滿足需要輕便的用家,而 G5X 則為唯一一部內置 EVF 的 G 系列相機。
PowerShot G5X
復古味道 新增機面轉盤
G5X 外型擁有近年相機常見嘅復古味道。方方正正嘅外形,加上黑色機身,令全機散發專業嘅感覺,即使有人會話「依個年代仲用 DC?!」,但 G5X 專業硬朗嘅外型絕對唔會俾人話係「DC仔」。相比起入門級嘅 G9X 及 M10, G5X 係比較多實體按鈕及轉盤,除咗常見嘅曝光值轉盤、Mode 轉盤、鏡頭控制環 等,今次仲特地增加一個機面轉盤,用家可以自訂用途,例如用作調教快門、或者快圈等,快速調校拍攝設定。今次 G5X 雖然機仔細細,只重 337g,但手感都唔差,歸功於個手握位,令機仔揸起上黎更貼手。
▲今次仲特地增加一個機面轉盤,用家可以自訂用途,例如用作調教快門、或者快圈等,快速調校拍攝設定。
▲相比起入門級嘅 G9X 及 M10, G5X 係比較多實體按鈕及轉盤
高解像度 高畫面更新率 EVF
頭先講過,G5X 係唯一一部有內置 EVF 嘅 PowerShot G 機,當然個 EVF 一定唔係弱。依個236萬點嘅 EVF 算係好高解像度,並且提供約100%覆蓋率,即是見到啲乜就影到啲乜,唔會見到被 Crop 嘅情況。籮文用 EVF 取景時發現佢嘅畫面更新率比好多其他 EVF 都順暢,用得耐都唔會唔舒服,原來觀景器最高有120fps流暢更新率(啓用後會比較食電),提高捕捉時的精準度,而且色彩表現同光暗對比度都幾好,有返少少用單反光學觀景器嘅感覺。
▲有 EVF 同時亦有熱靴
相關文章:
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用 Canon AI Genie 助企業提升工作效率 辨識手寫文字更人性化 + RFID 自動化盤點
Touch Screen 任你扭
另外,PowerShot G5 X 配備3吋104萬點 Touch Screen,螢幕可向機側外翻並旋轉約270°,方便高低不同角度取景之餘仲啱晒用黎自拍添!而且支援多點觸控操作,除咗用黎㩒 Menu 教 Setting 外,亦可以督一督螢幕黎對焦及拍攝,亦可以用 Multi Touch 黎放大縮細照片,或向左右橫撥黎睇前後影像,就算係 Smartphone 升級上黎嘅用家都唔會覺得太難操控。
▲螢幕可向機側外翻並旋轉約270°
一粒制搞掂 Share 話咁易
機身右側又見到依粒制,依粒制喺 G9X 同 M10 上都可以搵到。見粒制個標誌係一部手機,就知依一個係分享相片到手機或其他 Device嘅快捷鍵,當然亦唔少得 NFC 連接,對於喜歡第一時間 Share 相片上 Facebook、Instagram 嘅靚仔靚女的確方便得多。講開方便,依部嘢原來可以用 MicroUSB 叉電,用家只要將叉手機嗰條線插入去叉就得,插尿袋亦得,輕便程度大大提升!
像素唔高 但有大光圈與 FullHD 60p 短片
今次 G5X 搭載1吋嘅2,020萬像素高感光度CMOS(背照式)影像感應器,老實講,依家啲手機都有2千幾萬像素,G5X 像素真係唔算高,但勝在有高感光度CMOS、f/1.8大光圈24mm超廣角4.2倍光學變焦鏡頭,就好似要話你知「像素唔代表一切」,因為G5X有高感光嘅優勢,喺昏暗地方影相亦有良好表現,而且有大光圈,要影淺景深效果就非常容易。不過得 4.2 倍光學變焦,籮文就覺得少咗啲,如果要影雀仔影遠嘢嘅朋友仔就可以考慮返25倍光學變焦嘅G3X。除咗影相之外,不少朋友都會用相機拍片,全高清就唔少得,但今次加入60fps短片拍攝,拍出黎更順暢,影運動短片都得,而且後製空間亦更大。
▲2,020萬像素話大唔大,話細唔細,都夠晒用啦。放大連每條頭髮每條眼睫毛都可以清楚數到。
▲動態範圍好大,逆光下拍照仍然保留到細節
籮文:「便攜性行先 DC 再堀起」
要講性能,當然唔會係最 Top,但講便攜性與性能嘅平衡,PowerShot G5X 絕對做到。除咗機身本身嘅便攜性,最貼心嘅配套設計終於出現,USB 叉電對現代用家實在十分方便,本來要帶相機火牛手機火牛,依家一個火牛甚至係一個尿袋搞掂!
