第 2741 頁 – 香港 unwire.hk 玩生活．樂科技

恩想 : 數碼輸出 1 同 0 ，USB 直出點會唔靚聲 ?

hi-fi 世界好多「心理」補品，原本無作用但被店主吹到天上有地下無，新手又覺得似曾曾就會破費。這幾年間 Hi-Res 音樂盛行，又爆發一論 DSD 格式係咪靚聲之戰，不過多年來討論得最多都係數碼音樂，中間得 1 同 0，靚線靚機係咪真係有用 ? 天恩在這裡有少少個人分享

數碼 1 同 0 ，有需要用貴野嗎?

其實到左 Hi-Res 年代，乜都講數碼，買碟反為仲麻煩直接去買 Digitial Format 好過。現時大大小小的 CAS 設備都離不開使用 USB 作傳輸媒界，可是天恩覺得 USB 實在太多干擾，尤其手機呢類 GSM 又 Wi-fi 的信號干擾同大，攪到 D 聲好硬好無音樂感。所以自己有啲好無謂的堅持，一就係唔用電話聽歌，連 DAC 都唔會用佢入；第二就係堅持唔用 USB 直入 DAC ，但係呢個年代開始好少 Player 有同軸輸出，光纖我都覺得聲唔太啱口味。當然你會話 3 皮野買部 Player 一部 KO 攪掂唔使煩，但老實我聽過唔敢話佢唔夠抽，但對比起 Chord Hugo 出黎 D 聲，Hugo 啱自己口味多D 。

數碼轉數碼?

最近迷上左一樣叫 DDC 的野，Digital to Digital Convertor ，可能科技派會覺得數碼 1 同 0 ，你點換線攪咁多野咪又係 1 同 0 ，unwire 唔好導人迷信 ! 我都想事實如此可以慳番唔少錢，係電子世界唔係 1 同 0 咁簡單。原本個音樂 File 係就係得出 1 同 0 ，但你本身做唔好屏障，會跟隨好多微弱的電波訊號走入去解碼度，尤其係手機,比多左一 D 本來唔存在的垃圾比你。

同一 DAC，加個 DDC 兩個世界

個人聽 Hi Fi 好睇重 Source ，因為你後面果 Part 耳機點靚解碼點靚，前面唔靚的話就 Bye bye ，浪費晒 D 錢。所以就算 budget 唔夠，你都要在 Source 部份先投資，反為耳機可以跟隨自己的口味慢慢去調節。DDC 雖然係數碼轉數碼，以剛入手呢部藍色機仔做例子，佢主要結構係兩邊獨立線路，隔開左 USB 入黎多餘的垃圾干擾，再掉過去轉換成同軸比 DAC 。

究竟效果係點 ? 同事艾域寫開呢d 野，佢都試過聽得出聲音變化，而且比佢想像中大。如果要我形容使用後的改變，就是「順耳」「耐聽」「感情」，不過有一些有微少的 detail 還是原本的接駁法比較保留得好。Hi-Fi 野不嬲都「多隻香爐多隻鬼」，detail 經多一重就少一重，所以你要取捨，少左少少 detail 換唔換到你想要的嘢返黎。所以 Hifi 野乜都好，耳聽為實，一大堆技術聽落好勁，但最尾 outcome 可能唔啱你聽。

隨身器材利申 :
Source : iMac / Pioneer XDP-100R (USB OUT Mode only)
USB Cable : wireworld Ultraviolet 7
Coaxial Cable : micromega
DDC: audiophilleo AP1
DAC : Chord Hugo
EarPhone :EarSonic S-EM9
Earfit : Spinfit

支援 HDMI 輸出！Starforce Neo 小型街機可插原裝 NEOGEO 卡帶玩

如果大家有一定機齡，相信應該都記得 NEOGEO 這部家用機吧！雖然當年該款主機曾推出過諸如《拳王》及《侍魂》等著名作品，但由於價格比起其他家用機貴得多，所以未必人人願意選購。不過如果大家想重溫這款主機的魅力，那麼現在就有機會了，因為最近就有人製作出一款 Starforce Neo 小型街機，而且更可以插 NEOGEO 遊戲卡帶玩。 (閱讀全文…)

$5,698 可入手！HTC 10 正式在港發佈

今日香港手機界確實十分熱鬧！除了今天中午的小米 5 外，海峽另一邊的台灣品牌 HTC 亦在剛剛於香港發佈了最新旗艦 HTC 10，官方表示 HTC 10 將會在五月初正式發售，售價為 $5,698，初期會先推出銀色、黑色及金色版本。

