可能唔少 wire 民為咗方便，都會將私人同工作嘅社交網絡身份分開，例如會開 2 個唔同嘅 Facbook、LINE 或者係 Instagram 等等。如果係 Facebook，都仲可以一個帳號建立多個唔同專頁，以分開唔同嘅用途。但對於 Instagram 嚟講，由於每個 Email 只可以登記一個帳戶，如果想要多幾個分身，就要開多幾個 Email，但管理上嚟就好唔方便，其實要開多幾個 Instagram 只需一個 Gmail 就夠。
點點（.）的魔法
Instagram 由於登記嘅時候，必需要用一個獨立的電郵地址進行登記，但只要花點心思，善用英文句點（.），就可以用一個 Gmail 登記多個 Instagram 帳戶。
▲測試用一個名為「chan.testing.2016@gmail.com」的電郵地址進行測試。
▲在 Instagram 註冊後，Gmail 就會收到一封來自 Instagram 的歡迎電郵。
▲若想利用「chan.testing.2016@gmail.com」開多一個 Instagram 賬戶，只需於 Gmail 的登入名稱部分加英文句點就搞掂「c.han.testing.2016@gmail.com」。
▲打開原有「chan.testing.2016@gmail.com」的電郵信箱，就會發現已成功利用「c.han.testing.2016@gmail.com」註冊 Instagram。
▲其實，在 Instagram 的世界，這是兩個賬戶，但對 Gmail 來說，兩個電郵地址根本無分別。