相關文章:
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用 Canon AI Genie 助企業提升工作效率 辨識手寫文字更人性化 + RFID 自動化盤點
同場加映:PowerShot G9X(以下照片以 PowerShot G5X 拍攝)
Powershot G 系列另一個新成員就係 G9X。G9X 打住「最輕巧」嘅旗號,滿足需要輕便的用家。G9X有黑色及銀啡色作為主色,機身尺寸為 98 x 58 x 31mm,重量只有 209g。值得留意雖然 G9X 機身細小,但卻與 G5X 同樣會採用1 吋 2,020 萬像素 CMOS 感光元件及配備 3 吋 104 萬點顯示器,至於鏡頭則為 24-70mm f/2.8-4.9。最值得留意是 G9X 及 G5X 同樣有 USB 叉電功能。
▲按制轉盤都較少,比較似 M10。
▲最值得留意是 G9X 及 G5X 同樣有 USB 叉電功能。
▲G9X有內置閃燈但冇熱靴
▲見粒制個標誌係一部手機,就知依一個係分享相片到手機或其他 Device嘅快捷鍵
相關文章:
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用 Canon AI Genie 助企業提升工作效率 辨識手寫文字更人性化 + RFID 自動化盤點
減兩舊!小米手機 4i 32GB 新售價 $1,599
小米之前係香港以 $1,599 / $1,799 推出小米手機 4i 16GB / 32GB,係九月底已將 16GB 版本減至 $1,399,今日小米再宣佈同樣將 32GB 減兩舊,新售價為 $1,599。
相關文章:
安坐家中 Vision Pro 雲端試車 淘寶小米合作推虛擬小米 SU7 試車體驗
挨住工作都得!Altwork Station 工作檯可改變成不同形態
對於小編這些白領人士來說,雖然明知長時間坐著工作會影響身體健康,但由於站立起來便無法工作,所以最後逼不得已只能繼續坐著開工。那麼又有沒有方法可以解決這個問題呢?或者由 Sonoma 推出的新產品可以幫到手,因為最近他們設計出一款名為 Altwork Station 的工作檯,可以隨時改變成坐著、站立甚至挨喺度等形態。 (繼續閱讀…)
「機身厚了,遙控變了」 新 Apple TV 即場開箱睇
號稱為「電視的未來,就在這裡」的第 4 代 Apple TV,若果有 Wire 民早前在 Apple Online Store 入手了的話,預計今日應該就會送到閣下府上。艾域今早亦特別前往 Apple Store 又一城門市,發現新 Apple TV 亦已經有現貨發售,我就選擇購入 32GB 版本,並即場為各位 Wire 民來個開箱,看看新舊 Apple TV 在外型上有何分別。
主機厚了又重了
放棄了第 3 代白色正式型包裝盒,新一代 Apple TV 用上了全黑色長方型包裝盒,相信是方便消費者識別而作出的決定。打開包裝盒,就會看到全新的 Apple TV,與及支援觸控操作的全新 Apple TV Remote。
先說主機,新一代 Apple TV 的機身長度及闊度,都與舊版一樣保持為 98mm,但由於厚度差不多是上一代的 1.5 倍,明顯會令人覺得新版會較以往來得大部。另外,新 Apple TV 425g 的重量,亦較上一代的 272g 重了一半,拿上手也是頗為明顯的重了,不過相信大家都不會經常攜帶 Apple TV 外出,新版變重了影響其實不算太大。
遙控外觀不夠舊款好看