(閱讀全文…)

Wii U 前景危殆？任天堂於 E3 2016 將只會提供一款 Wii U 遊戲試玩

等了大約一年，昨日任天堂突然宣佈代號為「NX」的新一代家用機將會於 2017 年 3 月推出。與此同時官方同時亦透露了其他新消息，比如原定於 2016 年推出的 Wii U《薩爾達傳說最新作》亦將會延期到 2017 年，不過最令人意外的是今年 E3 遊戲展中任天堂竟然只得一款 Wii U 遊戲可供試玩。 (閱讀全文…)

香港唔啱用？車主投訴 Tesla Model X 開車門撞天花板「花」晒

早前 Tesla 發表的平民版電動車 Model 3 吸引到不少人注意，但其實他們去年發佈的首部 SUV Model X 亦同樣相當搶眼，皆因其鷹翼式車門打開後就好像一對翼一樣，不過使用時是否安全就令人懷疑了，因為最近有 Model X 車主開門時就撞到天花板，而車門亦因此而受損，真係睇見都令人覺得肉痛！ (閱讀全文…)

【有片睇】原來好悶！《Pokemon Go》戰鬥全程只能睇住小精靈自動「互片」

有鑑於手機遊戲已成為目前最受歡迎的平台，因此就連傳統遊戲廠商任天堂都要進軍這個領域，而上月他們就終於推出了首款全新手機遊戲《Miitomo》，但當然玩家最期待的肯定是《Pokemon Go》。早前該遊戲已於日本舉行場地測試，而近日則移師澳洲及紐西蘭，不過當看到戰鬥方式後，大家或可能會感到失望。 (閱讀全文…)

$2,599 賣街！香港版小米 5 5 月 10 日起發售

近年中國品牌手機中，小米算是比較積極的一個，不過香港版及中國版推出時間相隔太耐這亦是為一眾支持者垢病的地方。今日小米就在中國版推出個多月後，正式在香港發佈小米 5，周期算是比過往短了一大截，售價則為 $2,599。

(閱讀全文…)

依莉詩：「溫熱按摩令眼仔碌碌」－VisoRelax 溫熱離子眼部護理儀初步評測

除咗矽膠表面、防水又識震的另類洗面機，B.KETTNER 今次的發佈會同時展示了一支迷你導入機－ VisoRelax 溫熱離子眼部護理儀。等我依莉詩同大家分享下佢有咩用啦！

(閱讀全文…)

淘汰 3.5mm 耳機是好是壞 ? 艾域分析推測未來耳機發展

在過去的個多星期，對 Head-Fi 友而言可謂震撼消息一浪接一浪，先有 LeEco 樂視 Le 2 系列繼 Oppo R5 之後，再次有智能手機刪去 3.5mm mini jack 耳機輸出端子，其次是日本電子機械工業會 JEITA，發布全新 4.4mm 耳機端子規格，究竟未來耳機會有何走向發展，而這些變化對我們用家又有何影響呢？就讓艾域在此分享一下個人見解吧。

數碼耳機不是新鮮事智能手機刪去 3.5mm mini jack 才是

在 Le 2 系列的發佈會中，樂視亦同時展示採用 USB Type-C 接頭的數碼耳機，而之前的 Oppo R5，亦隨機附送 Micro USB 接頭的數碼耳機，Intel 亦開始建議使用 USB- Type C 取代 3,5mm 制式插頭。3.5mm 命運將會如何 ? 但其實在市場上，數碼耳機並不是新鮮事，Philips 及 Sony 亦已先後推出過類似的數碼耳機，前者為用上 Lightning 插頭的 Fidelio M2L，而後者的則是採用可拆式接線設計、可同時支援配接電腦、Android、iOS 及 Sony Walkman 裝置之 MDR-1ADAC，再加上「本地製作」Zorloo 的 Z:ero 及 Aero，足證數碼耳機其實並不是新鮮事。

不過，在智能裝置中刪去 3.5mm 模擬輸出，轉為透過數碼輸出音效（如 Micro USB、USB Type-C，以及愈傳愈熱、只設 Lightning 的 iPhone 7），現階段則仍屬探索階段，而普羅消費者對不設模擬輸出的回響也是劣評居多。

