講到 Siri 各位 wire 民都應該唔會覺得陌生，自從 iPhone 4s 開始 Siri 就已經存在喺 iOS 之中，嚟到 macOS Sierra 終於都加入 Siri 呢個語音助手，而 macOS 版嘅 Siri 同 iOS 版又有冇咩唔同？現在就等辛尼同大家一齊試玩一吓，大家日後升級 macOS Sierra 之後就能夠即時活用。
不能如 iOS 使用喂 Siri
有用開 iOS 嘅用家，都知道現時除咗可以透過長按 Home 制之外，更可以透過「喂 Siri」叫 Siri 出嚟。至於 macOS 版就暫時仲未可以用語音叫 Siri 出嚟，如果想用 Siri 就要設定鍵盤嘅熱鍵組合，不過目前廣東話就仲係得女性 Siri 可以揀，各位女 wire 民想聽男版 Siri 就只能夠選擇「中華人民共和國（男性）」，順便可以練埋普通話。
示範影片 : (請耐心等候 loading..)
相關文章:
Apple iOS 17.4 九大更新重點【懶人包】開放側載、第三方可用 NFC 支付
比 iOS 更多的指令可用
就算喺用咗好多年 iOS Device 嘅用家，隨時都未必有用過 Siri，因為唔少人都唔知道 Siri 可以做到啲咩，又或者唔知道應該點叫 Siri 幫手。macOS Sierra 版 Siri 除咗識得聽基本嘅指令之外，為咗針對 macOS 嘅需要，亦都加入咗一啲新功能，例如大家可以叫 Siri 幫手搵電腦入面嘅檔案、控制功能開關甚至喺控制 Apps 嘅動作。
回應快 搜尋 File 更方便
電腦主要用途都喺工作為主，唔以得 iPhone 或者 iPad 咁主要用 Apps，所用得越耐，儲存嘅檔案就會越多，要搵起上嚟都幾麻煩。有咗 Siri 之後，大家只要同 Siri 講「幫我搵 XX 嘅 YY 嘅檔案」（XX 為位置，YY 則是檔案名），咁 Siri 就會顯示所有包含該關鍵字嘅檔案，試過速度都真係相當之快，就算中英夾雜都唔會有問題。
按拍攝日子/地方找尋相片
好多時用電話影完嘅相都會 Save 落電腦，一來可以多個備份，二來就方便用軟件「執執」先再放上 Facebook 或者 ig，但如果張相已經影咗一段時間，又唔記得放咗去邊嘅話，只要同 Siri 講「我想睇 X 月 Y 日影嘅相」，咁 Siri 就會喺相簿入搵出果日影嘅相，如果搵唔到嘅話，Siri 就會嘗試喺網上搵到果日嘅相片，對於平日會影好多相嘅用家一定鐘意呢個功能，唔洗再慢慢喺資料夾入面搵。不過 Siri 有時會聽唔清楚，結果佢會幫你上網搵咗先，水哥都試咗兩次先至開到。
相關文章:
Apple iOS 17.4 九大更新重點【懶人包】開放側載、第三方可用 NFC 支付
開資料夾一樣得
如果用 mac 作為主要嘅工作機，咁一定會開咗好多唔同嘅資料夾，隨住用得越耐，電腦入面嘅資料夾數量真係多到嚇死人。如果返工果時俾老細問到某個客嘅資料，要逐個逐資料夾去搵就浪費好多時間。而家只要同 Siri 講「顯示 XX 資料夾」，咁就會打開該資料料，過程大約 2 秒左右就完成，絕對比人手搜尋快很多。
聽歌睇片又得唔得？
電腦唔單止用嚟做嘢嘅，唔少人都會聽歌或者睇片，電腦入面更可能已經儲存幾百首歌好多套片，有咗 Siri 幫手想聽歌就簡單咁講「我想聽 XXX 嘅歌」又或者「想睇 XXX 影片」，Siri 搵到電腦入面合適嘅歌或者片就會自動播放，而且就算講中文名都一樣記得到。
開 Apps 唔洗打字
要應付各種唔同嘅工作需要，都必定會安裝唔同嘅 Apps，一時之間唔記得自己有無裝過嘅話，可以嘗試叫 Siri「幫我打開 XX」（XX 為 Apps 名），例如今次本來想睇 YouTube，就可以講「我想睇 YouTube」但搵唔到，咁 Siri 就會開 App Store 同埋自動列出所有同 YouTube 有關嘅 Apps，完全一隻字都唔洗打就可以 Download。
上網搵料快 10 倍
無論學生哥做功課定返工要搵料，都離唔開要問下 Google 大神，而家有咗 Siri 幫手，只要隨口講想搵啲咩佢都一樣幫到大家（想搵 XXX 嘅相），而且速度仲非常之快。不過大家就要注意，由於 Siri 用嘅搜尋引擎唔係 Google 而係用 Bing，所以搵出嚟嘅結果可能會同用 Google 有少少唔同。但大家只要同 Siri 講「用 Google 搵 XX」，咁 Siri 都好識做咁開個 Safari 再去 Google 度幫大家搵料。
相關文章:
Apple iOS 17.4 九大更新重點【懶人包】開放側載、第三方可用 NFC 支付
語音操控電腦
控制電腦入面嘅功能好似「藍牙」或者「Wi-Fi」咁，只要對於 Siri 講「開藍牙」、「關 Wi-Fi」就得，之不過唔喺所有操控都得，就好似「熄機」、「清空垃圾桶」呢類較敏感嘅操控到最後都要用家手動進行。
相關文章:
Apple iOS 17.4 九大更新重點【懶人包】開放側載、第三方可用 NFC 支付
分享到 :
最新影片
