第 2810 頁 – 香港 unwire.hk 玩生活．樂科技

DSE Wiki 善用 Big Data 分析答題強弱

唔通小編同港姐冠軍同屆考會考但攞唔到 10A 又要講你知咩？想當年，小編同班同學仔 share 試題、Solutions、仲有各大學校的 Mock 卷s，日操夜練，日日去自修室做 Pastpaper，個疊戰跡纍纍嘅筆記簿，仲係書架上面，有時唔覺意睇到，都真係幾佩服自己嗰時嘅毅力。而家啲小朋友就幸福喇，唔使再自己影印摷 Solution 搵答案，唔使再 mark 自己錯左啲乜，只須下載一隻 APP － DSE Wiki，用埋 Big Data 幫你分析強弱項，等你清楚自己衰咩，對準自己需要來複習。如果當年我有呢個 APP，可能我都 ~~做到港姐冠軍~~ 可以拎獎學金去劍橋讀書！

開發 DSE Wiki 的 Digital Solutions (HK) Limited CEO 曾寶霆先生

APP 都有考試精讀一條龍 ?

有操過 Pastpaper 的朋友都知，考評局出嘅試題係不附設完整參考答案，所以坊間先有咁多出版商製作厚厚的 Solutions，補習社又會提供題解同答題技巧等等。有見及此，DSE Wiki 應運而生，一站式提供 MC 測驗界面、 Solutions、分析測驗結果等等，唔使你左揭右翻，全新的溫習模式，集中精力應付考試。

你可能會問，佢啲答案邊度黎架？信唔信得過架？小編當然同你諗法一樣，幫你問左喇！APP 入面的參考答案係由一班現職教育相關工作同埋退休中學教師編寫，有晒應付考試的經驗！但最吸引到小編的其實係佢個分析，每次做完份卷就會出返份 report 俾你，有晒圖表的數據分析，仲可以做多幾次，對比成績，強弱項一目了然，唔使浪費時間，可以集中火力溫習自己弱項。

一齊睇睇隻 APP 點用啦！

dw01 — 個 App 係需要登記嘅，不過唔使用 Facebook 都得，佢仲會問埋你幾年級同邊區讀書，可能方便佢地做統計？

dw_03 — 一入到去就見到你想做的科目的試題喇，暫時個 App 入面有數學、Phy Chem Bio、Econ、BAFS，6 科，黎緊仲會有多幾科俾大家做。有齊近 15 年的會考及 DSE 題目，做到你唔做呀！

dw_04 — 揀選「TEST」就可以做各科的 MC 卷（LQ 只題提供 Solutions），㩒入個年份就開始架喇，佢啲試題已經篩選左 OUT-SYLL 的題目，非常貼心。交左之後就即刻出成績，仲可以對應返試題睇 Solution 添！

dw_05 — 睇完 Solution 如果你都 mark 低佢之後重睇，可以「bookmark」起佢，之後再睇。後面幾張圖就係俾你睇返過往成績，強弱項，唔同 Level 題目的表現等

內建計時容易評估答卷速度

同學留意返，隻 APP 要上網架，所以做卷的時候一係留喺屋企，一係去圖書館用 WIFI，費事爆 DATA 啦！另外，而家暫時只有 Android 版，iOS 版要 10 月先有，用 iPhone 的同學仔要等等喇

小編仲有個建議，如果個 APP 係做卷的時候有內建計時就更好，咁就知道自己做得夠唔夠快，又唔使另開一隻 APP 丫嘛。另外，呢個 APP 暫時只幫到你做 MC，長題目講究嘅答題技巧同 understanding 的需求更多，千祈唔好只依賴隻 APP 呀，必要時，都係要搵返老師傾下，同同學切磋下嘅！準備考 DSE 的同學仔，加油！

父：「比支槍你，一係戒打機、一係打死我！」兒子二話不說開槍自轟

相信大家平日如太過沉迷打機的話，有時可能都會與家人發生爭執，但大多都只是鬧幾句便算。不過日前泰國芭堤雅就發生了一宗悲劇，話說一名當警察的男子威脅其兒子一是放棄打機，又或者開槍射死父親。殊不知其兒子卻竟然拿起手槍自行了斷，最後返魂乏術。 (閱讀全文…)