在樂視 Le 2 系列推出之前，Oppo R5 已經曾嘗試過將 3.5mm 耳機插頭刪去。

至於數碼耳機，Philips Fidelio M2L 及 Sony MDR-1ADAC，相信不少 Wire 民都不會陌生。

iPhone 7 大有機會不設 3.5mm 耳機插頭，令未來 Apple 手機的用家需要轉用 Lightning 耳機。

刪去 3.5mm，改用數碼耳機有何優點？

優點一：機身可以更纖薄簡約

為何各大手機廠商要置 3.5mm 耳機輸出於死地呢？答案就是可以令手機機身變得更薄，而充電與耳機共同同一組接頭，機邊設計也可更為簡約整潔。雖說耳機插頭的直徑只是 3.5mm，但以 iPhone 為例，Lightning 插頭的厚度僅為 3mm 左右，而 3.5mm 耳機插厚度就接近 5mm，刪去後者確實可令手機機身變得更薄。

刪去 3.5mm 插頭，Oppo R5 的機身僅厚 4.85mm，當時為全球最薄。

優點二：避免內部線路干擾聲音

3.5mm 耳機輸出是一組模擬輸出端子，在播放歌曲時，手機內部就先要將數碼聲音訊號作一次數碼／模擬（Digital to Analog，簡稱 D/A）轉換，然後再經擴音晶片作訊號放大去驅動耳機並發出聲音。

改用數碼耳機（Micro USB、USB Type-C 以至可能的 Lighting），就是將上述所有步驟略過（bypass），手機內的數碼聲音訊號將會直接傳送至數碼耳機，然後在耳機內進行 D/A 轉換以至訊號放大，這種方式的好處是可以減少手機內部其他運作線路干擾輸出聲音，而實際處理訊號情況與現時的便攜 DAC／耳擴產品大同小異。

優點三：理論上可 Bit-Perfect 輸出

既然處理訊號情況與便攜 DAC/耳擴產品大同小異，聰明的 Wire 民相信也會藉此推斷，數碼耳機是可以作 Bit-Perfect（完美位元深度，即以歌曲的原生位元深度及取樣率傳輸至耳機解碼）方式，讓用戶可以聆聽 Hi-Res Audio 高解像音樂，但前提是需配合相容的音樂播放 app（支援 USB Audio 驅動輸出），而數碼耳機又必須支援 USB Audio Class 2.0 輸入，才可以作高清音樂播放，否則就會有機會由系統作重新取樣（Re-sampling）或取樣率轉換（Sample Rate Conversion），令聲音無法以原音重現。

只要軟件及硬件支援，將智能手機變成純播放訊源，再在數碼耳機中享受 Hi-Res Audio 絕無問題。

刪去 3.5mm，改用數碼耳機有甚麼缺點？

不能邊充電邊聽歌

當大家聽到智能手機要刪去 3.5mm 插頭，改為採用數碼輸出時，第一時間的反應都是：「豈不是不能一邊充電一邊聽歌？」需知道現時智能手機耗電量大，平日一邊聽歌一邊瀏覽社交網絡一邊通訊，電量未必捱得過半天。假若電量不足要充電時，而手機又不設 3.5mm 耳機輸出的話，就代表它只能乖乖地靜靜充電。當然各廠方可以推出分插配件，一邊是接駁數碼耳機，另一邊就是智能手機充電插頭，但這類配件的體積就無可避免地變大，而且又要強迫消費者花費金錢購買多一件配件。若果真的要一邊充電一邊聽歌，或許就只可借助藍牙耳機了。

往後智能手機不設 3.5mm 插頭，或許就要購入像 Lightning Digital AV 轉換器這類同時配備數碼耳機輸出及充電端子的配件，才可做到邊聽歌邊充電。

耳機不能與其他插頭共用

相信當下不少人都會同時擁有 Android 及 iOS 裝置，由早年 Micro USB v.s. Lightning，到當下 USB Type-C 又加入戰團，智能手機接頭本身已經呈鼎立之勢。若智能手機連共通的 3.5mm mini jack 也刪去，往後買入某一平台的耳機，在其他裝置中能夠共用的機會就會降低，情況與早期免提線控不能通用的情況有點類似。

現時的智能手機，已設有 Micro USB、Lightning 及 USB Type-C 插頭，若往後要使用這些插頭連接耳機，想「一機走天涯」就更有難度了。

要用回 3.5mm 需配合轉插

樂視在發布 Le 2 系列時，亦同時展出專為該款智能手機而設的 USB Type-C/3.5mm 轉插，讓用戶可以用作連接一般耳機。若果這種設計未來成為主流的話，都確實頗為「陀手褦腳」，毫不討好。若轉插採用的晶片及線材質素一般，亦會大大影響音質表現，是希望藉此強迫大家轉用數碼耳機，甚至必須使用原廠或通過廠方認證的產品，就只有各手機廠商自己才知了。

