Google 今年推出了 Nexus 5X 及 Nexus 6P 兩款新手機，至於其上一代 Nexus 6 的任務亦似乎已經完結。因為如今當去到 Google Store 時，就會發現 Nexus 6 的產品頁面上已顯示為停售狀態。如果大家仍有興趣購買這部 6 吋 Nexus 手機，唯一的辦法就只有在其他零售商入手。 (閱讀全文…)
籮文：「3倍光學變焦 好有用」Asus ZenFone Zoom 初步評測
今日 Asus 推出 ZenFone Zoom，叫得 Zoom 其實因為佢有 3 倍光學變焦，想知3倍光學變焦係咪好玩？繼續閱讀以下文章啦！
皮背設計 有格調
一睇，Zoom 正面同其他 Zenfone 型號差唔多，螢幕下方有同心圓設計，光線下非常閃亮，望落去更有些少迷幻的感覺，但神奇嘅係黑色款先有同心圓設計，而白色款就得大大隻 ASUS 字樣（要買嘅話我實揀黑色啦咁）。而機背就同其他 Zenfone 好唔同，雖解因為有 3 倍光學變焦構造，令機身加厚，但用上皮背設計，揸上手都算舒服。鏡頭及閃光燈都位於一個金屬圈內，更加突顯 Zenfone Zoom 係主打影相，但個樣有啲似 Lumia 1020。留意機背底部有一行突起，其實係模擬相機嘅 Hand Grip 手把位，籮文試過，的確因為個 Grip，影相時持機會更穩妥。除此之外，為方便拍攝，Zenfone Zoom 有實體拍攝鍵及錄影鍵，而音量鍵就可以用作 Zoom-In & Zoom-Out 。
▲令機身加厚，但用上皮背設計。另外可以 3.5mm 耳機孔位於機頂
▲揸上手都算舒服
▲鏡頭及閃光燈都位於一個金屬圈內，更加突顯 Zenfone Zoom 係主打影相，但個樣有啲似 Lumia 1020
▲留意機背底部有一行突起，其實係模擬相機嘅 Hand Grip 手把位，籮文試過，的確因為個 Grip，影相時持機會更穩妥
▲一睇，Zoom 正面同其他 Zenfone 型號差唔多，螢幕下方有同心圓設計，光線下非常閃亮，望落去更有些少迷幻的感覺
▲但神奇嘅係黑色先有同心圓設計，而白色款就得大大隻 ASUS 字樣
▲耳機孔於機底
▲機身右側除開關制外，為方便拍攝，Zenfone Zoom 有實體拍攝鍵及錄影鍵，而音量鍵就可以用作 Zoom-In & Zoom-Out
5.5 吋 FHD 螢幕 表現良好 喇叭有 SonicMaster 2.0 音效技術喇叭
ZenFone Zoom 用上 5.5 吋 1920 x 1080 解像度 IPS 螢幕，像素密度都有 400ppi，就算「聞 Mon」咁近都睇唔到文字有起格情況，規格算係中上，實際使用亦都唔錯，尤其亮度充足，室內只需調較到一半亮度就已經非常足夠。除影像外，音效都非常重要，ZenFone Zoom 用上 SonicMaster 2.0 音效技術，難怪喇叭聽落都幾好聲，而音量更加係尤其大聲。
▲像素密度都有 400ppi，就算「聞 Mon」咁近都睇唔到文字有起格情況
▲除影像外，音效都非常重要，ZenFone Zoom 用上 SonicMaster 2.0 音效技術，難怪喇叭聽落都幾好聲，而音量更加係尤其大聲。
3 倍 Zoom 係咪 Gimmick 嘢？
ZenFone Zoom 係全球最薄嘅 3 倍光學變焦手機，支援 OIS 光學防手震嘅 1,300 萬像素 f/2.0 主鏡頭，而且有 Laser AF雷射自動對焦，對焦的確係頗快，同 LG G4 都有得揮。頭先講過 Zenfone Zoom 音量鍵就可以用作 Zoom-In & Zoom-Out，亦有實體快門鍵及錄影鍵，而快門鍵更加係兩段式，按下一半就係對焦，全按先係拍照。ZenFone Zoom 用上潛望鏡式鏡頭，唔好以為用 3 倍光學變焦嘅時候鏡頭會伸出黎咁老土。但係要提提大家光學變焦的變焦速度比數碼變焦慢，由1倍去到3倍要1秒左右，用慣數碼變焦嘅話係會有啲唔耐煩。3 倍光學變焦都唔夠用？ZenFone Zoom 仲支援埋數碼變焦，3倍光學變焦加埋數碼變焦，合共有12倍！真係影過對面海都得啦（誇張咗）。ZenFone Zoom 內建多種拍攝模式，但係要話俾大家知，用手動模式，用家可以自訂 ISO，色溫，快門等，但偏偏光圈係冇得自己較。