華強「9.25」首批 iPhone 6s 開盤，說好的「蝕死炒家呢」？

中國 AOS / IR 長開長有，反為 HK 訂到無貨。今次 iPhone 6S 一反常態，很多真用家可以首輪搶到心頭好；炒家就慘一點，大部份已經 CUT 單止蝕。奇怪事來了，當大家見到 Apple 官方咁多貨，剛剛幾間華強貼出的首批 9.25 拿機的 iPhone 6s 預訂價，仍有不少「炒價」水位，在場所見亦有顧客比錢落訂，到底點解咁傻比貴錢都唔幫襯官店 ?

中國行家話，其實而家唔多人識上官網買機同做 IR，佢地習慣手機淘寶唔等於識上網買 iPhone ，仲有好多人仲意落舖訂，不留私穩同信用咭資訊，一手比錢一手比貨，同埋「你懂的」，有人故意唔想落官舖買，留低任何交易紀錄..

樂視有英超 ? now TV 用家唔使 CUT ！繼續照睇英超

好多 now TV 用家聽到 LeTV 宣佈取得英超未來三年的轉播權後，就立即計劃「CUT Plan」轉會，冷靜! 其實 now TV與樂視體育已達成共識，通過合作繼續在now TV平台讓客戶可以在未來三季 (2016年8月起) 繼續觀賞英超賽事。基本上同而家一樣照睇，但暫時 NOW TV 未達到 4K 解像度，一定要睇 4K 英超的朋友就唯有轉會 LeTV 喇，如果唔介意的話可以留係 Now TV，不過呢用咩人講波相信兩邊都會大鬥法喇。

7 種不同款式！ZTE 即將推出 NBA 版 Axon Mini

作為中國其中一間大型手機生產商，ZTE（中興）近年推出了不少設計獨特的手機，比如早前發表的 Axon Mini 就具有 Force Touch 功能，而且該款手機的賣點更不止如此。因為據了解 ZTE 已經與 NBA 合作，並將會推出多款 NBA 版 Axon Mini，或有可能吸引到籃球迷購買吧？ (閱讀全文…)

劣評如潮！日本雪糕 31 慘遭手機遊戲《PAD》「跣一鋪」

雖然手機遊戲《Puzzle & Dragons》（PAD）的氣勢已經及不上早一、兩年那麼高，但與之舉行合作活動的品牌，通常都可收到不錯的宣傳效果。不過近日《PAD》上所舉行的「雪糕 31 地下城」合作活動，卻似乎出現了一個反效果，相信雪糕 31 事前應該沒有想到會被《PAD》「跣一鋪」。 (閱讀全文…)

史上最快速！Apple 宣佈 iOS 9 升級率已超過 50%

雖然 Apple 最新款的 iPhone 6s 及 iPhone 6s Plus 仍未正式推出，但較早前官方已經率先提供 iOS 9 的更新，而且今次這個新系統又再創出新紀錄。因為在推出短短幾日內，目前有超過一半的 iOS 裝置已經更新並使用 iOS 9 了。

(閱讀全文…)

連真嗣都有份！《EVANGELION》女裝一件頭泳衣將戰鬥服著上身

作為一套受歡迎的日本動漫，推出一系列周邊商品絕對是正常不過的事，比如《新世紀福音戰士》（EVA）便是其中之一，再加上今年是 TV 版誕生 20 週年，與之有關的產品就更加多了。比如最近有服飾零售商就推出了多款 EVA 一件頭泳衣，絕對令人眼前一亮。 (閱讀全文…)

人氣遊戲《貓咪收集》將推出扭蛋玩具

日本手機遊戲「貓咪收集」（ねこあつめ）近日成為熱潮。其可愛貓咪造型加上有趣的動作，配合小道具和場景，吸引了不少貓奴和玩家。早前「貓咪收集」更在 YouTube 舉行了直播，將遊戲場景變成真實，再讓幾隻貓咪在裡面遊戲，讓包括筆者在內的玩家放下手頭工作在螢幕前觀賞。

(閱讀全文…)

