第 2782 頁 – 香港 unwire.hk 玩生活．樂科技

Apple Music 一步到位？傳將推 24bit/96kHz Hi-Res 串流

已推出接近半年的 Apple Music，發展看來不算太平坦，講普及性未必及得上已發展多年的主要競爭對手 Spotify，音質表現更不能與提供 CD 級串流的 Tidal 相提並論。但在過去的週末於東京秋葉原舉行完畢的 Portable Audio Festival 2015 中，就傳出十分驚人的消息：Apple Music 有機會支援 24bit/96kHz Hi-Res 串流傳輸！

據日本網站 Macotakara 引述多間參與 Portable Audio Festival 2015、並與 Apple 關係密切的內幕人士表示，Apple 將於 2016 年發展最高達 24bit/96kHz 級的 Hi-Res 串流功能。該網站更指出不少高階音響生產商已在 16 年的產品線中加入 Lightning 相關線材，因而推斷 Apple Music 將會透過 Lightning 端子提供 Hi-Res 音樂串流服務。

之前已有傳 Apple 有機會在 iPhone 7 中棄用 3.5mm mini jack 模擬輸出，而改以Lightning 作音效輸出，不過個人認為此舉著實過於「一刀切」，大大限制 Head-Fi 迷選擇配搭耳機的自由。若果 Apple Music 果真推行 Hi-Res 串流，相信 Apple 將會是更善用 Lightning 作直接 Hi-Res 音效輸出，令發燒友可配合相關解碼或耳擴驅動自己的高階耳機使用，並全面推動各個廠商推出更多 Lightning 耳機。

現時市場上直接以 Lightning 連接的耳機不算太多，最具代表性的就有 Philips Fidelio M2L 及 Sony MDR-1ADAC。

《葉問 3》影評：打戲設計有心思

如你聖誕節目之一是睇戲的話，西片《星球大戰：原力覺醒》和華語片《葉問 3》相信是不少人的不二之選了，畢竟宇宙最強丹爺版葉問，比㗳落有味的朝偉版和較接近史實的秋生版更廣為大家熟悉，近日丹爺版葉問 3 終於上映了，今集更加入充滿戰力和話題性的前世界重量級拳擊冠軍－泰臣，不看絕對會少個話題跟朋友聊天了。

小心：Yahoo! 香港電影全劇透！！！

不知多少人跟筆者一樣，買票前可能會用手機 App 或上網看看有關電影資料，如不想全劇透的話筆者良心建議你，千萬、千萬、千萬不要按入 Yahoo! 香港內電影分頁的葉問 3 介紹了，因它基本上已將全套電影的文武主線「爆」出來。。。。。。。

打戲設計有心思

入場睇葉問當然是睇打戲，今集打戲場數明顯比上兩集多，丹爺除了要「迫於無奈」挑戰片中其他高手外，亦少不了 1 個打 N 個的個人表演時間，泰臣自然亦會用西洋拳跟丹爺對決，可惜他們對戰時間略短，泰臣更沒甚麼個人表演時間，如你是為了泰臣入場的話絕對會覺得不夠喉。幸好導演沒有浪費張晉的身手 (一代宗師中的張晉打得太少了)，片中他的打戲成份只比丹爺略少，但同樣有不少個人表演時間，喜歡張晉打戲的你絕對不要錯過，而且片中亦會感到他跟丹爺打出不一樣的詠春味道。

筆者覺得今集除了打戲場數多值得一讚外，當中幾場單挑打戲亦設計得十分有心思，甚至突顯了部份詠春拳的特點，例如如何以詠春敵過體力好、拳又重的泰臣？跟泰拳手在升降機一戰，葉問如何在狹窄空間發揮所長？而最後一場同門對決更出盡詠春的拳腳兵器，難怪朋友戲言今集是詠春拳的示範教科書。

文戲再昇華形象

上兩集的文戲主要透過國仇家恨，將葉問由一介武夫昇華成一代宗師和民族英雄，而今集文戲主線放在妻子身上，當中丹爺沒說甚麼金句或甜言蜜語 (當然亦沒什麼表情)，只是透過不同的行動令葉問由前幾集的怕 (或尊重) 老婆的武夫，升格成新一代好男人的代名詞，相信今集葉問可吸納部份女性成新觀眾。