▲為方便拍攝，Zenfone Zoom 有實體拍攝鍵及錄影鍵，而音量鍵就可以用作 Zoom-In & Zoom-Out
▲（冇 Zoom）你可能會問，3倍變焦即係有幾遠？我用相片黎答你，留意上圖中央嘅幾架車仔
▲Zoom 咗3倍光學變焦後。原來係的士同消防車黎嘅
▲開返預設係關閉嘅數位變焦
▲加埋數位變焦，變焦可達 12 倍
▲（無變焦）顏色自然，但暗位麻麻，吸光度不足
▲（3倍光學變焦）顏色自然，但暗位麻麻，吸光度不足。但3倍光學變焦後冇任何變型等等問題，真係正
▲經過 ZenFone Selfie 嘅經驗，Zoom 嘅500萬像素自拍鏡都做得唔錯，美顏功能亦十分自然
規格唔錯 有 4GB RAM
ZenFone Zoom 內建 Intel Atom Z3580、4GB RAM，內置 Android 5.0 Lollipop 作業系統與 ZenUI 操作介面。內建 64GB ROM，唔夠用？可插 microSD 記憶卡擴充。電量唔少，都有3000mAh，仲支援 ASUS BoostMaster 快速充電技術，只需 39 分鐘即可將手機充電至 60% 的電量。
▲機身左上方有 Intel inside ICON。
▲掀起後蓋可以見到 Sim 同 MicroSD 槽
籮文：「三倍光學變焦 其實好實用！」
當不少手機標榜鏡頭夠 Wide 嘅時候，Asus 出一部光學變焦手機，可謂出奇制勝。好多時，籮文即使想影一啲遠嘅景物都會避免用數碼變焦，因為一用數碼變焦你就會即時見到畫面起晒格，寧願 Wide Wide 地影咗先，後期先 Crop 返想要嘅部份黎用，但其實都係心理作用，無論數碼變焦定後期 Crop，畫質都係會下降。但係有光學變焦就唔同，所有嘢直覺化好多，想影遠就 Zoom 遠，唔使再 Crop 黎 Crop 去。（依家仲可以 Zoom 完再 Crop 添！）
售價：＄3,499
查詢：ASUS（3582 4770）
英國男童考起皇家郵政！寄一封信到火星到底要幾多郵費？
雖然今時今日想與其他人溝通只需一封電郵便搞掂，但有些地方卻可能依然要靠書信往來，比如其他星球由於未必設有互聯網（應該如此吧？），所以唯一的方法就只能寄信。不過寄一封信到火星到底又要幾多錢呢？最近英國一名男童就向皇家郵政作出這個提問，結果就即時考起職員，並要勞煩 NASA 幫手解答。 (閱讀全文…)
尋找物主！三架波音 747 客機被遺棄於吉隆坡國際機場 等待認領
一般來說如果在機場遺失物件，對於機場來說或會帶來一定負擔，因為職員除需要用額外空間來擺放這些失物外，同時又要處理失物認領過程，對事主及職員來說都是十分麻煩。不過對於馬來西亞吉隆坡國際機場而言，最近他們就遇上一個更頭痛的問題，因為最近當地有三件被遺留的物件，竟然全部都是飛機！ (閱讀全文…)
注入 BlackBerry 元素！iPhone 6k 概念設計加入滑蓋式 QWERTY 鍵盤
由於 iPhone 上本身並未設有實體鍵盤，所以如果需要打字的話，就只能透過螢幕上的虛擬鍵盤輸入，如此手感當然會冇咁好啦！而為了打破這個局限，最近有海外設計師就根據最新款的 iPhone 6s，設計出一部名為 iPhone 6k 的概念機，而當中最大的特點是竟然加入了滑蓋式 QWERTY 鍵盤。 (閱讀全文…)
實用 / 醜樣 ? 香港 Apple 官方行貨 Smart Battery Case 電池殻開箱評測
昨天 Apple 推出了官方的「電池殼」Smart Battery Case 供 iPhone 6 / 6s 使用，不過眾 Apple Fans 叫苦連天，指設計醜得不能接受。這個 Case 今天在香港 Apple Store 已經推出，現在跟各位 wire 民一起開箱評測吧 !