混能車車主揮手區！福特出 App 提你幾時叉電

有鑒於香港充電裝置未普及，雖然有很多評論到電動及混能車慳油又環保，但整體反應只屬一般。當然，科技不等人，為繼續推廣電動及混能車，福特最近就推出了一個 App 給予自家品牌的電動及混能車，讓車主提一提手就知道何時去叉電！以下有更多資料：

(閱讀全文…)

星戰迷秋天必備 R2-D2 加濕器

距離中秋節尚有一星期不夠，雖然天氣仍然潮濕悶熱，不過很快就會踏入秋季。如果每逢秋冬你都會皮膚乾燥爆拆，甚至偶爾會有流鼻血的情況。不妨考慮在家中或辦公室擺放一部加濕器，讓室內環境保持一定濕度。

(閱讀全文…)

Top Gear 三主持新節目將命名 Gear Knobs

因為主持 Jeremy Clarkson 的打人事件，BBC 汽車節目《Top Gear》需要突然腰斬。Clarkson 不獲續約，另外兩位主持 James May 和 Richard Hammond 亦決定離開這個皇牌節目。不過他們三人獲 Amazon 重金禮聘，將會製作類似《Top Gear》的汽車節目。

(閱讀全文…)

美國空軍 5 年內將為戰機配備戰鬥鐳射槍

睇《星球大戰》或者講述太空作戰的動畫，我們往往會見到太空戰機配備有鐳射炮。原來這武器距離我們並不太遠，最快 5 年後，美國空軍的戰機就有可能配備有類似的鐳射炮。這款名叫 HELLADS 的系統全名為 High Energy Liquid Laser Area Defense System，大小約 1.3 x 0.4 x 0.5 米，可以安裝在戰機上，以一個小型鋰電池推動。

(閱讀全文…)

唐言無忌：FIFA 16

剛剛過去的週末筆者除了睇修咸頓對曼聯的英超賽事，一直在家無所事事。不過朋友就興高采烈地玩 FIFA 16，還在 Facebook 上載圖片，看得筆者牙癢癢不是味兒。並非我懶得外出買 Game，而是做了一件非常愚蠢的事，現在讓讀者們恥笑一下。

(閱讀全文…)

最高慳 88% 數據 ! 10 款 iOS 9 廣告阻擋 app 大比拼

上星期 iOS 9 推出後，App Store 亦發佈咗唔少廣告攔截的 APPS，暫時已於香港 App Store 上架的，筆者睇到免費同付費共有 10 款。呢類 APP 對於非使用無限 data plan 的用家來講好有用，外遊個時就更加可以唔驚睇網頁爆 data！但佢哋究竟係咪有效？邊個又最有效？而家就等 Edward 同大家實測一下啦！

(閱讀全文…)

7 萬條 Office 啟動序號被偷　微軟控告回收公司要求賠償

科技公司之間出現法律爭拗已經司空見慣的事，但微軟最近控告的竟是一間回收公司。到底這間回收公司做了甚麼可以惹來微軟的訴訟？

原來微軟指回收公司的一個員工涉嫌把價值數百萬完的 Office 軟件序號偷到手，然後轉售圖利。微軟認為自己的版權受到侵犯，於是採取法律行動。

序號流出可啟動盜版 Office　微軟蒙受數百萬損失

該間回收公司叫 Global Electronic Recycling（GER），由 2009 年起獲微軟聘請處理廢物，未用或過時的軟件和硬件會以環保的方法棄置。雖然是廢物，但它們其實是被微軟抽回、不再在市面流通的的資產，對公司而言仍有價值。所以 GER 同意把它們安置在安全設施，直到它們真的不再使用。

但微軟懷疑最少有一個 GER 的員工把 70,000 張 Microsoft Office 2010 的序號卡偷掉。這些卡本來是給消費者購買產品後用來啟動軟件的，但現在這些序號也可以用來啟動盜版的 Office。

微軟於法庭文件指，GER 無法把微軟的序號卡好好存儲存和保護，導致數以萬計價值數百萬美元的盜版軟件被非法傳播和啟動。現時，微軟正向法院尋求幫助，要求 GER 就公司因盜竊和版權遭受侵犯而導致的損失作出賠償。