今集文戲感覺雖多但幸好不算悶，反而正經說教部份筆者就不太受得了。故事方面相信大部份人都會猜中 8 成以上內容，所以驚喜不大亦不算特別好，而且當中似有泛駁的地方。值得一提是今集加入不少新配角，例如張繼總、吳千語、劉以達、譚耀文和陳國坤等，他們雖然出場發揮機會較少，但角色形象仍算明顯 (吳千語例外)。

iPhone 6s 裡頭有 4 個收音咪，你知道有何作用 ?

現時的智能手機已並非單純提供通話功能那麼簡單，所以現時不少手機已配備更多的收音咪，比如之前就有人發現 iPhone 6 上設有 3 個收音咪，但來到最新款的 iPhone 6s 數量原來已增加至 4 個，不過大家又知不知道設置那麼多收音咪到底又有什麼功用呢？ (閱讀全文…)

Sanrio 數據庫資料流出！超過 330 萬 Hello Kitty 粉絲「中晒伏」

作為全球最受歡迎的卡通角色之一，多年來 Hello Kitty 已經累積了不少支持者，而為了接收官方的第一手消息，不少粉絲甚至更會登記成為 Sanrio 的會員。不過今日各位會員應該會人人自危，因為近日有研究員就發現網上竟然出現了 sanriotown.com 數據庫的資料，當中超過 330 萬個會員帳號的資料已變成無遮無掩。
(閱讀全文…)

聖誕節打機，換隻 Gaming SSD 好無？

相信一眾 PC Gamers 都趁年尾大 Game 出爐買落好多 Game，加上聖誕長假有幾日，唔打機點對得住自己？但而家啲 Game 閒閒地都幾十 GB， Hard Disk 話咁快無位，傳統硬碟就算去到 7200 轉都係唔夠快，有諗過買 SSD 等佢 load 快啲打機順啲，不過呢 SSD 點都比普通 HDD 貴一截，又買唔落手…不過，咁啱聖誕有隻 SSD 有禮物送，專為機迷而設，就係 Plextor 嘅 M6V 同埋 M6e Black Edition 兩款 SSD ，不過，兩款嘅主打都有啲唔同。等我為大家睇睇呢兩隻 SSD 有咩咁特別啦！

(閱讀全文…)

【unwire TV】《星戰》都有鹹濕版？玩《Fallout 4》恨錯難返

21/12 今日新聞精選

《星戰》都有鹹濕版？銷售急增5倍！
http://unwire.hk/2015/12/20/star-wars-adult-film-sales-increase-500pc/fun-tech/

自拍神棍定手機殼？一拉即用勁方便
http://unwire.hk/2015/12/21/stickbox-selfie-stick-case/mobile-phone/phone-parts/

玩《Fallout 4》上晒癮老婆走佬兼失業！
http://unwire.hk/2015/12/21/russia-gamer-lawsuit-fallout4/game-channel/

中國訂單急升！罐裝加拿大「空氣」$239 人仔照搶

中國空氣污染問題到底有幾嚴重？從經常聽到各大城市受到霧霾威脅的消息已可略知一二。現時想在中國吸一口新鮮空氣並不是易事，不過有人卻從中找到商機，因為最近加拿大公司 Vitality Air 就將當地的空氣放到網店發售，並且更成功吸引到不少中國消費者選購。 (閱讀全文…)

仇人聖誕禮物！Gradient 純漸變色砌圖砌到「人都癲」

雖然今時今日砌圖這種玩意已經及不上以往那麼流行，但由於可以打發不少時間及考驗定力，所以這種產品依然有其存在價值。一般來說砌圖通常都會以各種不同圖案作為主題，但最近有海外設計師就設計出一款幾乎純色的 Gradient 砌圖，由於當中並未設有任何線條，可見難度一點也不低呢！ (閱讀全文…)

