＜名額已滿，多謝支持！＞

各位學生哥，今時今日都有需要帶著一部手提電腦番學校上課，尤其是大學生們，去到暑假近尾聲，大家期待的自然是 Back To School 優惠啦。今年的 BTS 終於有聲氣了，暫時已有 4 間本地院校提供買機優惠，而家就同大家睇睇，同埋望下邊部最抵啦！

 

28/8 00:00更新：加入 VTC 資料，增加網站綜合列表
23/8 20:00更新：加入樹仁大學訂購 Acer 資料
11/8 20:40 更新：加入公開大學及樹仁大學訂購 Fujitsu 資料

今年品牌選擇較少

今年的 BTS，相比去年有 8 個品牌選擇，今年就有 9 個選擇，而且大部分均是去年都有的選擇，包括：Apple、Dell、HP 及 Lenovo，而今年比較有趣的是 Samsung 終於回歸 BTS 計劃，不過就只有香港大學的師生獨享；而 Acer 就只有樹仁大學師生獨享。

 

香港大學 – Dell 最抵玩

優惠品牌：Apple、Dell、Samsung

http://www.hknotebook.com/np16/hku/

香港大學今年的 BTS 優惠，合共有 3 個品牌選擇，比較後筆者認為如果大家想購買手提電腦的話，無論是一般使用或者想買部用來剪片或打機的機款，都是 Dell 最抵買，當中 XPS 13 i5 機款優惠達到約六四折，12 個月分期每個月都只需 $660，而且機身只是約 1.2kg 重，使用時間更可長達 12 小時，一般人都足夠使用了；至於高效機款方面，Alienware 唔止有 16GB RAM，機內仲有 SSD + HDD 設計，一定夠位放檔案之餘，由於 Windows 安裝於 SSD 內，所以一定夠快，加上佈置 NVIDIA GeForce GTS 970M 獨顯，有 3GB 視像記憶體，用來剪片或玩不是過份地高畫質的遊戲，都足夠有餘了。

香港理工大學 – HP 新輕薄機揀

優惠品牌：Apple、HP、Lenovo

http://www.hknotebook.com/np16/polyu/

至於香港理工大學方面，今年的品牌選擇與去年一樣，都是 Apple、HP 及 Lenovo，最吸引的肯定是 HP 最新推出，專攻 MacBook 客的 Spectre 13。除了有金色機身外，仲內建強勁規格，包括：Core i7 CPU、8GB RAM、512GB SSD 等，重量仲要只有 1.11kg，真係超輕薄。而且由原價 $16,598 劈至 $11,080，達到約六七折，即使分期都只是 $952 / 月，計番都係比一炮過比每個月貴 34 蚊左右，真係幾抵。另外最新推出的 2-in-1 機款 Elite x2 1012 都有得揀，售價同樣由 $12,080 劈至 $8,380，折扣率都有六九折，不過規格就弱少少，只是配備 Core m5 處理器。如果想穩陣而機身耐用的，都可以揀 Lenovo 的 New ThinkPad X1 Carbon，i5 機款都只係 $8,299，比原價 $10,998 平了近 $2,700，真係無乜幾可。

城大專上學院 – 一樣有 Dell、Lenovo

優惠品牌：Apple、Dell、Lenovo、Microsoft

http://www.hknotebook.com/np16/cccu/

至於城大專上學院方面，可以講是與理工大學差不多，一樣有 Apple 及 Lenovo，不過就沒有 HP 而加入了 Dell 同 Microsoft。至於詳情方面，Apple、Dell 及 Lenovo 優惠 的優惠與上面兩間大學的相近。Microsoft 方面，Surface 系 (Surface Book、Surface Pro) 都有折扣，大約係 88 折左右。另外值得留意的是，今次這個優惠只是城大專上學院優惠，並非香港城市大學，而執筆時城大的 BTS 優惠暫時未有消息。