安裝容易，白色易骯髒
其實包裝內只有簡單說明書及其 Smart Battery Case ，看圖都知道如何安裝了。這個 case 表面觸感跟蘋果自家的矽膠套一樣，但只有上方是軟身可彎曲，只需要拉下少許就可以把 iPhone 6 / 6s 由上方插入。購買白色的 wire 民要特別留意，背面長方形的電池四角非常容易骯髒
變重變大 單手操控方便性略減
如果你覺得 iPhone 6 / 6s 的體積方便單手操控但電量不足、又嫌 iPhone 6 Plus / 6s Plus 又太大的話，加裝這個電池殼則是夾在中間的選擇。這個 Smart Battery Case 重量有 100g ，以電池殻來說算輕了！裝上 iPhone 後即時厚了一個碼，亦由於機身變長，單手操控時未及能觸到上邊兩角位，但仍是比 iPhone 6s Plus 的單手操控體驗好得多，只要手稍稍向上移就 OK 了。
耳機插口要小心
Smart Battery Case 比較嚴重的設計失誤是 3.5mm 插頭位，只是稍稍加大一個圈而已。如果大家的耳機線是用原裝那種幼身的 3.5mm 是沒有問題的，但如果不是的話，很可插不進去，特別是 L 頭的朋友，請準備使用接駁線吧。Lightning 接口則沒有這個問題
聆聲變集中
由於 Smart Battery Case 蓋著了原本喇叭位置，它特地做了前置孔將聲音重新引導向前，平時如果看電影的話反為會變得更清楚，因為聲音集中在前方，可是如果你放在家中有電話響，聲音未必能像以前擴展般遠
單獨也可充電 先充主機
跟第三方電池殼最大分別，就是在充電或使用時用家可檢視主機及其 Case 分別有多少電量。充電時以主機優先，先把主機的電力充滿才充 case。用家可以跟主機一併充電，又或是獨立充電亦可。由於使用後 LTE 上網時間長達 18 小時，比 iPhone 6s Plus 的 12 小時更高
總結：實用但外觀不能接受
由於只有 100g 重再加上 iPhone 6 /6s 本身較薄，用家依舊可以放進褲背或襯衣袋上，在日常生活習慣上其實沒多大分別，只是比較厚身感覺不太習慣，單手操控有丁點比以往沒那麼方便，但電量更勝 iPhone 6s Plus ，在實用層面上其實是很不錯，如果你覺接受其外表的話，它是個很不錯的電力延長方案，至少其他品牌不能做到這麼輕薄。
從不可能中尋找可能！NeoMechanics 談在香港搞工業科技
「香港已經冇左工業好耐啦！」香港好像真的窮得只剩下金融及服務業，但其實仍然有人在行業內默默耕耘，而且更做出成績來。57 歲的高滿鍇 （Stanley）廿年前開始投資工業技術，改良發動機，原本為電影導演的他後來更拜師入行，成為行業中的一員。他的「師父」今年已屆八十高齡，但對研發工業技術仍然充滿熱情，研究多年的「超高壓動態密封技術」最近更獲得「亞洲育成中心國際大獎」。
依莉詩「三角形導頭零死角」－Panasonic「溫感」離子美顏器 評測
近排天氣轉涼，皮膚開始變得乾燥，但護膚品又難吸收，就算幾懶都好，導入導出機都係時候出場啦！不過導入導出機又唔只得 Hitachi 同 Ya-man，今次介紹呢部 Panasonic「溫感」離子美顏器同樣使用離子技術，好唔好用就等我依莉詩分享下啦！
《龍珠》迷發動聯署！爭取將 Kepler 22b 行星改名為「娜美星」
無需用電都可運作！全球最細無線溫度感應器誕生
目前如果想監測家中的溫度、濕度及光亮程度等數據，通常都需要購入相關的裝置才可以做到。不過最近有科學家就成功研發出一款超微型晶片感應器，除可以做到上述的功能外，更無需使用任何電源，只需要附近有一個 router 即可自行運作，而且價格更是相當便宜。 (閱讀全文…)
【unwire TV】iOS 9.2 更新得過？ 迪迪尼新園區率先玩
9/12 今日新聞精選
iOS 9.2 更新得過？ 6個重點咁多！
http://unwire.hk/2015/12/09/apple-relea
迪士尼「童話園林」有冇伏？依莉詩率先試玩
http://unwire.hk/2015/12/09/pandora-disneyland/hottopic/ses-ios-9-2/software/
龍珠「神龍」出嚟啦！ 2米咁長又幾正
http://unwire.hk/2015/12/09/dragon-ball-shenron-cushion/japan-gadget/
iOS 9.2 正式發佈！6 大更新幫到香港人