智能手機刪去 3.5mm 插頭，若想要用回傳統耳機，就要接駁 USB Type-C/3.5mm 轉插，實在頗為麻煩。

全新 4.4mm 端子發佈望統一平衡驅動規格？

「有人辭官歸故里，有人漏夜趕科場。」當智能手機刪去 3.5mm 耳機插頭之外，日本電子機械工業會 JEITA 就在兩日前公佈較傳統 3.5mm 端子稍粗之 4.4mm 耳機插頭的詳細資訊。現時常見於耳機的插頭有 3.5mm 及 6.3mm，而近年 Head-Fi 界開始盛行「平衡」輸出，不少 DAC 耳擴、DAP 以至耳機都開始用上平衡端子，但業界卻一直未有統一端子格式，因而出現 2.5mm TRRS、XLR、雙 3.5mm、4 針方形 RC-5204 等平衡端子，叫不少消費者感到困惑不已。JEITA 今次制訂 4.4mm 端子規格，就是希望藉此統一平衡端子，。JEITA 的定義的 4.4mm 平衡輸出端子為 5 極設計，分別為「L＋」、「L－」、「R＋」、「R－」及接地，總長度則為 19.5mm。

那邊廂智能手機大有機會爭相刪去 3.5mm 模擬插頭，這邊廂 Head-Fi 友就有機會面對 4.4mm 插頭統一平衡驅動規格的情況。

水哥 + 依莉詩教你 : 玩盡嘉頓「超迷你」焗爐速食

由發現嘉頓迷你焗爐開始，我依莉詩已經下定決心要得到佢。捱咗幾日麵包，呢個的的骰骰的焗爐終於到手，我同水哥決定發揮佢的潛能，嘗試「玩生命，樂讀者」！係玩生命麵包先啱！仲搞到個焗爐出晒煙添！

(閱讀全文…)

港女科技一週：點知港女是咪「真・港女」? 14 點港女特徵

港女去過嘅咁多次旅行之中，其中最頂唔順，就係同個旅伴唔啱 Key，真係會嘔血。我有一次近近地去旅行散下心，就遇上一個唔識睇人眉頭眼額，偈又傾唔埋，價值觀又有天淵之別的朋友，平時相處真係無乜野，但正所謂「相見好同住難」，一齊玩幾日真係辛苦過我返工，所以我非常明白《跟住矛盾去旅行》入面啲人物嘅心理。上一段《曾鈺成 X 長毛》其實真的還好，佢地都叫做有共通點，今次呢段《葉蘊儀 X 連詩雅》未睇就知大鑊，近日 viuTV 仲自己剪左條連詩雅中英夾雜講野嘅片出黎，引起好多人討論「港女」（雖然平時都已經有好多人討論 LOL），而唔係「女神」。仲有人即刻就住連詩雅喺節目入面嘅表現，整左做「港女性格測試」，港女叫得做「港女」當然要做下呢個測試，睇下自己有幾「港女」啦～～～~~如果有女神測試我都想做下喎～（誤）~~

(閱讀全文…)

抗議 Uber 入侵的士司機發難堵路

有到過匈牙利首都布達佩斯瀏覽的朋友，都會記得這個漂亮的城市原本分為布達和佩斯兩座城市，後來在 1839 至 1849 年間因為一條鐵橋相連，令到兩邊迅速發展。這條布達佩斯鐵橋更是這個古城的重要地標和象徵，除了是遊客必到參觀的景點，亦是市民常用的道路。

(閱讀全文…)

Android、iOS 都用得 Starbucks 推出 Emoji 鍵盤

很多人都喜歡在 Starbucks 打躉，無論是 Sell 保險、做功課還是 Hea 住睇書上網扮有型。如果你是一位每天都會在 Starbucks 流連，或者每天都要「進貢」喝一杯的粉絲，Starbucks 日前推出的全新手機 Emoji 鍵盤就不得不安裝，雖然沒有提供優惠，但就有不斷更新的 Starbucks 飲品和相關 Emoji 可供選擇。

(閱讀全文…)

Tesla CEO：自動駕駛令意外數字減 50%

早前我們報導過，Tesla CEO Elon Musk 在 Twitter 分享了 Model S 車主的一條行車紀錄短片，因為該 Model S 配備了 Autopilot 功能，令到車主在公路上避免了一次嚴重的意外。日前 Musk 在接受傳媒訪問時更直言，Tesla 的 Autopilot 功能令交通意外減少了 50%。