至於 Apple TV Remote 方面,其上半部包括輕觸操控面層、主選單及主畫面按鍵位置,就用上了磨砂面設計,而 Siri 鍵、播放暫停鍵及音量增減鍵的下半部,則用上鏡面拋光設計,外觀與舊版亦是截然不同。不過拿上手之後,艾域個人認為還是舊版 Apple Remote 的金屬外觀及質感較為討好,新版 Apple TV Remote 正面確實與大陸 Android 盒有點相似的說。
沒有了光纖輸出 聽 Apple Music 有麻煩
再說回機身,除了變厚變重之後,第 4 代 Apple TV 的機背亦刪去了光纖輸出端子,而僅供服務使用的 USB 亦由 Micro-USB 轉為 USB-C。究竟刪去光纖端子對一般用戶有何影響呢?若果你是直接將 Apple TV 連接至電視機或者 AV 擴音機的話,使用 HDMI 輸出其實影響不大,但若果你使用的是 DAC 解碼或兩聲道數碼擴音機,這類產品大都只設光纖輸入,對想使用 Apple TV 去聽 Apple Music 或 AirPlay 播歌的人士而言,沒有了光纖輸出的它,影響確實不少。
Apple TV 功能 / APP 評測
小編剛剛完成了第二篇 Apple Tv 評測,各位 wire 民可按<這裡>
專為睇片而設!Samsung 正式發表 18.4 吋 Galaxy View 平板
Apple 最新款的 12.9 吋 iPad Pro 平板將會在下個月,當然另一邊廂的 Samsung 亦不甘後人,因為他們早於上月的 IFA 上就公開了一款名為 Galaxy View 的新平板,而且今日官方亦正式公佈了更多詳細資料,當中可以看到其尺寸去到 18.4 吋,確實是大得驚人。 (繼續閱讀…)
相關文章:
【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充 【評測】Samsung Galaxy Watch Ultra / Watch7 開箱評測 兩日一充 【評測】Samsung Galaxy Z Flip6 開箱評測 外觀變動少 + 外屏更個人化 + 主鏡成像質素提升 + 電量夠用一日以上 + 整體表現中上
機會來了!《17》直播 App 現已於 App Store 重新上架
提起近期最具話題性的 iOS 應用程式,相信必定非《17-你的生活點滴》(簡稱《17》)莫屬,皆因它除可以睇到真人直播之外,達成一定條件後直播者更可以賺到錢,再加上一 click 入去睇直播隨時「中伏」(相片與真人不符),相當有趣味。雖然該款 app 及後因為種種問題而被逼下架,不過之前未有下載的話也不用太擔心,因為今日它已經於 App Store 重新上架了! (繼續閱讀…)
相關文章:
【教學】iOS 18 令電話 App 紅點超難清除 兩種設定不再受紅點困擾 【教學+實測】iPhone 自訂電量切換低耗電模式 實測慳電程度 + 效能影響 【教學】Apple Watch 過百款錶面免費玩 可設定動畫錶面
Edward:「對得住 $399 售價!」OnePlus 一加金耳 耳機評測
OnePlus 昨日除咗推出手機之外,亦同場推出入耳式耳機 一加金耳,仲聲稱一隻 399 元人仔嘅耳機,音質可以媲美 3,000 元人仔級別耳機!究竟表現係咪真係咁堅秋?而家就等 Edward 係北京現場試試。
Edward:「入門機來講算幾靚!」OnePlus X 普通版 / 陶瓷版手機評測
今日 OnePlus 係北京發佈了全新的 OnePlus X 智能手機,售價只係 1,599 人民幣,算係 OnePlus 首部 2 千蚊人仔以下的手機。究竟用落感覺如何?而家就等 Edward 同大家分享一下。
相關文章:
巴西政府向 X 平台下禁令 大量網民「出走」改用 Bluesky Elon Musk 用 Starlink 違抗巴西法院禁令 網民透過衛星仍上到 X 平台 巴西正式封鎖 X 社交平台 翻牆使用每日罰款近 9,000 美元