經過一段時間的 beta 測試後，Apple 最新的 iOS 9.2 正式版如今終於正式發佈。繼之前的 iOS 9.0.1、9.0.2 及 9.1 之後，iOS 9.2 是 iOS 9 的第四次更新，而且今次的更新內容亦十分豐富，當中除 Apple Music 會作出多項改善外，更重要的是 iPhone 終於正式支援 SD 卡。
\
(閱讀全文…)
支援 Wi-Fi 及 FaceTime 通話！傳 Apple Watch 2 將於明年 3 月發表
不經不覺 Apple 首款智能手錶 Apple Watch 已經推出了大半年，而且其下一代亦似乎很快便會到來。因為今日有消息指 Apple 已經計劃在明年 3 月舉行一場發表會，屆時有可能會發表最新一代 Apple Watch（Apple Watch 2？），而且更會在 4 月時推出，情況與今年十分相似。 (閱讀全文…)
流動裝置福音！新型「能量紙電池」超薄超環保兼可極速充滿電
現時市面上發售的手機及平板，如要配備較大的電量，那麼就要用上體積較大的電池，如此一來機身厚度便會有所增加。不過這個問題或可能在將來解決，因為瑞典 Linköping 大學研究團隊最近就成功研發出一款能量紙電池，除相當纖薄外，更可以儲起能量，將來或可以取代現有的電池技術。 (閱讀全文…)
買得了 ! Apple tv 第 4 代獲 tvOS 9.1 更新
當 Apple tv 第四代推出的時候，艾域即時為各 wire 民作了個 <評測>，主要死症是不能使用 Tv Remote App 及不能接駁藍牙 Keyboard (連自家的都不行)！香港的 apple tv 更不支援 siri 作 searching ，實在是廢左一半武功 ，用 on screen virtual keyboard 打字感覺生不如死..。如今新的 tvOS 9.1 的更新終於重新支援 Tv Remote App ， 容許用家可以在 iPhone 或 iPad 上作打字輸入，解決了以上的問題。
堅正《龍珠》商品！Bandai 推出 2 米長神龍 Cushion 超搶眼
提起《龍珠》這套動漫，睇見悟空等人不斷成長擊退一眾強敵固然係正，但各位唔好忘記起初故事是講述收集龍珠召喚神龍實現願望。雖然神龍在原著中的曝光率不算太高，但始終都是重要「角色」之一，而且官方過往亦曾經推出過不少相關商品，不過論搶眼程度就肯定及不上以下介紹的這款「神龍 Cushion」那麼吸引。 (閱讀全文…)
迪士尼「童話園林」率先睇！依莉詩有你遊走 6大公主園林
Apple iTunes 獨家！全新 Beatles 數碼大碟 1+ 連大量珍貴短片
臨近聖誕，Beatles 的樂迷可以為自己送上一份聖誕禮物。因為這對經典的樂隊日前在 Apple iTunes Store 推出了全新的數碼視像大碟 The Beatles: 1+，當中收錄了 27 首英國和美國的 No.1 冠軍單曲，和 23 首樂隊的經典名曲，全部經過格林美得獎大師 Giles Martin 和 Sam Okell，於 Abbey Road Studios 精心重新數碼修復和混音。
Android 版 Chrome 瀏覽器加入 Safe Browsing 功能
Google 一直有為 Chrome 瀏覽器提供 Safe Browsing 功能，目的是保護用戶和裝置不受危險網站攻擊，以往這功能只有在電腦版的 Chrome 上出現，日前 Google 則將功能進一步推展至流動裝置，Android 用戶只要將 Chrome 瀏覽器升級至版本 46 或以上，就可以受到保護。
美國專家：聖誕燈飾對 Wi-Fi 速度影響微乎其微
早前我們報導過英國電訊監管機構 Ofcom 表示，聖誕的燈飾有可能影響 Wi-Fi 訊號，導致上網速度降低，建議用戶將 Wi-Fi 路由器放置在遠離其他電子裝置的位置以減少干擾。有關報導一出即時引來不少外國傳媒報導，畢竟臨近聖誕，很多人都會在家中佈置以燈飾增添氣氛。
廉價入門 Win 10 微軟 Lumia 550 開賣
今年 10 月 Microsoft 正式發表 Windows 10 Mobile 手機 Lumia 550，日前這部入門級手機正式在歐洲多國發售。作為一部入門機，售價便宜是消費者的首要考慮因素，所以 Lumia 550 的定價 129 歐元（約 1,084 港元），這對於歐洲的消費者來說算是一個進取的價格。