Source : GeekWire

女主角堅毅不屈！《Final Fantasy XV》最新宣傳片「Dawn Ver 2.0」公開

在經過差不多 10 年時間開發後，《Final Fantasy XV》製作人田畑端早前就表示該遊戲將會在明年推出，而實際發售日將會於明年 3 月揭曉。雖然在日前舉行的 TGS 2015 上，Square Enix 對遊戲發售日依然守口如瓶，不過官方卻公開了最新的宣傳片「Dawn Ver 2.0」，算是給大家望梅止渴一下。 (閱讀全文…)

不再做隨從！《Monster Hunter Cross》玩家將可親身控制艾露貓出戰

在 TGS 2015 上，Capcom 攤位的其中一個焦點當然少不了《Monster Hunter Cross》這款 N3DS 遊戲，而場中除有多個任務供在場人士試玩外，今集遊戲更會增加一種全新玩法，因為玩家終於可以正式控制艾露貓這個角色，而不再像以往只能控制獵人出戰。 (閱讀全文…)

創業106：是有種人！共享經濟？

在各種社會狀況下，香港近年多了一種人放棄安穩的大企業職位，轉投發起小小的公司，在環保、農業、社區關係等不同的社會範疇下，親力親為推動著好事。可是我們生活在私家車比電車有優勢的大時代，無論是一些生活基本質素、公共空間及共享資源都在框架下被受擠壓限制，如果你是那種人，究竟如何能堅毅不屈為「好生活」繼續走下去呢？

(閱讀全文…)

重返插卡年代！Pico Cassette 插入手機耳機插口即可玩遊戲

目前當大家想玩一款手機遊戲時，首先必須先透過網絡將遊戲下載下來，然後玩的時間有時又可能要進行更新，若然未能連接網絡便麻煩了。不過海外廠商 Beatrobo 在日前所舉行的東京遊戲展上，就展出了一款「Pico Cassette」小配件，只需插入手機的耳機插口，便可即時玩到遊戲，相當復古。 (閱讀全文…)

艾域：「投影畫面有驚喜，大前提環境要夠黑。」 Sony 掌上投影機 MP-CL1 入屋實測

在三四年前，各大小投影機品牌曾有一段時間瘋狂推出 DLP 便攜式微型投影機，艾域身邊亦有不少人詢問過是否值得購入，當時我個人的意見都是比較負面，因為當時這類投影機的畫面大都比較鬆散，而且亮度不足問題亦令不少購入者大表「中伏」，君不見同類產品近年的聲勢已經大不如前？

上星期 Sony 宣布將在 10 月正式推出旗下首款便攜微型投影機 MP-CL1，單看其猶如一部智能手機的機身，難免令艾域又再想起早年那些微型投影機，但廠方公布 MP-CL1 採用了鐳射光源及 MicroVision 的 PicoP 鐳射顯示技術，並號稱擁有 1,920 x 720 高清解像度（此處容後再談）以及支援自動對焦，加上定價不算太過昂貴，就令艾域決定在剛過去週末將之帶回家中，為各位 Unwire 讀者來一個入屋實測。

1,920 x 720 怪 Format

在個多月前得知 Sony 將會推出 MP-CL1 時，不少人都會對其 1,920 x 720 解像度甚覺奇怪，當時艾域亦以為是手民之誤，應為 1,280 x 720 才對。但當真機來到艾域手中，才發現 MP-CL1 的解像度確實是 1,920 x 720，就此廠方回覆表示，MP-CL1 的每個像素並非傳統的正方形，因此雖然解像度為 1,920 x 720，但仍能保持畫面以 16：9 的方式顯示。

此機採用「鐳射光束掃描技術」（Laser Beam Scanning），當投影時改變距離，投影機亦會即時自動對焦，無需人手操作。

看到這裡，相信各位 Unwire 讀者或許都是似懂非懂，艾域還是說些較為實際的測試情況吧。使用 HDMI 線將 MacBook Air 連接至 MP-CL1，發現後者能夠以 720p、1,080i 或 1,080p 解像度顯示，不論是 720p 還是 1,080p，投影畫面的比例仍為 16：9，未有胡亂地「搓圓撳扁」，引致畫面變型問題發生。