支援 QC 2.0 叉電座 Magic-Pro MiniQ Charging Station 5Q

時下隨身裝置眾多，智能電話、平板電腦、流動電池、數碼相機、手提音樂播放器……等等，一個人擁有不止一部，要同時為他們充電確實是一門學問。Magic Pro MiniQ Charging Station 5Q 這款充電座台想必能夠解決你的問題。

獲得Qualcomm® Quick Charge 2.0認證．5 接口齊發充電無難度

MiniQ Charging Station 5Q 設有 5 個 USB 充電接口，合共提供 63W的電量輸出，可同時為 5 部裝置充電。MiniQ Charging Station 5Q 另獲得 Qualcomm® Quick Charge 2.0認證，分別擁有 1 組 Qualcomm® Quick Charge 2.0（如接上非 Qualcomm® Quick Charge 2.0 支援裝置，將輸出 5V / 2.4A）及 4組 5V / 2.4A 充電接口，能支援大電流的裝置如平板電腦。

P1160694 — MiniQ Charging Station 5Q 設有 5 個 USB 充電接口，合共提供 63W的電量輸出，可同時為 5 部裝置充電，其中一組支援 Quick Charge 2.0 。

MiniQ Charging Station 5Q 能支援現時大部分流動裝置，例如平板電腦、iPad、iPhone、智能電話、手提電話、相機及全球定位系統設備 (GPS) 等採用 USB 充電的裝置等，並內置防過流、防超載、防短路及防過熱智能保護設計。此外，配備英國規格AC插頭，輸入電壓為AC 100-240V，另可選購歐洲、美國、日本、韓國、澳洲及中國規格AC插頭。

設有防刮花矽膠整理架．齊齊整整佔用極少空間

MiniQ Charging Station 5Q 體積為 150 x 100 x 66 mm，淨重量為 220 g，備有迷鑽藍色可供選擇。扁平設計方便安放於桌面之上，最特別的是，裝置上設有防刮花矽膠整理架，能為多部設備充電的同時提供收納功能，齊齊整整佔用極少空間，令工作平台保持整潔。

此外，MiniQ Charging Station 5Q 內附 1 條 80 cm 銅製數據傳輸線，減低電量流失，並支援Qualcomm® Quick Charge 2.0，可有效提升充電效能。並且，Magic-Pro 已為旗下充電產品購買全球性的產品責任保險*，令消費者能安心使用。

* ProMini及 MiniQ充電器系列已購買了全球性的產品責任保險，購買產品一年內因該產品存在缺陷導致人身傷亡或財產損失，保險公司將作出合理賠償。

小知識：Qualcomm® Quick Charge 2.0 快速充電技術

與傳統通用 USB 充電制式及 Quick Charge 1.0 制式相較，Quick Charge 2.0 能有效提升充電速度*，可在半小時內為 3,300mAh 的電池回充約 60% 的電力**，但其他兩者則分別僅能為手機提供約 10% 及 30% 的電池容量，充電時間約縮短 75%。*

Quick Charge 2.0制式分為 A 級和 B 級兩種標準，其中 A 級標準適用於智能手機、平板電腦以及其它流動裝置。Quick Charge 2.0 A 級標準規定的最大充電電流為3A，如果在 5V 的情況下，充電功率就為 15W，故此充電速度比一般充電或僅支持10W 的 Quick Charge 1.0 制式更快。此外，Quick Charge 2.0 支持 5V、9V 和 12V三種電壓，能進一步提升充電功率及減少電壓損耗。

* 需對應指定型號及採用數據線，詳情請參考：點按此
** 數據只供參考，測試以 3,300mAh 電池容量計算

產品規格：

顏色：迷鑽藍
體積：150 x 100 x 66 mm
重量：220 g（不包括包裝盒，火牛及電源線）
火牛：AC 100~240V 50/60Hz 1.5A
輸入：DC 19V 3.42A
輸出：DC 5V 2.4A x 1 or DC 9V 1.67A or DC 12V 1.2A + DC 5V 2.4A x 4
最大輸出：12A