公開大學 – 買 Apple NB 送打印機！

優惠品牌：Apple、Fujitsu、Lenovo

Apple：https://www.eduoffer.com/online/member/otherProductList

Fujitsu：http://xoffer.hk/poster.php?p=2016ouhk

Lenovo：http://www.hknotebook.com/np16/cccu/

至於公開大學，去年還有 Apple、Lenovo 及 Fujitsu 3 個大品牌揀，今年就同樣有哂 3 個品牌的機款。至於邊部抵玩？首先講 Apple，雖然售價上與其他有提供 Apple 產品的院校差不多，但就贈品多多，除了有熒幕保護貼、手提電腦袋等基本嘢外，還送一部 Canon Pixma MG5770 多功能打印機。另外，就連 AppleCare 都一樣有優惠！如果大家想買 Apple 手提電腦的話，公開大學肯定是最抵玩了。至於 Lenovo 方面，官網上似乎只展示有 Yoga 900 這部機款揀，未如理工大學般，有埋 ThinkPad、IdeaPad 其他機款選擇，確實少得可憐。除非售價上十分優惠，否則筆者覺得似乎不算吸引……

另外，對於 MIJ 機款情有獨鍾的 wire 民，亦可以選擇 Fujitsu，當中 S936 就是 Made in Japan 的款式，全部都大約半價之餘，唔洗 1 皮可以買到 Core i7 CPU 機款，確實幾抵！

樹仁大學 – 師生專享 Acer

優惠品牌：Acer、Fujitsu

Acer：http://xoffer.hk/2016suhka

Fujitsu：http://xoffer.hk/2016suhk

至於樹仁大學方面，今年除了 Fujitsu 外，仲有 acer 的手提電腦及平板可以選擇，亦係暫時唯一一間有 acer 的院校。

值得留意一下的有 Acer Switch 12，配備 i5，8GB RAM，256GB SSD，配上 2K 螢幕 (2160×1440)，仲要有埋支援 256 級壓力的手寫筆，十分適合學生上堂寫筆記，做 Project。價錢方面，由原價 $9,980 減至 $7,680，大約為原價的七折左右。其他機款的減幅大約為 7 折到 8 折左右。

 

全院校可用 – ASUS

https://www.asus.com/hk/event/student_sale/

至於 ASUS 方面，今年同樣有提供 BTS 優惠，而且與去年一樣同樣不限院校，限期亦同樣去到 10 月 31 日，十分寬鬆。點參加？只要到上面網站登記你的個人資料，就可以收到相關優惠資訊。不過有什麼機款有提供優惠？由於筆者已不是學生太長時間，所以就不知道有什麼優惠了，不過估計應該全線 ASUS 手提電腦都有優惠吧？有興趣的大家可以登記一下看看有沒有適合自己的產品？

各院校 NBO 優惠網站綜合列表

香港大學：http://www.hknotebook.com/np16/hku/       (Apple、Dell、Samsung)
中文大學：http://www.hknotebook.com/np16/cuhk/     (Apple、HP、Samsung)
科技大學：http://www.hknotebook.com/np16/hkust/   (Apple、Lenovo、Microsoft)
理工大學：http://www.hknotebook.com/np16/polyu/    (Apple、HP、Lenovo)
浸會大學：http://www.hknotebook.com/np16/hkbu/     (Apple、Lenovo)
教育大學：http://www.hknotebook.com/np16/eduhk/   (Apple、Dell、Lenovo、Microsoft)
公開大學：https://www.eduoffer.com/online/member/otherProductList (Apple)
公開大學：http://xoffer.hk/poster.php?p=2016ouhk (Fujitsu)
公開大學：http://www.hknotebook.com/np16/ouhk/     (Lenovo)
樹仁大學：http://xoffer.hk/2016suhka (Acer)    
樹仁大學：http://xoffer.hk/2016suhk (Fujitsu)
東華學院：https://www.eduoffer.com/online/member/otherProductList (Apple)
東華學院：http://www.hknotebook.com/np16/twc/ (Dell)
城大專上學院：http://www.hknotebook.com/np16/cccu/ (Apple、Dell、Lenovo、Microsoft)
HKU Space：http://www.hknotebook.com/np16/hkuspace/ (Apple、Dell、Samsung)
VTC：http://www.hknotebook.com/np16/vtc/ (HP、Lenovo、Microsoft)

至於其他院校，暫時就未有 BTS 的優惠消息，我們會持續更新此文，大家請繼續留意。