建議零售價：HK$ 498（一年原廠保養）

查詢：2388 4168 (Magic-Pro)

贏在起跑線？Facebook CEO 女兒出生不久已經要讀量子物理學書籍

相信大部份人都會認為歐美等地的家長會比較開通，除盡量讓子女在各方面自由發揮外，亦不會迫子女去死讀書。不過這點卻似乎並不適用於 Facebook CEO 朱克伯格（Mark Zuckerberg），因為最近他在公開其女兒 Max 的生活寫照時，就出現了一幕陪讀書的畫面，當中所看的書籍更令人大吃一驚。 (閱讀全文…)

中國公廁起革命！北京「第五空間」公廁有 Wi-Fi 可充電兼能提款

如果大家有去開大陸旅行，相信對當地公廁的印象應該不會太好，因為除污糟兼臭氣沖天外，有不少的廁坑內甚至更會生滿蛆蟲！不過這種問題去到日後或可以解決，因為一間名為「第五空間」的新一代公廁最近已於北京投入使用，除可以上廁所外，該公廁更會加入不少現化代功能。 (閱讀全文…)

高校並非完結！井上雄彥相隔 5 年再畫《Slam Dunk》新圖

如果大家喜歡打籃球而又有番咁上下年紀，相信應該會對《Slam Dunk》這套動畫念念不忘吧？過去幾乎年年都會傳出井上雄彥會重畫《Slam Dunk》的消息，至於日前井上先生更親自繪畫了一張《Slam Dunk》新圖，即時引起人無限的遐想，莫非真係有機會再睇這套漫畫。 (閱讀全文…)

襯到衫又監察到你健康？ ASUS VivoWatch 運動型智慧手錶

如果有睇過「龍咁威」嘅話 (應該咁多位 Wire 民都睇過啩？) ，你就知道鄭中基買車係拎嚟襯衫嘅！可見其實襯衫係好多人心目中嚟講係非常之咁重要嘅呢！所以當我聽到有人話聖誕禮物諗住送錶俾人做聖誕禮物，我都即刻話：「咪住！」因為傳統嘅錶就無得日日變嘅，但係有種錶就日日都變到，仲可以監測埋你心跳咁話，呢隻咪就係 ASUS 新嘅 Vivowatch 囉！

百變錶面 + 錶帶「方便襯衫丫嘛」

點解可以變呢？原因就係佢可以自訂多款唔同類型嘅錶面，可以因應個人嘅風格而選擇唔同錶面。除左錶面，佢嘅錶帶都可以隨意更換成市面有售嘅 22mm 錶帶，換返條錶帶加錶面，就可以襯返唔同風格嘅衫。

unwire01 — 首先，下載咗佢專用嘅手機 App HiVivo，之後入「Setting」內揀「Watch Face」。

unwire02 — 之後佢有 12/24 小時制式俾你揀，亦有唔同嘅錶面，例如有字，有啲仲可以 show 埋步數同埋消耗卡路里都得架。

unwire03 — 錶帶其實都係可拆可換嘅，只要係市面上 22mm 嘅錶帶其實都可以換。

UV 、計步、熱量消耗乜都有勁方便

注重健康嘅朋友，VivoWatch 內建心率偵測器能夠 24 小時活動及睡眠紀錄各功能，監察身體每一刻嘅情況。你可能會話，點解唔買專業嘅測心跳帶呢？因為心跳帶成日包住心口，有非常侷促俾人箍住嘅感覺，智能手錶就唔同，好似戴錶一樣。

而且 ASUS VivoWatch 搭載咗獨家 VivoPulse，以光學感應器感應監測心率。而佢有特別嘅有氧心率指示燈，會話你知而家用緊心跳率係過高定係唔夠，當用緊最適中嘅心跳運用之時，就會著起綠燈，太高就著紅燈。方便用家分辨幾時要加強同放慢。

unwire05 — 背面除咗係叉電接口，仲有個光學心率感應儀，而且配合埋 VivoPulse 嘅測心跳率功能，就可以監察幾時係最適合嘅心跳率，從而喺做運動之餘亦能夠達到最佳訓練效果。

VivoWatch 仲有計步功能，可以計到每日行到幾多步，假如坐得太耐仲會有 Walk reminder，提你係時候起身出去行下。至於戶外運動方面，佢亦內建 UV 紫外線感應器，可以查看外出時嘅即時紫外線量，保障埋皮膚健康。

一大班 Friend Keep Fit 總比一個人好

有句諺語話「一個人跑得快，兩個人跑得遠」。有親朋好友陪你做運動，當然能夠容易堅持落去過健康生活。Vivowatch 嘅功能就正正配合呢句諺語，只要透過 ASUS HiVivo 手機 App 或 ASUS 健康網站，無論身在何方，都能夠隨時掌握到穿戴 Vivowatch 嘅家人朋友身體狀況。此外，VivoWatch 嘅 App 能夠輕鬆瀏覽健康資訊，好友分享互相鼓勵，齊齊 keep fit！

超長氣電池成一星期唔使叉電！

ASUS 呢款穿戴式裝置，具有超長續航力。假如每日用住正常模式都可以用到 7 日先叉一次電，適合長時間使用，也意味你瞓覺都可以戴住佢測量睡眠質素，可以更加全面得悉你身體嘅情況，佢亦設有輕微震動鬧鐘，能夠叫你起床。而充電時間亦只需 1-2 小時，好快就可以叉完再用過。

unwire21 — VivoWatch 有專用嘅充電座，由電線連接充電座先，然後將錶底對準充電接口，就可以充電，充滿電大概可以用到一個星期。

unwire15 — VivoWatch 可以監察埋你嘅睡眠狀況，之但係，做緊嘢點訓呢？XD

IP67 防水防塵沖涼都帶得

假如話長時間戴住，沖涼都應該可以戴住啩？無錯！真係可以沖涼都戴住，事關佢擁有國際防護標準等級 IP67 嘅防水能力，水深一公尺都可以沉住 30 分鐘無事，沖涼就梗係無乜問題。

快樂指數讓你能簡單快速掌握身體狀況

時間忙碌嘅香港人又邊會得閒成日拎隻錶係度撳撳撳吖，不過 ASUS 嘅 Vivowatch 就有一個叫做「快樂指數」嘅功能。簡單嚟講，佢會綜合你嘅睡眠同運動測量嘅結果，得出一個數值，呢個就係快樂指數喇！呢個數係反映你嘅身體狀況嘅，愈高就代表你嘅身體狀況愈好喇。

將數據同步至電腦手機睇 Message 好方便

咁一隻智能手錶又點少得可以同你嘅手機同步呢？VivoWatch 係可以將你嘅身體數據同步至手機，無論係 iOS 定係 Android，只要 Download 咗佢嘅專用手機 App 「MyVivo」，咁就可以查看完整運動紀錄、睡眠品質分析以及詳細成果資訊。

unwire11 — 透過 HiVivo 手機專用 App，就可以用藍牙同步手錶資料去手機喇！

而且，佢仲可以同步至手機，當手機有來電時，佢就會發出震動，提醒用家有電話打嚟，唔驚 miss call。而有訊息之時，更會係錶面顯示訊息 / Email，並可以繁體中文顯示！唔怕亂碼！

總結：主打健康生活嘅方便智慧型手錶

本來小編以為 Vivowatch 應該同普通 Android Wear 無乜分別，但原來唔係。因為佢並唔係一隻 Android Wear！佢用自家嘅 ASUS Kood OS 同時支援 Android & iOS，即係話原來 Apple 用家都用得。呢點的而且確令小編眼前一亮，就算拎嚟做聖誕禮物送俾屋企人監察健康亦同樣方便。

請留意！ASUS 聖誕優惠！

由 2015 年 12 月 15 日至 2016 年 1 月 15 日期間，凡於任何 ASUS 授權經銷商購買 VivoWatch，即可免費換領黑色或銀色金屬錶帶一套。有興趣嘅 WIRE 民趁住聖誕節就快啲入手啦！

建議零售價：$1,399

查詢： 36196500 (Good Century)